top of page

Leter nënës.Poezi nga: Sergei Yesenin

  • Oct 9, 2024
  • 1 min read



Poezi nga: Sergei Yesenin

Përktheu: Ismail Kadare


Gjallë je, ti moj nënoçka ime?

Gjallë jam edhe unë… të përshëndes

Paqja e mbuloftë këtë mbrëmje

Izbën tënde deri në mëngjes.


Mora vesh se ti je merakosur

Atje larg për mua përsëri

Se ti shpesh del rrugës e brengosur

Mbështjell me të vjetrin shall të zi.



Kur e kaltër mbrëmja bie pranë,

Të fanitet ty gjithmonë sikur

Diku mua larg në një mejhane

Një i dehur thikën po ma ngul.


Kot ti nënë rri me gjak të ngrirë

Ky nuk është veç vegim i zi

S’jam aq vagabond i pamëshirë

Sa të vdes pa të shikuar ty.


Unë i ëmbël jam prapë si më parë

Ëndërroj kur fushat larg vërej

Që së shpejti nga këto mejhane

Në shtëpinë e vogël prapë të kthej.


Do të kthej atëherë kur të mbushet

Kopështi ynë i bardhë me blerim

Vetëm ti si tetë vjet më parë

Mos më zgjo herët në agim.


Mos m’i zgjo ti ëndërrat që m’u zverdhën

Mos kujto atë që vate e shkoi…

Se në botë humbjet edhe lodhjet

Herët i provon nënë moj.


Mos mu lut t’i falem Zotit prapë!

Tek e shkuara nuk ka më kthim

Vetëm ti je gazi im i vetëm

Ti e vetmja paqe e shpirtit tim.


Pra ti flaki brengat nëna ime

Mos u trishto për mua përsëri

Dhe mos dil aq shpesh tek rruga e madhe

Mbështjellë me të vjetrin shall të zi.

 PRESTIGE

Wellcome  at Revista Prestige.

Revista "Prestige" është një platformë dixhitale online dhe ne printuare njohur  kulturore promovuese për arritjet sinjikative  të iprofesionisteve ne fusha të ndryshme. Duke pasur në fokus The best , kjo revistë ofron përmbajtje që frymëzon dhe informon lexuesit,

Revista Prestige është rritje e vetedijes, me eksplorimni ne te gjitha fushat , ofron promovimin e  alternativat e AI duke i alternuar me publicitetin dhe kreativitetin.

Revista ka 100 faqe te perditesuara.

ndihmon ne ruajtjen e balancave te jetes me ato profesionale, dhe ploteson pontecialin tuaj Revista shfaqet si një thesar njohurish  enciklopedike.


© Revista Prestige 2023 - 2025

I'm always looking for new and exciting opportunities. Let's connect.

http://revistprestige.wixsite.com/prestige

© Revista Prestige 2023 - 2025

© 2024 Prestige Blog. All Rights Reserved.

Photo_1723755330850.png

© Revista Prestige 2023 - 2025

bottom of page