Search Results

Një zonjë misterioze vodhi vëmendjen në Met Gala, njerëzit thonë se ishte e veshur më së miri Para 1 jave Në Met Gala të këtij viti ndër të tjera erdhi edhe sipërmarrësja indiane Mona Patel. Ajo kishte veshur një krijim të stilistit holandez Iris Van Herpen, për të cilin shumë e quajtën si zonja e veshur më mirë në ceremoninë e mbrëmshme. Fustani që ka veshur ka të qepura flutura, korse dhe dantella. Me këtë Mona ka kombinuar sandalet e arta dhe shumë shpejt fotot e saj janë përhapur në rrjetet sociale. Shumë komentuan se nuk e dinin se kush ishte në të vërtetë Mona, por theksuan se ajo ishte veshur më së miri duke pasur parasysh kodin e veshjes. Për kujtesë, kodi zyrtar i veshjes për këtë ngjarje ishte – Kopshti i Kohës. Tema e ka marrë emrin nga një tregim i shkurtër i vitit 1962 nga shkrimtari britanik JG Ballard, i vendosur në një kopsht të mbushur me lule të tejdukshme që manipulojnë kohën. Ndryshe, Mona është aktive edhe në rrjetet sociale ku ndiqet nga gati 50 mijë persona. /Telegrafi/ Met Gala

ZVICRA Saimir Pirgu në “Opera për të gjithë” në ambient të hapur në Sechseläutenplatz, Opernhaus Zürich MË: 14 QERSHOR 2024 FOTO GALERI Opernhaus Zürich - Sechseläutenplatz Në kuadër të ngjarjeve të mëdha kulturore të qytetit të Cyrihut, Opernhaus Zürich organizon çdo vit ngjarjen "Opera për të gjithë". Këtë vit, ngjarja do të zhvillohet më 15 qershor 2024 në Sechseläutenplatz me një transmetim të drejtpërdrejtë të operës së famshme "Carmen" nga Georges Bizet. Kjo ngjarje madhështore në qiell të hapur është tashmë një pjesë e rëndësishme e kalendarit kulturor të Cyrihut dhe pritet të mbledhë rreth 10,000 vizitorë. Në rolin kryesor të Don José do të jetë tenori i njohur shqiptar, Saimir Pirgu, i cili është një ndër artistët më të famshëm shqiptarë në botën e operës. Roli i Carmen do të interpretohet nga Marina Viotti. Regjia e operës është bërë nga Andreas Homoki dhe drejtimi muzikor nga Gianandrea Noseda. Ngjarja fillon me një program të larmishëm paraprak në orën 18:00. Përveç kënaqësisë muzikore. Vlen të përmendet se në natën para ngjarjes, do të mbahet edhe "Kino për të gjithë". Hyrja është falas. Mos e humbisni këtë mundësi për të shijuar një mbrëmje të paharrueshme nën qiellin e hapur me miqtë dhe familjen! Pjesëmarrësit kryesorë: Marina Viotti (Carmen) Saimir Pirgu (Don José) Andreas Homoki (Regjisor) Gianandrea Noseda (Drejtor Muzikor) Vendndodhja: Opernhaus Zürich, ngjarje e veçantë që sjell operën më afër publikut të gjerë dhe krijon kujtime të paharrueshme për të gjithë pjesëmarrësit./alb info

Në jetën e Margarita Xhepës pati nje dashuri te madhe: Xhaviti. Ai gjithashtu aktor, por në Teatrin e Kukullave e megjithatë i bashkoi arti zemrat dhe qeniet e tyre. Në intervistën “Në kurthin e Piter Pan” në Tv Klan, Margarita Xhepa përkufizon jetën me bashkëshortin e saj dhe raportin e veçantë mes tyre. I bashkoi arti, jetën e ndërtuan bashkë: Kush ishte dashuria e Margarita Xhepa: Në radhë të parë ishim artistë të dy, edhe ai ishte artist, edhe unë, na bashkoi arti. Vija re tek ai njeri që të parën kishte qytetari, kishte fisnikëri sepse vinte nga një familje fisnikësh, nga një familje me emër të mirë. Kjo ka të bëjë shumë sepse fëmijët kryesorja janë familja, edukata që marrin. Pikërisht mençuria, dëshira për artin na bashkoi. Ai e donte shumë artin, por edhe unë e doja. Të dy punonim, sugjeronim me njëri-tjetrin, ndihmonim njëri-tjetrin. Ka qenë gjë shumë e bukur. Profesioni i përbashkët ndikonte në mirëkuptimin mes tyre. Pavarësisht roleve, kontakteve me njerëz të tjerë, asnjëri nuk bëhej xheloz për tjetrin sepse e dinin që dashuria e vërtetë ishte ndryshe, pikërisht ajo që mbanin në zemrat e tyre. Margarita Xhepa: As na ka shkuar ndërmend sepse edhe ai ishte artist, kishte partnerët e vet, edhe unë, në asnjë mënyrë sepse ajo është një truk fundi i fundit në art që bëjmë, kurse dashuria e vërtetë shprehet ndryshe, por truket që përdorim në film dhe role janë tjetër gjë dhe ne e kuptonim mirë njëri-tjetrin. Kur aktorja ishte 52 vjeçe, Xhaviti u nda nga kjo botë dhe kjo e bëri Margarita Xhepën t’i përkushtohej plotësisht tre djemve, krenarisë së tyre më të madhe. Margarita Xhepa: Tre djem, njëri më i mirë se tjetri e kjo ka qenë dashuri e madhe sepse bashkë me Xhavitin i kemi rritur këta tre djem dhe më vjen mirë që morën diçka por më tepër kanë marrë nga babai i tyre se sa nga unë, kështu them unë kështu që na u bënë të mirë dhe kjo është krenaria e prindërve. Dolën në jetë për veten e tyre, për neve që na kanë dhënë kënaqësi, por edhe për shoqërinë, për punët që bënin.

Profili i Marsela PAPA. nga Liliana Pere. Pedagoge ne Institutin Kulinar NERANXI E lindur në qytetin e Tiranës, u rrit në një familje me një mjedis të mbushur me plot dashuri, në një hapësirë të pasur me mendime e biseda të ndryshme për jetën që nuk mbaronin kurrë. Marsela, rrjedh nga një familje intelektuale. Babai i saj ka kryer studimet në Leningrad, sot Shën Petërburg, dhe më pas ka punuar si pedagog në Akademinë Ushtarake. Mamaja e saj ka punuar si nëpunëse në institucione shtetërore, por veçanërisht e përkushtuar për familjen dhe mirërritjen dhe edukimin e Marselës, si e vetmja fëmijë e familjes. Ajo u rrit me përkujdesje të jashtëzakonshme nga të dy prindërit duke trashëguar prej tyre virtytet më të mira që ata mbartnin, si dashurinë, mirënjohjen, vullnetin për të realizuar pikësynimet në jetë, sakrificën, humanizmin e altruizmin. Marsela është diplomuar në vitin 1988 në Fakultetin Ekonomik të Tiranës, dega Merceologji. Më pas ka punuar në institucione shtetërore të tregëtisë. Bashkëshorti I saj, diplomat karriere në MPJ, merr emërim në Ambasadën e Shqipërisë në Ljubljanë nëvitin 1997, ku Marsela si shoqëruese e tij punoi në funksionin e financieres dhe administratores së kësaj ambasade. Ajo kishte aftësi të veçantë për të menaxhuar atje situatat me zgjuarsi e durim, duke e bërë atë të sukseshme në detyrën e saj në këtë ambasadë. Vitet 1997-1998 kanë qenë shumë intensive për të, në studime, punë në ambasadë dhe përkushtim në familje. Ajo kryen në këtë kohë studimet për Master Shkencor në Administrim-Bisnes në Qendrën ndërkombëtare ICPE pranë Fakultetit Ekonomik në Ljubljanë. Pas përfundimit të shërbimit diplomatik, Marsela kthehet në Shqipëri duke vijuar punën në organizata ndërkombëtre si Handikap International në funksionin e financieres dhe administratores, duke kryer ndërkohë dhe një trajnim në Lion të Francës për menaxhim financiar. Më pas punon për Kryqin e Kuq Spanjoll, ku ka kryer disa funksione si zëvendës delegate, kordinatore, financere e administratore e kësaj organizate, duke vazhduar me këto detyra në Kryqin e Kuq Shqiptar ku ka shpalosur jo vetëm vlerat intelektuale, por dhe përkushtimin e vlerat e saj humane në ndihmë të shtresave në nevojë. Për më shumë se një dekadë pune në këto organizata ndërkombëtare, Marsela ka dhënë kontributin e saj në mbrojtjen e të drejtave të njerëzve me aftësi të kufizuara, në ruajtjen e dinjitetit të tyre, në uljen e nivelit të varfërisë së tyre, në mbështetjen e grave në nevojë, duke organizuar dhe kurse profesionale për integrimin e tyre në tregun e punës. Fytyrat e qeshura dhe