Ali Asllani, zëri i zjarrtë i atdhedashurisë shqiptare, e ktheu poezinë në një kushtrim për dinjitetin kombëtar.

Rubrika: Libra Poezi frymezuese.

Ali Asllani, zëri i zjarrtë i atdhedashurisë shqiptare, e ktheu poezinë në një kushtrim për dinjitetin kombëtar.

Në vargjet e tij Shqipëria shfaqet si tokë e shenjtë, me rrënjë të thella dhe kokën gjithmonë lart.

Fjala e tij është e fortë, krenare dhe e mbushur me dashuri për vendin.

Ai mbetet një nga zërat më autentikë të poezisë shqiptare dhe një rilindas i vonë i shpirtit kombëtar.

Vargjet e Ali Asllanit edhe sot tingëllojnë si një thirrje: “E kush është si vendi jonë?”

Poezi

Ç’DO TË THOTË PATRIOT?

Ç’do të thotë patriot,

Sot për sot në Shqipëri?

Një tuf’ ah e një tuf lotë,

Një njeri i pa njeri!

Jo, jo! burri i bën ball’

Do buçit si val’ mbi zall.

Sa më zi edhe më zi,

Sido qoftë pun’ e tij,

Copë-cop’ i bënet buza

Po aspak s’i falet shpuza.

Sikurse një gur stërrall,

Në gji zjarrin e ka ngjall,

Qoft në lum’ e qoft’ në det

Zjarr’ i tija nuk humbet!

LE TË JEMI KRENARË.

Shqipëria jon’ tashi

Di të bëjë diell e shi,

Di të bëjë shi e diell,

Sepse kokën e mban lart,

Sepse rrënjët i ka thellë!

Le te jemi, pra krenarë!

Që nga len te perëndon,

E kush është si vendi jonë?

Si në tok’ edhe në det

Kemi pjesën më të bukur,

Në të bukurin planet!

Le të jemi pra krenarë,

Dy milionë thua shqiptarë,

Fis fisnik në radh’ të parë,

Titan ishim, titan jemi

Dhe përhera gjithë titan,

Rreptësonet shum’ shqiponja.

Kurse matet me tufan!

Përgatiti: Prestige.