Poezi nga Naim Frasheri.

Rrevista Prestige

#Inspiration

#NaimFrasheriPoetRilindas

Rubrika:Shkrimtarë të mëdhenj Rilindas që na frymezojnë

Poezi nga Naim Frasheri.

Poezia shpreh shpresën dhe besimin e Naim Frashërit se Shqipëria do të ndriçohet dhe do të lulëzojë. Ai thekson rëndësinë e bashkimit, njerëzisë dhe virtytit si çelësa të përparimit, duke dërguar një mesazh optimizmi dhe durimi për të ardhmen e kombit.

Kam shumë shpresë

Poezi nga Naim Frashëri

Kam shumë shpresë

Te Perëndija,

Që të mos jesë

Kështu Shqipëria,

Po të ndriçohet,

Të lulëzohet.

Pa vjen një ditë

Që të na sjellë

Të madhe dritë,

P’ajo të pjellë:

Qytetërinë,

Fatbardhësinë.

Vëllazëria

Edhe bashkimi

E njerëzia

Është shpëtimi,

Lum kush t’arrijnë!

Pa do të vijnë.

Që Shqipëria

Do të ndriçohet

Dhe ligësia

Do të mërgohet.

Ja, kjo e vërtetë!

Pse rri e qetë?

Për Shqipërinë

Ditët e mira

Paskëtaj vijnë,

Shkon errësira.

Lum kush të rronjë,

Ta shohë zonjë!

Se shqiptari

E gjuha tija

Venë së mbari

Dhe Shqipëria,

Lum kush ta shohë

Për pakë kohë.

Pa dituritë

Dhe mbrothësia,

E mirësitë

Dhe njerëzia

Do të burojnë,

Nukë mënojnë.