gëzimi i tyre ia mbushnin asaj zemrën plot. Më tej vjen Projekti për fëmijët e rrugës, si një sfidë e vështirë, por e bukur që i jepte Marselës sadisfaksion shpirtëror të paimagjinueshëm. Më në fund, ajo kalon te Projekti për mirëushqyerjen e fëmijëve nga mosha 0-5 vjeç, një tjetër moment lumturie e përkushtimi për të, ku nënat që trajnoheshin në çdo zonë të vendit për mirëushqyerjen efëmijëve të tyre ishin aq të lumtura dhe kureshtare për tema e informacionet e fundit mbiushqyerjen sa më të mirë të fëmijëve të tyre me receta bashkëkohore. Pas këtyre viteve të mbushura me shumë përkushtim e dashuri nga këto projekte kaq të mrekulueshme, vjen një emërim tjetër detyre për bashkëshortin e saj si këshilltar në Ambasadën e Shqipërisë në Prishtinë, Kosovë. Kështu që dhe ajo natyrisht iu bashkëngjita këtij misioni. Për keto eksperienca te bukura dhe të ŕendesishme Marsela flet me shumë pasion e dashuri. Le të mesojmë më tepër nga rrëfimi i saj: Aty fillova të jepja mësim në kolegjin universitar Globus. Ndjesia dhe përgjegjësia ishin vërtet shumë impenjuese. Dua të theksoj se gjeta atje njëmbështetje nga rektori Prof. Nazmi Mustafa dhe stafi pedagogjik i këtij kolegji. Ndërkohë punoja part-time si financiere dhe administratore e ambasadës. Eksperienca në këtë ambasadë, ku ambasador ishte Shkëlqesia e tij z. Qemal Minxhozi do mbetet e paharruar. Aty punoheshe me përkushtim me një kolektiv që ishte si një familje, por qershia mbi tortë ishte ambasadori i cili krijonte përveç motivimit në punë dhe një atmosferë pozitive që rrallë drejtues e kanë. Ndjehem me fat që kam qenë pjesë e këtij stafi. Pas pesë vitesh, me mbarimin e mandatit, u kthyhem në Tiranë . Pjesa më e vështirë për ne që jemi shoqëruese të bashkëshortëve tanë diplomatë është kthimi në Atdhe dhe filllimi i kërkimit të punës, pasi askush nuk interesohet për punësimin tonë të mëtejshëm. Mora dhe mesova shumë në keto eksperienca të nderuara. Të punosh si bashkëshorte e një diplomati është një rol kompleks dhe shpesh sfidues, por edhe me mundësi të mëdha për përvojë ndërkulturore dhe kontribut personal në diplomaci. Gruaja e një diplomati luan një rol të rëndësishëm në mbështetjen e karrierës diplomatike të bashkëshortit të saj dhe shpesh merr pjesë aktive në jetën diplomatike të komunitetit ku janë të caktuar. ### Roli dhe Përgjegjësitë e Bashkëshortes së një Diplomati: 1. Përfaqësimi i Vendit: Ajo shpesh merr pjesë në ngjarje zyrtare dhe sociale, duke përfaqësuar vendin e saj në aktivitete ndërkombëtare. 2. Ndërtimi i Marrëdhënieve: Ndihmon në ndërtimin e marrëdhënieve të forta me komunitetin lokal dhe me përfaqësuesit e vendeve të tjera. 3. Mbështetja e Bashkëshortit: Ofron mbështetje morale dhe praktike për diplomatët, duke i ndihmuar ata të përballojnë sfidat e punës dhe jetës në një mjedis të huaj. 4. Angazhimi në Komunitet: Mund të përfshihet në punë vullnetare ose projekte bamirësie që përmirësojnë imazhin e vendit të saj dhe ndihmojnë komunitetin lokal. 5. Organizimi i Eventeve: Mund të organizojë dhe të marrë pjesë në evente kulturore, edukative dhe sociale që promovojnë kulturën dhe interesat e vendit të saj. 6. Adaptimi në Kulturë të Reja: Përballja me sfidat e jetës në një vend të huaj, mësimi i gjuhës së re dhe integrimi në një kulturë të re. ### Sfida dhe Përfitime: - Adaptimi dhe Lëvizjet e Shpeshta: Një nga sfidat më të mëdha është lëvizja e shpeshtë dhe adaptimi në kultura të ndryshme. - Izolimi Social: Mund të ndjehet e izoluar në një vend të huaj, veçanërisht nëse nuk ka një rrjet të fortë mbështetjeje. - Përshtatja Familjare: Të sigurojë që fëmijët dhe familja e saj të jenë të lumtur dhe të integruar në një mjedis të ri. - Karriera Personale: Ndonjëherë mund të jetë e vështirë të ndjekësh një karrierë personale për shkak të detyrimeve diplomatike të bashkëshortit. ### Përfitime: - Përvoja Ndërkombëtare: Mundësia për të përjetuar kultura të ndryshme dhe për të mësuar gjuhë të reja. - Rrjeti Ndërkombëtar: Ndërtimi i një rrjeti ndërkombëtar të kontakteve dhe miqve. - Kontributi në Diplomaci: Mundësia për të kontribuar në përmirësimin e marrëdhënieve ndërkombëtare dhe për të promovuar kulturën dhe interesat e vendit të saj. Në përfundim, roli i një bashkëshorteje të një diplomati është i rëndësishëm dhe shumëdimensional, duke kërkuar fleksibilitet, adaptueshmëri dhe aftësi të mira ndërpersonale. Më pas: Aplikova dhe fillova punë në Institutin Kulinar Neranxi, si pedagoge në lëndën e Shkencës së Ushqimit dhe Shkencës së Gatimit. Dy lëndë që janë tepër tërëndësishme në formimin e studentëve të kulinatisë. Ndihem me fat që jam pjesë e stafit pedagogjik të këtij Institucioni kaq me emër në Shqipëri e më gjerë. Dua të veçoj ditën e ardhjes time në këtë Institucion. Sa hapa derën mu duk sikur hyra në një perandori me një infrastrukturë të krijuar nga një mendje e hollë e vision largpamës që të mahniste, Vërtet u emocionova dhe vendosa të vazhdoj të jap kontributin tim në këtë oaz të kulinarisë. Ndërkohë duke ecur në korridoret e këtij Instituti prestigjioz fillova të mendoja se “Gatimi është dashuri e dukshme dhe kujtimet më të mira bëhen të mbledhura rreth tavolinës sëngrënies me një ushqim sa më të shijshëm” dhe se “Ushqimi i mirë është një ndër themelet e lumturisë së vërtetë”. Kështu që pse të mos kontribuojmë që përveç shijes së mirë në tavolinë të ofrojmë dhe një gatim e ushqim sa më të shëndetshëm. Aforizmi I njohur “ Ne jemi ajo çka hamë” ka marrë sot vlera shkencore sepse lidhet direkt me dietën dhe vlerat e duhura ushqimore që kërkon trupi. U ndjeva akoma më e lumtur që njohuritë e mia do t’i vija në funksion të atyre qe do gatuajnë nesër për të gjithë ne, që bëhen specialisë, shefa dhe master-shefa, që punësohen me sukses në strukturat e restoranteve dhe hotelerive. Në IKN që për më shumë se 16 vite ka përgatitur me mijra studentë, të cilët kanë qenë ambasadorë të kulinarisë dhe turizmit jo vetëm brenda vendit por dhe më gjerë, unë evidentova se mësimi bazohej në dy shtylla kryesore: në artin e gatimit dhe shkencën eushqimit. Kjo e dallon dhe e ka çuar në një stad tjetër këtë institucion të famshëm të përmasave jo vetëm kombëtare, por dhe rajonale e ndërkombëtare. Departamenti që unë drejtoj sot në këtë Institucion të edukimit Europian të Profesionistëve të Turizmit në Shqipëri, është shndruar sot në berthamën e shkencës së Gatimit Brenda kësaj shkolle te madhe. Unë kam 5 vite që aderoj në radhët e stafit pedagogjik të këtij Instituti dhe realisht çdo vit ai rritet, përsoset me vizione e projekte të reja. Këtu funksionojnë motive të tilla si: njerëzit që arrijnë sukses kanë energji e entuziazëm për punën; sa më shumë arrijmë në punë, aq më shumë duam të arrijmë dhe aq më tepër e gjejmë mënyrën për të arritursuksesin; dëshira për sukses duhet të jetë më e madhe se frika nga humbja; sekreti i suksesit është të dish atë që të tjerët ende nuk e dijnë. Sot pas gjithë këtyre viteve, studimesh, punë dhe eksperiencash, ndjehem ende e angazhuar dhe e përkushtuar në sherbim të ëndërrave dhe projekteve të mia në sherbim të vendit dhe familjes time. Eshtë e bukur jeta kur ajo bashkëudheton e mbushur me motiv dhe dashuri për atë qëllim që ke projektuar. Pergatiti: Dr. Liliana Pere. __________________________________________________T I R A N E ________________________

