Kush është CrowdStrike, kompania përgjegjëse për “blackout”

Kush është CrowdStrike, kompania përgjegjëse për “blackout”

Nga: PCWorld

CrowdStrike tha se ishte duke punuar me konsumatorët e prekur dhe adresuar problemin i cili erdhi nga një përditësim që kishte shkuar për përdoruesit e Windows.

Kush është CrowdStrike, kompania përgjegjëse për “blackout” e sotëm

Kompani në disa industri përfshirë ato ajrore, bankat dhe media u goditën ditën e Premte nga një kolaps teknologjik që kishte të bënte me platformën cloud Azure të Microsoft dhe një problem softueri të firmës së sigurisë kibernetike CrowdStrike.

Problemi i softuerit bëri që kompjuterët të cilët kishin sistemin operativ Windows dhe softuerin e CrowdStrike të ngecnin në një cikël të pafundmë rindezjeje.

CrowdStrike tha se ishte duke punuar me konsumatorët e prekur dhe adresuar problemin i cili erdhi nga një përditësim që kishte shkuar për përdoruesit e Windows.

Kush është CrowdStrike?

Kompania ofron shërbime të sigurisë kibernetike bazuar në cloud për bizneset. Mjeti i saj Falcon – një prej arsyeve të këtij kolapsi – identifikon sjellje të pazakonta apo dobësi në sistemet kompjuterike përballë kërcënimeve si maluerët.

Themeluar në 2011-ën në Austin të Teksasit, CrowdStrike operon në më shumë se 170 vende të botës dhe deri në Janar të 2024 kishte 7,900 të punësuar.

SHBA përfaqëson 70 përqind të më shumë se 900 milionë dollarë të ardhura që kishte raportuar për tre mujorin e mbyllur në Prill.

Kush janë klientët dhe konkurrentët më të mëdhenj të kompanisë?

Disa prej kompanive teknologjike më të mëdha në botë si Alphabet, Amazon dhe Intel janë konsumatorë të saj. Ka rreth 29,000 konsumatorë në mbarë botën.

Prezence e saj përfshin gjigantët e distribuimit si Target, ekipi Mercedes-AMG Petronas i F1 dhe qeveria Amerikane.

CrowdStrike konkurron me kompani si Palo Alto Networks, ZScaler dhe Fortinet.

Aksionet e saj ranë me 12 përqind ditën e Premte ndërsa vlera e saj e tregut llogaritet në 83,5 miliardë dollarë.

/PCWorld Albanian

Firma përgjegjëse për ndërprerjen globale IT, CrowdStrike shpjegon hapat që duhen ndjekur për rikthimin e kompjuterëve në funksion

Nga: PCWorld

Publikuar një ditë më parë, 19 Korrik 2024

Përdoruesit në momentin e ndezjes ballafaqohen me ekranin blu të vdekjes (BSOD) ndërsa qindra fluturime në mbarë botën janë anuluar.

Firma përgjegjëse për ndërprerjen globale IT, CrowdStrike shpjegon hapat që duhen ndjekur për rikthimin e kompjuterëve në funksion

Kompani ajrore, banka, televizione dhe biznese të ndryshme në mbaro botën u zgjuan sot me kompjuterët e tyre të cilët kishin ngelur në një cikël të pafundmë rindezjeje pas një probleme katastrofik dërguar nga firma e sigurisë kibernetike CrowdStrike tek konsumatorët e saj ditën e djeshme.

Përdoruesit në momentin e ndezjes ballafaqohen me ekranin blu të vdekjes (BSOD) ndërsa qindra fluturime në mbarë botën janë anuluar.

Problemi buron tek përditësimi i CrowdStrike, një firmë e sigurisë kibernetike që ndihmon në identifikimin dhe përgjigjen ndaj sulmeve kibernetike si ransomware.

Të gjitha bizneset e prekura mbështetin në softuerin Falcon të CrowdStrike për tu mbrojtur nga kërcënim e sigurisë kibernetike.

Vetë CrowdStrike konfirmoi problemi dhe publikish e pranoi përmes një postimi në rrjetin social Reddit.

CrowdStrike rekomandon këto hapa për të rikthyer kompjuterët në gjendje funksionale:

Hyni në Windows në Safe Mode ose në Windows Recovery Enviroment

Navigoni në direktorinë C:\Windows\System32\drivers\CrowdStrike

Lokalizoni skedarin C-00000291*.sys dhe fshijeni

Ndizni kompjuterin nga e para

Ndërsa problemi është identifikuar dhe përditësimi anuluar, kjo nuk ka ndihmuar bizneset të rikthehen online, por duhen ndjekur hapat e mësipërm. Duke qenë se kompjuterët kanë ngelur brenda këtij cikli dhe nuk ndizen asnjëherë për të qenë funksional, përditësimi i dytë i CrowdStrike që adreson problemi nuk dërgohet dot.

Për biznese të cilat kanë mijëra kompjuterë, rregullimi i tyre manualisht do të marrë kohë të konsiderueshme.

/PCWorld Albanian