Një pyetje dhe një përgjigje nga Dritëro …
- 8 hours ago
- 1 min read
Një pyetje dhe një përgjigje nga Dritëro …
Pyetje: Ç’është jeta për Dritëro Agollin ? Deri kur do të donte të jetonte ai?
Përgjigje nga Dritëro : Jeta për mua është një hapësirë e madhe me diell dhe me shira, me lule dhe me gjemba, me qëngja dhe me ujqër, ku duhet të përpiqesh , të këndosh, të qash, të përqafohesh, të rrihesh e të turresh përpara , duke u rrëzuar dhe duke u ngritur .
Unë nuk e kam përgjuar hapësirën e saj në vrimën e bravës së derës , por kam hyrë vetë në mes të kësaj hapësire , prandaj nuk jam penduar që kam jetuar . Një ndër çështjet më të mëdha të jetës është si të çash guackën e vetmisë për të dalë në hapësirën e gjerë të natyrës dhe të njerëzve .
I dituri thotë: detyra kryesore në jetën e një njeriu është t’i japë dritë vetes . Dhe ndonjëherë duhet guxim edhe për të jetuar . Deri kur do të doja të jetoja ? Përgjigja ime është ajo e një filozofi: Të gjithë mund të jetojnë mirë, por askush nuk e ka pushtetin të jetojë gjatë.