Së shpejti do të mund të provoni vetë gjeneruesin e tekstit në video të OpenAI. Në një intervistë me The Wall Street Journal, shefja e teknologjisë e OpenAI, Mira Murati thotë se Sora do të jetë në dispozicion këtë vit. OpenAI zbuloi për herë të parë Sora-n, e cila është e aftë të gjenerojë skena hiperrealiste bazuar në një tekst. Kompania e vuri mjetin në dispozicion vetëm për artistët vizualë, dizajnerët dhe krijuesit e filmave, por kjo nuk i ndaloi disa video të krijuara nga Sora të hynin në platforma si X.Përveç bërjes së mjetit të disponueshëm për publikun, Murati thotë se OpenAI ka plane për të inkorporuar “përfundimisht” audio, e cila ka potencialin t’i bëjë skenat edhe më realiste. OpenAI generated some wild Sora videos for me. Then I sat down for an exclusive video interview with company CTO Mira Murati Kompania gjithashtu dëshiron të lejojë përdoruesit të modifikojnë përmbajtjen e videove që prodhon Sora, pasi mjetet e Inteligjencës Artificiale (AI) nuk krijojnë gjithmonë imazhe të sakta.“Ne po përpiqemi të kuptojmë se si ta përdorim këtë teknologji si një mjet me të cilin njerëzit mund të modifikojnë dhe krijojnë”, tha Murati.Kur u pyet se cilat të dhëna përdorte OpenAI për të trajnuar Soran, Murati duket se i shmangej pyetjes, shkruan theverge.“Unë nuk do të hyj në detajet e të dhënave që u përdorën, por ato ishin të dhëna publike ose të licencuara”, thotë ajo.Ndërsa i afrohemi zgjedhjeve presidenciale të 2024-s, shqetësimet rreth mjeteve gjeneruese të AI dhe potencialit të tyre për të krijuar dezinformata janë rritur vetëm.Murati thotë se Sora ka të ngjarë të mos jetë në gjendje të prodhojë imazhe të figurave publike, të ngjashme me politikat e DALL-E. Videot do të kenë gjithashtu një shenjë për t’i dalluar nga ato reale. Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar.

Vetëm gjatë muajit Prill, Parku Arkeologjik i Apolonisë në Fier u vizitua nga 10 mijë turistë. Numër ky më i lartë se e njëjta periudhë e vitit të shkuar. Sakaq për ata që kanë planifikuar të vizitojnë Apoloninë gjatë ditëve në vazhdim do të gjejnë të ekspozuara dhe mozaikët e vilave romake. Qyteti Antik i Apolonisë është ndër më të mëdhenjtë në pellgun e Mesdheut dhe ndër të preferuarit e turistëve të huaj. Shifrat tregojnë se Apolonia vizitohet çdo ditë nga 330 persona. Një shifër kjo që vjen në rritje, krahasuar me të njëjtën periudhë të vitit të kaluar. “Sezoni turistik tashme eshte zgjatur ne kohe dhe eshte shtrire pertej sezonit turistik veror. Nderkohe vetem pergjate Prillit, parku eshte vizituar nga me shume se 10 mije vizitore”, tha drejtoresha e Parkut te Apolonise dhe Bylisit, Ornela Dyrmishi. Sipas Dyrmishit paralelisht me shtimin masiv te turizmit eshte punuar edhe edhe per mirembajtjen e parkut dhe sigurimin e kushteve per vizitoret. Ndersa një risi është edhe ekspozimi i mozaikeve te vilave romake. Aksident në autostradën Lushnje-Fier, Benzi përfundon në kanalin anësor LEXO EDHE: Aksident në autostradën Lushnje-Fier, Benzi përfundon në kanalin anësor Turistët janë nga vende te ndryshme të botës, por dominojnë europianet te cilet shprehen te befasuar nga ky sit arkeologjik. Vitin e kaluar, Parku Arkeologjik i Apolonisë u vizitua nga mbi 82 mijë turistë, ndërsa këtë vit prishmëritë janë më të larta, duke u bazuar tek rezervimet e agjencive turistike.

Koncerti i Taylor Swift në Stokholm thyen rekorde në numrin e pjesëmarrjeve! Ylli i muzikës Taylor Swift mbajti të parin nga tre koncertet e saj në Stokholm, Suedi, dhe u shpreh se fansat e saj thyen rekordin e pjesëmarrjes në “Friends Arena”. Ben Affleck ‘i jep përparësi’ Jennifer Garner, lë në hije JLO “Unë jam duke u çmendur për një sërë arsyesh duke parë kaq shumë njerëz sonte“, komentoi ylli, sipas një shkrimi nga USA Today. “E para prej të cilave është se unë kurrë nuk kam qenë në gjendje të luaj një koncert në Stokholm më parë dhe koncerti im i parë është i tillë”. Turma shpërtheu në brohoritje dhe duartrokitje, dhe Swift shtoi: “Ju bëtë këtë koncert, koncerti më i madh ndonjëherë në këtë fazë”. Swift nuk specifikoi numrin e saktë të të pranishmëve, por sipas faqes së internetit të stadiumit, kapaciteti i tij i koncerteve ndryshon dhe mund të mbajë deri në “60 000 njerëz, në varësi të vendndodhjes dhe paraqitjes së skenës”.

Begaj pritet nga Osmani me nderime shtetërore Nga Rezart Ekmekçiu -12/06/2024 TIRANË, 12 qershor /ATSH/ Presidenti i Republikës, Bajram Begaj është pritur sot me nderime shtetërore në Prishtinë. Presidentja e Kosovës, Vjosa Osmani doli për ta pritur Begajn para Presidencës, ku edhe u luajtën himnet shtetërore nga trupat e FSK-së. Presidentja Osmani ka postuar në rrjetet sociale edhe një video ku shprehet se është “përjetësisht mirënjohëse për të gjithë vizionarët, dëshmorët, martirët dhe aleatët e lirisë sonë”. Osmani shkruan: “Kosova dhe Shqipëria bashkë në ditë të vështira e në ditë të mira”. Presidenti Begaj e cilësoi 12 qershorin e vitit 1999 si një ditë të madhe, në të cilën u realizuan ëndrrat e popullit shqiptar. “Ashtu siç ju e cilësoni një rilindje për Kosovën, unë mendoj se bashkë me rilindjen është dita e dhënies fund të padrejtësive”, u shpreh Presidenti i Republikës. “Në ditë të mira e të këqija duhet të jemi bashkë pa nevojën e ftesave formale. Unë vij këtu si në shtëpinë time, ashtu siç ju vini në Shqipëri. Unë nuk do të mungoj asnjëherë në Kosovë, ashtu siç nuk kam munguar në asnjë aktivitet”, u shpreh ndër të tjera Presidenti Begaj, duke rikonfirmuar mbështetjen ndaj Kosovës për finalizimin e aspiratës së ëndrrës së shqiptarëve për integrimin Euroatlantik. “Shqipëria do të jetë kurdo, ngado e kurdoherë në mbrojtje të Kosovës. Nëse ne nuk përparojmë së bashku, do të jetë e pafalshme për shqiptarët, për martirët e lirisë”, u shpreh Presidenti Begaj. Kreu i Shtetit e quajti Kosovën një histori suksesi dhe shprehu bindjen se krahas hapave të ndërmarra për të ecur përpara, duhet bashkëpunim me miqtë ndërkombëtarë të shqiptarëve dhe partnerëve strategjikë për të ndërtuar shtetin demokratik, për të cilin sakrifikuan jetën dëshmorët. Një tjetër mesazh që Presidenti Begaj përcolli në këtë takim i drejtohej të rinjve shqiptarë dhe përpjekjes për edukimin e këtij brezi me trashëgiminë, në mënyrë që ata të vlerësojnë se sa e shtrenjtë është liria.“Nëse do te kishte një çmim Nobel për lirinë, ai duhet t’i jepej familjes Jashari”, – u shpreh Presidenti Begaj, duke vlerësuar veprën e sakrificës sublime për lirinë e shqiptarëve. Duke kujtuar sakrificën e shqiptarëve në të dyja anët e kufirit për Kosovën e lirë, Presidenti i Shqipërisë përcolli mesazhin për mbrojtjen të kësaj vlere, e cila, sipas tij, nuk dhurohet dhe nuk ka çmim, e si e tillë, ajo duhet të mbrohet. Begaj pritet t’i drejtohet deputetëve të Kuvendit të Kosovës me një fjalim në seancën solemne. Presidenti i Republikës po merr pjesë në ceremonitë shtetërore me rastin e Ditës së Çlirimit të Kosovës. Kreu i Shtetit është i ftuar nga tre autoritetet më të larta të Republikës së Kosovës: Presidentja Vjosa Osmani, Kryetari i Kuvendit, Glauk Konjufca dhe Kryeministri, Albin Kurti.

