Sot u zhvillua Inaugurimi i Papës Leone XIV "Një Mëngjes që Preku Qiellin"

Sot u zhvillua Inaugurimi i Papës Leone XIV

"Një Mëngjes që Preku Qiellin"

Nën tingujt solemnë të himneve liturgjike dhe përqafimin e butë të mëngjesit pranveror romak, Sheshi i Shën Pjetrit u kthye sot në një mozaik shprese dhe bashkimi, ku feja, drita dhe njerëzimi u ndërthurën në një ceremoni që shënon një kapitull të ri për Kishën Katolike dhe botën.

Inaugurimi i Papa Leo XIV nisi me lutjen e lashtë “Regina Caeli”, një antifonë mariane që, me notat e saj të gëzimit të ringjalljes, e vendosi gjithë kremten nën mbrojtjen dhe ndërmjetësimin e Zojës së Bekuar.

Një Det Personalitetesh dhe Besimtarësh

Në këtë ceremoni marramendëse morën pjesë mbi 250 mijë besimtarë nga çdo kontinent.

Atmosfera ishte e mbreslenese,, rreshta pa fund pelegrinësh, kori ndërkombëtar që ndërthuri zëra të të gjitha kombeve, veshje tradicionale të vjetra sa vetë historia dhe një gjendje emocionale që s’mund të përshkruhet veçse si hyjnore.

Në mesin e të pranishmëve ishin edhe figura të njohura botërore, ndër ta:

JD Vance, Zëvendëspresident i SHBA

Volodymyr Zelensky, President i Ukrainës

Ursula von der Leyen, Presidente e Komisionit Europian

Roberta Metsola, Presidente e Parlamentit Europian

Robert Abela, Kryeministër i Maltës

Përfaqësues të lartë të feve botërore: hebrenj, myslimanë, hindu, budistë, sikhë, zoroastrianë dhe gianistë

Shqipëria u përfaqësua nga Presidenti Bajram Begaj, figura të komuniteteve fetare dhe personalitete të jetës publike dhe kulturore shqiptare.

Fjalimi i Papës: Një Udhë për Paqe dhe Drejtësi

Nga altari para Bazilikës së Shën Pjetrit, Papa Leone XIV mbajti një fjalim të thellë e të ndjerë, i cili trajtoi plagët më të rënda të njerëzimit me tone lutjeje dhe guximi:

** Gaza – “Fëmijët, familjet, të moshuarit janë të uritur. Le të mos harrojmë të bëhemi zë për ata që nuk kanë më zë.”

** Ukraina – “Koha është tani për një paqe të drejtë. Popujt nuk duhet të jetojnë më në ankthin e raketave.”

** Mianmari – “Sa jetë të reja duhen shuar që ne të kuptojmë se urrejtja është një grackë që na gërryen njerëzinë?”

Ai u bëri thirrje kombeve të mos mbyllen në egoizmat e tyre, por të ringjallin diplomacinë, dialogun dhe mëshirën.

**“Kisha nuk është një kështjellë e mbyllur, por një dritare e hapur drejt një bote më të mirë,” theksoi ai.

Një Papë që Rrezaton Shpresë!

Papa Leone XIV është figura e që flet me thellësi e butësi.

Me rrënjë në spiritualitetin e Papa Françeskut dhe me vështrim drejt së ardhmes, ai u shfaq si një Papë i shpresës, unitetit dhe drejtësisë.

“Kam ndjerë fuqishëm praninë e Papa Françeskut në këtë meshë – ai na shikon nga qielli,” tha Papa i ri, duke fituar një duartrokitje që përshkoi Sheshin nga njëri skaj në tjetrin.

Me Marinë përpara, me Njerëzimin në Zemër

Ceremonia përfundoi me një akt simbolik: një lutje e thellë përpara ikonës së Marisë, ku Papa e vendosi gjithë papatin e tij si një shërbesë në dobi të njerëzve dhe paqes.

“Me Zojën në timon, le të udhëtojmë drejt një bote të pajtuar, me më shumë dashuri dhe më pak frikë.”

Revista Prestige

Autor: Liliana Pere