Kur qaja unë, me mua s’qau askush;
- Autor LP
- Sep 30
- 1 min read
𝗞𝘂𝗿 𝗾𝗮𝗷𝗮 𝘂𝗻𝗲
Kur qaja unë, me mua s’qau askush;
veç fija e barit në anë të udhës mbirë
dhe deg’ e shelgut e lagur, e mërdhirë,
që me dëborë e akull shpesh u mbush.
Kur qaja unë, me mua s’qau askush!
Dhe me inat, kur shfryu veriu i ngrirë
dhe me dëborë çdo kaçubë u mbush,
prap’ qava unë, me mua s’qau askush,
veç zogjtë e vegjël, të lagur, të mërdhirë,
veç ata qanë e tjetër jo, askush!
DHORI QIRIAZI