Dita e mjekut, dita e një mrekullie të madhe në mjekësi. Sot nè 30 Mars, u mbushën 176 vjet që u krye ndërhyrja e parë kirurgjikale, operacioni i një tumori në qafe, me anestezi në një pacient. për shkak të kësaj ngjarjeje, të kësaj mrekullie të madhe Presidenti George W. Bush, zyrtarizoi në SHBA, ditën 30 Mars, si festë kombëtare dhe ditë pushimi. 30 Marsi, në një pjesë të shteteve, shënohet Dita Kombëtare e Mjekëve. Kjo ditë ka për qëllim njohjen dhe falënderimin ndaj personelit shëndetësor për punën që këta të fundit bëjnë në vazhdimësi. Historia e shenjimit të Ditës së Mjekëve daton prej viteve të 30-ta nëpër botë. Dita e parë e mjekëve në vitin 1933 përbëhej nga disa gra të mjekëve që vendosnin një drekë për mjekët lokalë në Ëinder, Gjeorgji, në verilindje të Atlanta. Kjo festë e vogël përfshinte krijimin e kartolinave përshëndetëse. Më 30 mars 1958, “Dita e Përkujtimit të Mjekëve” u miratua nga Dhoma e Përfaqësuesve të Shteteve të Bashkuara. Në vitin 1990, legjislacioni u prezantua në Dhomën dhe Senatin për të krijuar një Ditë Kombëtare të Mjekëve. Pas miratimit dërrmues nga të dyja dhomat e Kongresit, më 30 tetor 1990, Presidenti George Bush nënshkroi SJ RES. # 366 (i cili u bë Ligji Publik 101-473) duke e quajtur 30 Mars si “Ditën Kombëtare të Doktorit”. Sot, ashtu si gjithnjë, mjekët përbëjnë ndër shtresën më aktive dhe te sakrificave të shoqërisë. Duke pasur parasysh situatën me pandeminë, roli i tyre gjatë asaj kohe ka qene primar roli kyc në shpëtimin e jetëve. Roli primar i mjekut ne sherbim eshte cdo minute e sekonde te dites. Mjeket karakterizohen nga profesionalizmi, përkushtimi, humanizmi, duke bërë që me duart e mendjet e tyre, të përmirësojnē, shërojnë e shpëtojnë dhjetra e qindra jetë njerëzish. Ne themel te punes se tyre qendron, inteligjenca e larte, betimi i hipokratit si dhe marrëdhëniet e vlerësimit, besimit, respektit dhe partneritetit mjekë-pacientë, janë simbioza dhe baza e sistemit shëndetësor. Me dhemb ku dègjoj qe ikin mjekè nga Shqipria, mbyllen spitale ne rrethe ? Perse? Ashtu sikurse gezohem dhe shikoj nje transformim te madh ne sherbim ne spitalet tona, sherbim dhe kujdes i jashtzakonshem. Mieket tane jane shtresa me inteligjente, humane, njerezore dhe pararoja e shoqerise. Syte dhe vemendjen nuk duhet ta heqim asnjehere nga mjeket. A mundet te permiresojme edhe me teper politikat e menaxhimit qeveritar per sistemin e mjekesise? Te bejme nje trajtim me te mire per personelin mjekesor, ne menyre qe ata te mos largohen nga vendi? Ne bashkepunim me te gjitha shtresat e interesit, Universitetet, Akademikeve, mendoj se do te arrihet me teper. Pergatiti Liliana Pere.

Dëshira Subashi është një emër i mirënjohur në jetën publike e shoqërore në Shqipëri. E lindur në Tiranë dhe e diplomuar juriste, karriera e saj fillon dhe u profilua në një figurë me ndikim publik, juridik dhe impakt shoqëror e intelektual. E edukuar në nje familje të thjeshtë tiranase, nisi rrugët e jetës me këmbëngulje dhe disiplinë në shkollë, aktive në aktivitetet shkollore, nga ku u evidentua edhe aftësia për të vijuar rrugën e sportit të qitjes sportive; spikati me talentin e saj dhe u vlerësua me çmime kombëtare e ndërkombëtare. Ideja se disiplina dhe rregulli, të qëlluarit në shenjë e çuan atë në ëndrën për t’u bërë një juriste e zonja, sepse bota që na rrethon është refleksion i sjelljeve dhe veprimeve tona të drejta ose jo të drejta dhe për ta bërë shoqërinë më të mirë. Kjo aspiratë e fortë i shërbeu asaj të bëhet një intelektuale me individualitet të lartë dhe integritet profesional; e vetëpërgjegjësisë, duke i shërbyer Kushtetutës së vendit të vet. Dëshira asnjëherë nuk u shkëput nga realiteti, por u bë një faktor i ndryshimeve pozitive në politikë, në drejtësi e shoqëri. Me emrin e saj lidhen një mori ngjarjesh e suksesesh. Gjithçka fillon nga këmbëngulja për arritjen e objektivave edhe pse nuk ka qënë një realitet i lehtë për të. Studimi dhe sporti njëkohësisht ishin dy sukseset e para të objektivit të jetës. Sporti i qitjes, në moshë fare të re, me shumë përkushtim e lodhje, kultivoi ndjesi se me punë mund të arrish rezultate. Në vitin 1972 ishte gara e parë ndërkombëtare për të rinj, në Stokholm të Suedisë. Erdhi medalja e bronxit, për rezultatet në kampionatin europian për të rinj. Ky startim ishte një motivim i mirë, që pasoi disa rezultate të larta në aktivitete të tjera ndërkombëtare. Janë disa dhjetra rezultate te larta në aktivitetete kombëtare që mbajnë tituj për vendin e parë, të dytë e të tretë. Për këto arritje sportive, asaj i është akorduar titulli “Mjeshtre Sporti”. Po kështu për të njëjtën arsye ,ajo është mbajtëse edhe e një dekorate “Naim Frashëri klasi III”, nga Presidiumi i Kuvendit Popullor. Në opinion mbahet mend si gruaja ikonë në drejtësi dhe si lobiste e të drejtave të njeriut. Në të gjithë jetën profesionale ka punuar fort për drejtësinë dhe të drejtat e njeriut; është forca dhe guximi, në situatë të lehtë a të vështirë, cilësia e krenaria e saj… Këto cilësi e kanë bërë atë figurë publike të dallueshme. Televizioni “News 24” në anketën e organizuar “Personazhi i Drejtësisë për vitin 2011” ka renditur personazh në vend të parë , Deshira Subashi. Gazeta Telegraf në vitin 2015 ka organizuar anketën për figurën e femrës shqiptare “Simbol i jetës aktive publike dhe përkushtimit”. Nga kjo anketë janë përzgjedhur tre politikane, dy biznesmene, dy gazetare dhe tre profesioniste, ndër të cilat një është pikërisht Dëshira Subashi, me dedikimin: ”Profili i femrës së kompletuar si njeri dhe si intelektuale. Një juriste e aftë, kontribuese në hartimin e bazës së legjislacionit shqiptar. Modeli i femrës që ka ditur të veçojë profesionin nga politika, duke respektuar të drejtën per t’u perfaqësuar pa cënuar personalitetin e vetes dhe të femrës si pjesë e shoqërisë, punës, familjes dhe politikës. Ka ushtruar me dinjitet dhe pavarësi të plotë detyrën e lartë të zv/kryetares së KQZ, në momente të vështira për sigurinë e zgjedhjeve të lira. Nuk ka guxuar askush, as nga më ekstremistët kundërshtarë politikë të saj,të përflasin këtë personalitet publik…”. Gazeta Telegraf, në vitin 2011, në anketën “ Kush janë 10 femrat shqiptare të vitit” ka renditur edhe emrin Dëshira Subashi. Veprimtaria profesionale Në vitin 1978 emërohet në kabinetin e Ministrit të Tregtisë së Brendshme deri në vitin 1988. Një përgjegjësi dhe një privilegj për jetën profesionale, do ta vlerësonte vetë Dëshira, që ishte fillesa që solli sigurinë për një të ardhme të sigurtë, në figurën e saj. Ishte një privilegj, ishte ndoshta edhe një shans i jetës, që erdhi si vlerësim i emrit të mirë nga rezultatet sportive. Emër i njohur publikisht nga media, për shkak të rezultateve të larta sportive. Ky moment do sillte ndryshime, sepse pozicioni i detyrës së re nuk mund të lejonte shkëputje afatgjata, për të vijuar rregullisht sportin, siç e kërkonin kushtet e ushtrimit të dy detyrave paralelisht. Ishte moment i vështirë për të, të ndante veten nga ëndra e sportit me detyrën e re profesionale. Zgjodhi këtë të dytën, duke gjykuar se jeta profesionale do të ishte afatgjatë dhe jetësore. Në janar 1988 filloi një detyrë e re, prokurore sektori në Shkodër, pas transfetimit të bashkëshortit Maksim Subashi (ushtarak) në detyrën e komandantit të brigadës. Ishte eksperiencë e re, e dëshiruar, sepse ishte një shkallë drejt sistemit gjyqësor. Vitet e ushtrimit të kësaj detyre ishin jo të lehta, sepse vendi po hynte në një fazë të re të ndryshimit politik. Shkodra, aso kohe, ishte vatër e nxehtë në ndryshimet politike dhe duhet të ushtroje profesionin me ligjet e