Kryeministri Edi Rama u prit sot nga mijëra qytetarë shqiptarë që jetojnë e punojnë në Greqi.Një ditë e paharrueshme shqiptarie

Rama publikon fotoalbumin nga takimi në Athinë: Një ditë e paharrueshme shqiptarie

Nga Almarina Gegvataj -12/05/2024

TIRANË, 12 maj/ATSH/- Kryeministri Edi Rama u prit sot nga mijëra qytetarë shqiptarë që jetojnë e

punojnë në Greqi.

Stadiumi “Galatsit” të Athinës, u vesh dhe jehoi kuqezi nga bashkatdhetarët të cilët ishin bashkuar për të mirëpritur kreun e qeverisë shqiptare.

Kryeministri Rama publikoi në rrjetet sociale foto nga ky takim historik në Athinë në kuadēr të turit “Krenarë pēr Shqipërinë”.

“FotoALBUMI i një dite të paharrueshme shqiptarie”, thekson Rama.

Gjatë fjalës së mbajtur, Kryeministri Rama i konsideroi shqiptarët në Greqi si zotër të barabartë të shtëpisë.

“Faleminderit nga zemra për këtë mikpritje kaq prekëse. Ju jeni bërë shëmbëlltyra e jashtëzakonshme e krenarisë tonë në këtë pjesë të Evropës”, u shpreh Rama.

Kryeministri theksoi se: “disa këtu në Greqi u çuditën. Të tjerë u mërzitën. Ndonjë edhe tha se unë nuk duhet të vija për vizitë tek ju. Por mbase kur ta shohin këtë shfaqje gëzimi familjar, ata do kuptojnë që unë nuk kam ardhur të takohem me shërbëtorët e tyre të dikurshëm, por kam ardhur të çmallen me të zotët e barabartë të kësaj shtëpie. Kam ardhur të flas me qytetarët e barazvlefshëm të Greqisë demokratike në Europën demokratike ku shqiptarët nuk janë më të ardhurit e leckosur nga malet, por janë përfaqësuesit e një vendi krenar që është Shqipëria jonë”.