21 Maj – Dita Ndërkombëtare e Diversitetit Kulturor për Dialog dhe Zhvillim.

21 hours ago
2 min read

Trashegimi kulturore

Revista Prestige.

21 Maj – Dita Ndërkombëtare e Diversitetit Kulturor për Dialog dhe Zhvillim

Një ditë për të ndalur hapin dhe për të dëgjuar tingujt, ngjyrat dhe ritmet e shumë kulturave që bashkëjetojnë në një mozaik të pasur njerëzor.

Kjo ditë u shpall nga Asambleja e Përgjithshme e Kombeve të Bashkuara në vitin 2002, në vijim të Deklaratës Universale të UNESCO-s për Diversitetin Kulturor. Qëllimi është i qartë: të promovojmë dialogun mes kulturave, mirëkuptimin, paqen dhe zhvillimin e qëndrueshëm.

Çdo gjuhë që flitet, çdo këngë që këndohet në male apo fusha, çdo ritual, kostum popullor apo valle e trashëguar, është më shumë se thjesht një shfaqje "është shpirti i një kombi" është një dëshmi historike që i jep jetë identitetit kolektiv.

Shqipëria, me trashëgiminë e saj të pasur që përfshin minoritetet, zonat etnografike, dialektet, kostumet dhe festivalet, është një shembull i gjallë i këtij mozaiku kulturor. Nga polifonia e jugut te lahuta e veriut, nga ngjyrat e veshjeve të Gjirokastrës te thjeshtësia fisnike e traditave të Malësisë – të gjitha këto janë pasuri që duhen ruajtur, promovuar dhe ndarë me botën.

Në këtë ditë, Revista Prestige ju fton të:

*ecni mes historisë,

* të njihni më shumë për *tjetrin,

*të dëgjoni pa paragjykime,

*dhe të flisni me respekt për *çdo shprehje kulturore.

Kultura është dialog. Kultura është ura që na bashkon, jo muri që na ndan

Sot, le ta nderojmë këtë ditë me krenari.

Le të jemi më kuriozë, më të hapur, më respektues ndaj kulturës së tjetrit.

Sepse në shumëllojshmëri, gjendet forca jonë më e madhe.

Dhe në dialog, gjendet kultura e paqes.

#revistaprestige #Inspiration

Foto nga site shqiptare (Butrinti, Apolonia, Berati, Gjirokastra)