sistemit të shkuar. Kujdesi, mprehtësia dhe eksperienca bëri të mundur ushtrimin e kësaj detyre me korrektesë dhe vlerësim. Dëshira dallohej midis kolegësh për komunikimin korrekt. Komunikimi korrekt ishte një nga vlerat dalluese në punë e shoqëri, të saj. Ishte viti 1992, kur sërish, për shkak të transferimit të bashkëshortit të saj në Tiranë, Dëshira u emërua gjyqtare në Gjykatën e Rrethit Gjyqësor Tiranë. Vetëm për një vit në këtë gjykatë, erdhi ndryshimi. Në vitin 1993 u emërua gjyqtare në Gjykatën e Apelit. Vite të vështira për drejtësinë, sepse legjislacioni nuk përputhej me ndryshimet politike. Mungonte eksperienca e vendimeve unifikuese , por në çdo rast Dëshira Subashi me personalitetin e saj bashkëpunues me kolegët ia ka dalë. Në këtë detyrë ka ndjekur të gjitha kualifikimet dhe eksperiencat ndërkombëtare, kryesisht në çështjet penale, ku shteti ka planifikuar. Në vitin 2000 ajo kandidoi për të marrë detyrën e anëtarit të KQZ-së. U votua nga Konferenca Gjyqësore, duke qënë në renditje e para, por nuk u miratua si anëtare e KQZ-së, në vendimarrjen e Këshillit të Lartë të Drejtësisë. Vazhdoi punën e gjyqtares së Apelit, por nuk hoqi dorë nga kjo kërkesë. Në vitin 2003, në një vakancë të krijuar në KQZ, tentoi sërish. Sipas ligjit zgjedhor, iu drejtua me një kërkesë Partisë Socialiste, e cila e mbështeti, duke e propozuar si kandidate për anëtare të KQZ-së, në Këshillin e Lartë të Drejtësisë. Në vitin 2003 e fitoi detyrën e anëtares së Komisionit Qëndror të Zgjedhjeve. Ishte vendimarrje e bërë nga Këshilli i Lartë i Drejtësisë, sipas ligjit zgjedhor të kohës. Me mbarimin e këtij mandati, u rizgjodh në një mandat të dytë nga Parlamenti; njëkohësisht u zgjodh zv. Kryetare e këtij institucioni me një mandat 4 vjeçar. Tashmë një përgjegjësi e lartë për të. Kërkohej vendimarrje kolektive për të çertifikuar votën e popullit , sipas Kushtetutës, Kodit zgjedhor dhe akteve të tjera që nxirrte ky institucion. Ndonëse Këshilli i Lartë i Drejtësisë bëri përzgjedhje sipas ligjit, ndodh një reagim i ashpër politik nga opozita e kohës. Fillimisht u duk se kishte të bënte me një debat politik , por shpejt, ky debat filloi të marrë përmasa ndaj një institucioni të pavarur të Drejtësisë, ku kërkohej ndryshimi i vendimit dhe emrimi i një kandidature të propozuar nga forca politike në opozitë. Ishte një situatë tepër e vështirë; ishte periudhë zgjedhore. Protesta ndaj KQZ-së në qendër të Tiranës dhe pranë zyrave të KQZ-së me etiketime të padenja, ndaj Dëshira Subashit dhe ish Kryetarit të KQZ-së, si një presion për t’u vetëlarguar nga detyra. Kërkohej “balancim politik” i KQZ-së… Opozita shantazhonte… Presidenti i Republikës z. Alfred Moisiu i angazhuar për zgjidhjen e konfliktit, por konflikti vazhdonte. Vetë presidenti deklaronte dorëheqje… ish zv/Ministri i Drejtësisë deklaron publikisht “ Moisiu le të japë dorëheqjen”; “Nuk mund të ndërhyhet dhe të diktohet mbi një organ të depolitizuar si KLD”; ish zv. Kryetar i KLD-së deklaron se, vendimi i KLD-së është ligjor. Media çdo ditë fillonte me këtë çështje. Çështja kaloi çdo instance, në debat u përfshi edhe parlamenti. Opozita kërkonte prishjen e vendimit të KLD-së; mazhoranca qëndronte fort se KLD-ja zbatoi Kushtetutën. Në këtë diskutim pati nga mazhoranca vlerësime shumë pozitive për figurën morale e profesionale të Dëshira Subashit. Dhe meqënëse çështja nuk po gjente zgjidhje politike, figura të rëndësishme të jetës publike reaguan, për të bërë një ndikim drejtëpërdrejtë tek Dëshira… Nisi kështu, me një situatë shumë të fortë politike, puna në këtë institucion, për Dëshira Subashin. Çdokush mendonte se Dëshira Subashi do të tërhiqej nga detyra. Interesit të mediave Dëshira i përgjigjej qetë, shkurt dhe prerë. E vendosur për të kryer detyrën e rëndësishme, edhe pse jo në kushte normale. Shumë shpejt me vendimarrjet e saj në çështjet zgjedhore spikati me personalitetin dhe drejtësinë. Mandati i dytë për Dëshira Subashin, solli një tjetër moment jo të lehtë. Ishte viti 2011, vit zgjedhor për zgjedhjet vendore. Në fillim të këtij viti, në Shqipëri pati ngjarje të pazakonta. Nga një protestë e opozitës së kohës , mbetën të vrarë nga Garda e Republikës katër shtetas… Kjo situatë ndikoi në fushatën zgjedhore. Vështirësi pune në organizimin dhe nxjerrjen e akteve nga KQZ-ja. Të gjitha rrugët e mundshme u përdorën për të ndikuar që vendimarrja e këtij institucioni të mos kishte ndikime politike.Ishte pothuaj e pamundur. Ndaj saj presione të të gjitha llojeve, por pa rezultat, sepse tashmë Deshira kishte fituar të gjithë besimin në punën e saj. Gjatë gjithë kohës së punës në KQZ , Dëshira ka qënë një figurë e hapur me median. Ka shkruar rreth 150 artikuj , intervista dhe dhjetra intervista televizive. Ndërkombëtarët që ndiqnin me interes proçeset zgjedhore për gjithçka kërkojnë Dëshirën. Aftësia profesionale, aftësia e një morali pozitiv të gjykuari dhe të vepruari, guximi për të bërë publike të drejtën… janë ato tipare që e kanë bërë Deshira Subashin një figurë të vlerësuar publike. Në 31 dhjetor 2013 përfundoi ky mandat. Pas përfundimit të mandatit, Kodi Zgjedhor i Republikës së Shqipërisë kishte parashikuar kthimin në detyrën e mëparshme të anëtarëve të KQZ-së. Dëshira Subashi nuk u kthye gjyqtare në Gjykatën e Apelit, vetëm për pengesa politike të kohës. Prej disa vitesh endet gjyqeve, për të kërkuar të drejtën… Edhe pse padrejtësisht ajo nuk qëndroi heshtur. U angazhua në formacione të shoqërisë civile. Shpejt u bë pjesë e Fondacionit “Nermin Vlora” që në objekt të veprimtarisë kishte promovimin e grave të shquara. Me këtë angazhim nuk kurseu kontributin publik për drejtësinë dhe legjislacionin zgjedhor. Tituj, vlerësime Në shkollë të mesme, në vitin e tretë, 1968, ka filluar të aktivizohet me qitjen sportive; në vitin 1972 ka patur si aktivitetin e parë ndërkombëtar kampionatin europian për të rinj, në Stokholm të Suedisë ku fitoi çmimin e tretë. E më pas në të gjithë aktivitetet kombëtare ka patur vlerësime. Në vitin 1975 u dekorua nga Presidiumi i Kuvendit Popullor me “Dekoratën Naim Frashëri klasi III”. Po këtë vit ka fituar edhe titullin “Mjeshtre Sporti”. Me punën dhe formimin e saj ka sjellë në shoqëri edhe modelen e një juristeje me integritet moral profesinal dhe politik dhe punon në dobi të gjithë shoqërisë. Karriera e saj u zhvillua duke punuar dhe guxuar. Dashuria për profesionin dhe përkushtimi për familjen, natyra e saj strikte guxonte të nxirrte në pah anët që fuqishëm rritnin zhvillimin e saj ndër vite. Por çfare vihet re në drejtesi? Vihet re një drejtësi e vonuar. Një drejtësi e vonuar është drejtësi e mohuar. Askush nuk i jep zgjidhje kësaj çështje prej shumë vitesh. Një këndvështrim i shkurtër Prej disa vitesh drejtësia në Shqipëri ka humbur kredibilitet besueshmërie në perceptimin e publikut. Besueshmëria tek sistemi i drejtësisë është një tipar madhor i saj, në një shtet demokratik. Drejtësia është e anatemuar fort, veçanërisht vitet e fundit. Drejtpërdrejt mbi drejtësinë kanë rënduar paragjykimet për vendimarrjet e tyre, shpesh të ndikuara politikisht, më së shumti në dëm të interesave të shtetasve. Këtë e tregoi edhe reforma në drejtësi, e cila nisi si një reformë që nuk do të kishte ndikimet e mëparshme politike, por politika tregoi se nuk heq dorë lehtë nga drejtësia. Sot politika ka treguar qartazi se nuk ka hequr dorë nga emrimet në drejtësi dhe institucionet e drejtësisë vuajnë mungesat organike dhe për rrjedhojë volumi i çështjeve të pagjykuara rritet, duke i kthyer këto gjykime si proçese të parregullta ligjore, që përbëjnë edhe shkelje të drejtave të njeriut.

Profili i Prof.asc Enkeleda OLLDASHI Nga Dr.Li liana Pere. Enkeleda Olldashi èshtè njè emèr i njohur i respektuar ne rrethet Akademike dhe ato shoqërore. Ajo gezon nje respekt dhe vleresim të madh nè Fakultetin Juridik. Per personin e saj flitet me superlativa, si nje grua me integritet te larte moral dhe profesional. Dimensioni i saj akademik e social lexohet në me teper korpusit te saj te librave e studimeve. Prof. As. Dr. Enkeleda Olldashi ka në karrieren e saj profesionale një korpus të gjerë librash e studimesh shkencore: “E drejta romake”, “Hyrje mbi teoritë e grupeve të interesit”, “Grupet e interesit dhe partitë politike”, “Lidhja mes së drejtës dhe moralit, parë nën dritën e përkufizimeve romake ex ante ex post”, “Eleminimi i diskriminimit ndaj gruas”, “Roli i grupeve të interesit në skemën e sistemit politik europian dhe në kontekstin shqiptar”. Por, siç shprehet vetë pedagogia e lëndës E drejta romake, “sa më shumë ta ushtrosh profesionin tënd, aq më shumë e më mirë e kupton dimensionin tënd social.” Ndoshta ky është një nga motivet që e shtyjnë profesoreshën e Juridikut ta zotërojë edhe artin e komunikimit me studentët e saj. Është një opinion, studentë, ish-studentë dhe kolegë të saj, që e rrethojnë me dashuri, respekt e mirënjohje. Bseda që bëra me Enkelejden ka për qellim përçojë tek lexuesi këtë nderim e mirënjohje. Për te, jurisprudenca është një shkencë, me rregullat e saj standarde, dhe mënyra e aplikimit të saj në praktikë tregon, nga njëra anë, se sa ligji, rregulli ka qenë i drejtë, por, njëherësh, tregon edhe se sa aplikuesi i tij ka dashur ta respektojë atë. Motivi i saj i fortë janë djemtë, puna, studimet, vëtë jeta ne tërësi, e bën që te ndjejë që frymëmarrja e saj vibron në atmosferë, atëherë ajo e ndjen se duhet të jete e fortë, panvarësisht trishtimit , nuk është mungesa e fizikes, por pamundësia e jetesës vetëm me jomaterialen, me mosrezonimin me Kolin në të njëjtën formë jete. ’Per raportin e shkencës me pedagogun e Juridikut, Enkelejda thotë: Shkenca dhe kërkimi shkencor me pedagogjinë janë komplementuese të njëra-tjetrës. Por jo gjithmonë janë “veshja” e të njëjtit njeri. Dikush mund të jetë një shkencëtar shumë i mirë, por mund të mos jetë një pedagog shumë i mirë. Mendoj se pedagogjia është një mision më social sesa të studiuarit e shkencës juridike. Është në vetë natyrën e shkencëtarit të jetë më individual: sigurisht, e imponuar nga specifika e punës së tij. Pedagogët kanë mision t’ua përcjellin të tjerëve dijet e tyre, prandaj duhet të jenë edhe më altruistë, po të përdorja këtë fjalë. Por, nëse tek shkencëtari kultivohet më shumë egoizmi, edhe tek unë si pedagoge, për shembull, duhet të kultivohet një “egoizëm shkencor”, po e quaj. Pra, të jetë i tillë, që të më shtyjë, nxisë në njohjen dhe përvehtësimin sa më shkencor të lëndës që jap, me kushtin që këtë lëndë, këtë shkencë t’ua transmetoj sa më mirë studentëve të mi. Enkelejda Olldashi,bashkëshortja e Sokol Olldashit, deputetit te ndjerë te PD dhe një nga personalitetet politike në vend, është profesorja më e votuar në Fakultetin e Drejtësisë në një votim të zhvilluar në internet, nga Këshilli Rinor i Ambasadës Amerikane në Shqipëri.ne vitin 2016. Shumë studentë kanë votuar për profesorët e tyre të preferuar, duke u nisur nga kritere si profesionalizmi, mënyra e transmetimit të dijeve, angazhimit dhe marrëdhenies korrekte me studentët. Dhe për Fakultetin Juridik doli fituese; Prof. Asoc. Enkelejda OLLDASHI Le te mesojmë më teper si ka vazhduar jeta dhe puna e saj. Enkeleda ka lindur në Dhjetor 1972, në Tiranë dhe është rritur në një familje të madhe, me gjyshen, gjyshin, prindërit dhe tre motrat e saj. Respekti ka qènè kryefjala nè kètè familje. Fèmijria e saj ka qènè nje femijri mè e mbushur me dashuri. Shkollën 8-vjecare e ka kryer tek “Naim Frashëri” në Tiranë. Ajo eshte dalluar si nje vajze e mbare me perparim te mire nè mèsime Me të gjithë mësuesit ka patur marrëdhënie komunikimi mjaft miqësore dhe ende mban kontakte me shumë prej tyre. Ruan konsideratè për mësuesen e matematikës, Shpresa Kazazi ; mësuesen e letërsisë, Nermin Basha dhe mësuesen e gjimnastikës, Fatbardha Shtrepi, te cilat kanë qenë modelet dhe mbështetja e saj në këtë moshë. Sporti, dhe në vecanti gjimnastika, kanë shoqëruar fëmijërinë e saj deri në moshën 17-vjecare. Tek ajo, sensibiliteti njerëzor, arësyetimi racional dhe disiplina, u shënjuan nga mësueset e saj të dashura. Dëshira për të ndihmuar shokët në arritjet e tyre mësimore u bë pjesë karakteri për Enkeledën në shkollën 8-vjecare dhe më pas gjatë gjithè periudhès shkollore. Gjithmonë ka dashur të bëjë “mësonjësen” edhe kur nuk i kërkohej. Gjimnazin e ka kryer tek “Myslym Keta”, Tiranë. Periudha e gjimnazit ka qenë periudha e rritjes në aspektin social të saj, pasi në këtë periudhë të jetës ajo kishte shfaqur dëshirat për të studiuar në fusha që duken sikur nuk përputhen me njera-tjetrën si, jurisprudenca, ekonomia, historia dhe gjuhë-letërsia. Koha në të cilën përfundoi studimet në shkollën e mesme të përgjithshme “Myslym Keta” ishte ajo e viteve 1991 (viti i parë i demokracisë) . Asaj kohe, e drejta e studimeve dilte nga Komiteti Ekzekutiv. Asaj, si dhe bashkëmoshatarëve te saj i përcaktohej dega e studimit nga kjo strukturë, kryesisht edhe në bazë të kërkesës së tyre. Enkeleda fitoi të drejtën për të studiuar në degën e drejtësisë. Fillimi i studimeve universitare, në shtator të vitit 1991 do të shënojnë dhe fillimin e njohjes së saj me fushën e jurisprudencës, fushë e cila do të ishte më pas dhe lëmi i saj. Jurisprudenca është për Enkeledën themeli në të cilën ajo ka ndërtuar jetën e saj profesionale, por dhe themeli në të cilën ajo ndërton përditshmërinë e saj. Jeta si studente ka qenë një periudhë shumë e bukur, pasi asaj, jo vetëm i pëlqente të studionte në degën që plotësonte apo shuante kurreshtjen e saj për rregullat që kishin mundësuar funksionimin e rendit botëror, që nga antikiteti dhe në vijim, por më së shumti për atë që jeta universitare e atyre viteve ofronte në demokracinë e trokitur në portat e Shqipërisë. Ato vite ajo i kujton me shumë nostalgji. Ajo kujton profesorët dhe profesoreshat e saj, duke mos harruar asnjërin prej tyre, sepse secili ka shënjuar jetën e saj profesionale. Ata janë ende në faqet e studimeve, librave, artikujve akademik të saj. Kujton me shumë mirënjohje profesorët që janë ndarë nga jeta dhe që kanë qenë bashkëpunëtorë të saj, si Prof.Aleks Luarasi dhe Paskal Harxhi. Fati e deshi që në auditoret e Fakultetit të Drejtësisë ajo njohu dhe shokun e jetës, Sokolin. Ata ishin vecse shokë gjatë periudhës së fakultetit. Jeta ka ‘kurthet” e saj të embla hera herës dhe kjo ndodhi dhe me Kelën dhe Sokolin. Në vitet pas fakultetit, jeta i bëri bashkë në një lidhje që natyrshëm u forcuar, duke i bërë të kuptonin, edhe pse në një moshë relativisht të re për kohët e sotme ( Kela 24 dhe Koli 24), që ajo lidhje ishte e bukur për të krijuar familjen e tyre. Në vitin 1999 erdhi në familjen e tyre pjesëtari më i vogël Glauku. Glauku erdhi si një dhuratë e begatë në jetën e familjes dhe solli shumë “angazhime” familjare, por nuk vonoi shumë dhe në vitin 2002 familja u përmbush dhe me një djalë plotë dritë si Kleiti. Tashmë familja u bë më e “zhurmshme” si me dy djem që nuk bien dakort për lodrat. Kjo ka qenë një periudhë dhe me mjaft angazhime akademike për Enkeledën, e cila në vitin 2002 përfundoi studimet pas-universitare në “Studimet Europiane”/UT, ndërkohë që punonte dhe si juriste në Rektoratin e universitetit të Tiranës dhe pedagoge part-time në Fakultetin e Drejtësisë /UT. Kjo periudhë kaq e ngjeshur me angazhime familjare dhe akademike ka qenë ndër periudhat që ajo e kujtonë gjithmonë me një buzëqeshje. Vitet e angazhimit të Kolit në politikë kanë patur tensionet e tyre të natyrshme, por në asnjë rast nuk e kanë penguar Enkeledën që të vijonte rrugëtimin e saj akademik dhe përkushtimin e saj si një mami full-time. Fëmijët nuk janë asnjëherë të rritur në sytë e prindërve dhe kështu janë ende ata, edhe sot për Enkeledën edhe pse tashmë janë 24 dhe 22 vjec. Glauku dhe Kleiti nuk kanë studiuar në fushën e Kelës dhe Kolit. Ata kanë studiuar, Glauk për Ekonomi Politike dhe Kleiti për Ekonomi Zhvillimi. Zgjedhja e degës së studimit ka qenë një zgjedhje e tyre dhe duket që nuk janë larguar shumë nga fushat e prindërve, ato të Shkencave Humane. Enkeleda i ka mbështetur ,si cdo prind në rrugëtimin e tyre. Jeta e solli që Enkeledës t’i duhej të bënte më shumë se një rol për djemtë e saj, edhe pse ajo thotë gjithmonë që kam bërë vetëm mamin. Le tè hedhim nje vèshtrim si fillon karriera e saj profesionale shohim se: Prof. Asoc. Dr. Enkeleda Olldashi ka kryer studimet e larta në Fakultetin e Drejtësisë në Universitetin e Tiranës në vitet 1991-1995. Më pas ka kryer studimet e thelluara pasuniversitare në fushën e « Studimeve Europiane » (2001-2002). Në vitin 2008 ka fituar gradën shkencore « Doktor i Shkencave » në Drejtësi. Në vitin 2013 ka fituar titullin akademik “Profesore e Asociuar". Ajo ka një eksperience të gjatë dhe të pasur në botën akademike si dhe një eksperiencë si juriste, profesion të cilin e ka ushtruar prej disa vitesh (Rektorat i UT-së -1996-2002). Prej vitit 2002 e në vazhdim është lektore pranë Departamentit të së Drejtës Publike, në Fakultetin e Drejtësisë .Nder lendet qe ajo jep, me e rendesishme eshte “E Drejta Romake”. Eshte lenda qe e etiketon me shume dhe shume studente e njohin si Kela e Romakes. Ndersa kontributi me evident ne fushen e mbrojtjes se te drejtave te njeriut eshte ne fushen e mbrojtjes se te drejtave pronësore të grave.Këtë e ka bërë përmes ekspertizës qe ka dhënë për disa organizata ndërkombetare dhe te shoqërise civile. Nje angazhim i saj lidhet dhe me Sindikaten e Punonjesve të Universiteteve. Ne këtë sindikatë eshtë e angazhuar qe ne themelimin e saj ne 2004 dhe në vijim. Ne kete sindikate Enkelejda është Sekretare e Pergjithshme. E Drejta Tregtare Ndërkombëtare, Universiteti i Nju Jorkut Tiranë Shtator 2019 - Aktualisht Sistemet Politike & E Drejta Parlamentare, Universiteti i Tiranës Shtator 2018 - Sot Enkelejda ka dhe kontribute dhe një sere excpertizash të shkëlqyera profesionale; Ekspert i Jashtëm Ligjor pranë UN Women, Tiranë Tetor 2016 - Dhjetor 2016. Konsulent kombëtar për të mbrojtur dhe mbështetur ndryshimet në Kodin e Punës. Ekspert i Jashtëm Ligjor pranë OXFAM, Tiranë Shkurt 2018 - Prill 2018 Analiza e gjinisë dhe fuqisë Ekspert i Jashtëm Ligjor pranë GIZ, Tiranë Tetor 2017 - Shtator 2018 Udhëzime për Barazinë Gjinore për Noterët Ekspert i Jashtëm Ligjor pranë Bankës Botërore, Tiranë 2019 - 2020 Ligji i Prokurimit Publik Ekspert i Jashtëm Ligjor pranë AFD, Tiranë 2019 - 2020 Operacioni i Politikës së Zhvillimit të Barazisë Gjinore në Qasje në Mundësitë Ekonomike Ekspert i Jashtëm Ligjor pranë IND, Tiranë Janar 2023 - Mars 2023 Trajner në programin për mësuesit “Shkolla si qendër komunitare”. Ekspert i Vlerësimit të Jashtëm pranë Agjencisë së Sigurimit të Cilësisë, Tiranë 2009 - Sot Ekspert i vlerësimit të jashtëm për programet e studimit universitar në të drejtën publike dhe private. Bisedoi: Dr.Liliana Pere.

Lorina Naçi,Shkencëtarja shqiptare në Ontario, Kanada Lorina Naci mjeke, ‘’Shkencëtare ‘’ University of Western Ontario në Canada, një vënd i veçantë në të gjithë botën, i investuar nga qeveria Kanadeze me miliona dollarë për zhvillimin e kësaj fushe kërkimore e cila studion trurin e njeriut duke aplikuar Inteligjëncen artificiale./ Nga Liliana PERE/ Lorina Naçi e lindur në Tiranë, në një familje qytetare që mbart shumë vlera te vecanta, si vlera per dijen, arsimdashëse, kërkuese dhe cilësore ne studimet e saj. Pasioni I madh per shkencën , durimi , puna këmbëngulese duke dëpërtuar me qetësi , zgjuaresi e nje formim te shkëlqyer professional, me anë te inteligjencës artificiale e shton dedikimin ndaj punës., si dhe rezultatet e saj. Thjeshtesia e Lorinës kur bisedon te lë mbresë. Edukata dhe të qënit nje grua e bukur, e qetë e bëjnë tepër ëngjëllore, që zgjon engjëjt nga gjumi . Zgjedhjen e saj idealiste për t’ju dedikuar përndjekjes dhe zhvillimit të mëtejshëm të njohurive shkencore i ka vënë gjoksin me punë të pareshtur, ditë e natë. U largua nga Shqipëria mbas mbarimit të gjimnazit për të vazhduar studimet universitare në University of Georgia, në Georgia USA. Nisi studimet me etje dhe pasion për njohurinë, ç’ka e shtyu të ndjekë disa degë njëherësh, pikturën, psikologjinë dhe programimin. Në bazë të notave atje dhe ecurisë së saj të përgjithshme, fitoi disa bursa prestigjioze nga universiteti, duke përfshirë këtu dhe një bursë me rrogë të plotë për të ndjekur studimet që kishte shans shumë të ulët suksesi (0.5% në bazë të meritës). Kjo ishte arritja e saj e parë e mirëfilltë akademike në USA dhe që nga ai moment Lorina u përfshi në një grup shumë elitar studentësh; bëhet fjalë për 10 nga 30,000 studentët e universitetit. Në vitin 2004, u diplomua nga University of Georgia, USA, me Bachelor of Fine Arts për pikturë si dhe Bachelor of Science për shkencën e mendimin (Cognitive Science) dhe Master of Science për programim të avancuar (Artificial Intelligence). Për të folur mbi arritjet e jashtëzakonshme të saj arritje është e ftuar vazhdimisht që të japë leksione plenare në konferenca të ndryshme. Prezantimi i saj i fundit ishte në fund të marsit në takimin e American Philosophical Association, në San Francisco. Publiciteti I punës shkencore te Lorenës eshte percjelle ane e kend botës. Ajo tashmë eshte cilesuar nje shkencëtare. Puna e Lorenës është përcjellë nga mediat ndërkombëtare, si në televizion, radio, shtyp dhe internet. Ja disa shembuj; Televizion: CTV News, Global News, ONMI 1 (Canada), NHK (Japan), Top Channel (Albania). Radio: CBC, Radio Canada International, ABC News Radio, Newstalk San Francisco, BYU Radio on Sirius XM, AM 890, The John Bolton Show, The Pulse, W Radio Miami. Shqyp: The New Scientist, Macleans, La Recherche, The Globe and Mail, The Toronto Sun, La Republica, International Business Times, Los Angeles Times, The Times of India, Corriere della Sera, The Daily Mail, The Chicago Tribune, The London Free Press, China Youth Daily, Τo Vima Greece. Internet: Includes Science, Nature, BBC, The Times, NBC News, Fox News, Reuters, Sciences et Avenir, Medpage Today, Discovery News, The Verge, IFL Science, JAMA Author Interview, The Huffington Post, The National Post, Australia International Business Times, Google News Today, The Agenda with Steve Parkin, etc. Puna e saj ka fituar disa çmime; këtu do veçoja emërtimin si “One of Best 51 Discoveries Since 1878”, nga Western University, *** Ndiqni bashkebisedimin ju lutem *** Pyetje Liliana- E dashur Lorina. U njoha me arritjet tuaja u ndjeva krenare si grua, si shqiptare Studimet tuaja i përkasin inteligjencës njerëzore, trurit që është edhe pjesa më e vështirë e trupit të njeriut për t’u kuptuar dhe akoma më e vështirë për t’u interpretuar. Çfarë ju shtyu të vazhdoni studimet pasuniversitare për shkencën e trurit dhe pikërisht në një prej Universiteteve më prestigjioz të botës, në Univesrsity of Cambridge, në Angli? *** Pergjigje Lorina-Gjatë studimeve universitare mu thellua pasioni për të njohur e kuptuar më tej inteligjencën si manifestim i ndërgjegjes njerëzore. Mendohet se është pikërisht ndërgjegje ç’ka na pozicionon në një vënd të spikatur në krye të evolucionit natyror. Por, se si ose pse është zhvilluar ndërgjegjja e më tej, si realizohet ajo në materien fizike që është trupi njerëzor, mbeten mistere të shkencës me domethënie të gjerë për kulturën, artin, spiritualitetin, ndoshta dhe vetë domethënien e jetës njerëzore. Gjatë studimeve të masterit për inteligjencë artificiale – që përfshin përshkrimin e inteligjencës njerëzore me gjuhë matematike dhe kompjuteristike, kuptova se çelësi i ndërgjegjes njerëzore qëndron tek truri, dhe pa një kuptim të plotë të tij, nuk mund të arrijmë të njohim ndërgjegjen, e jo më ta përshkruajmë për të krijuar kompjuter ose robot inteligjentë. Kjo ishte ajo që më frymëzoi të ndjek studimet pasuniversitare për doktoraturë në shkencën e trurit (neuroscience) në University of Cambridge, në Angli. Këtu pata nderin e rrallë që u bëra pjesë e një institucioni mbi 800-vjeçar, djep të dijes e zhvillimit. Gjithashtu ishte një gëzim shumë i madh që u riktheva në Evropë, më afër familjes që jeton në Tiranë. Studimet në Cambridge m’u mundësuan nga një bursë e plotë nga shteti Amerikan, me 3% probabilitet suksesi në bazë te meritës, përsëri një shans shumë i rallë për të cilin jam përpjekur fort dhe i jam mirënjohëse fatit. *** Pyetje:E dashur Lorina.Sa e vështirë ishte për ju si grua e fortë e pergatitur, të sfidonit paragjykimet sa u stimuluat dhe suportuat nga koleget, të të hynit me të drejta të padiskutueshme në një ambient shkencor të tillë? Pergjigje Lorina. Studimet në Cambridge galvanizuan formimin tim intelektual. Privilegjin e pjesëmarrjes në një komunitet të zjarrtë si shkencor dhe njerëzor e kam perceptuar gjallë në përditshmërinë time atje. Ishte një ambient vërtet i veçantë plot stimuj frymëzues, që nga figurat historike e deri tek njerëzit që u bënë miqtë e mi më të mirë. Këtu veçoj udhëheqësen e doktoraturës time, Professor Lorraine K. Tyler, një grua e hekurt që i sfidonte paragjykimet dhe pengesat shoqërore ndaj femrës me çdo qelizë e veprim të saj. Rruga nuk ishte e lehtë. Zgjedhjen time idealiste për t’ju dedikuar përndjekjes dhe zhvillimit të mëtejshëm të njohurisë, i kam vëne gjoksin me punë të pareshtur, ditë e natë. *** Pyetje:Znj Lorina. Pas studimeve tuaja në Cambridge si, vazhdoi aktiviteti juaj shkencor, tanimë jo vetëm si shkencëtare, por si një mjeke që u ka dhënë shpresa shumë pacientëve që mendohej që në gjendjen vegjetative që ishin s’kishin më asnjë mundësi komunikimi me botën që i rrethonte. Kjo është një arritje e madhe besoj jo vetëm si shkencëtare por edhe në kontekstin njerëzor. Të arrish të krijosh një farë komunikimi ndërmjet pacientëve të tillë e familjarëve të tyre, besoj perjetoni nje emocion \te papërshkruar?. *** Pergjigje:Mbas mbarimit të doktoraturës fillova të punoj si shkencëtare e mirëfillte tek Medical Research Council for Cognition and Brain Sciences, përsëri në Cambridge. Këtu pata rastin të merrem me një grup shumë të veçantë pacientësh, ata që mendohet se humbin ndërgjegjen si pasojë e dëmtimit të trurit dhe marrin diagnozën mjekësore të gjendjes vegjetative. Ketë punë tani e vazhdoj si punonjëse shkencore në University of Western Ontario në Canada, një vend i veçantë në të gjithë botën, i investuar nga qeveria Kanadeze me miliona dollarë për zhvillimin e kësaj fushe kërkimore. Konkretisht, unë ideoj dhe zhvilloj metoda teknike për vëzhgimin me anë të skanerit (functional Magnetic Resonance Imaging) të aktivizimit të vullnetshëm të qendrave të trurit nga pacientë të tillë. Paçka se mendohet të jenë të pandërgjegjshëm, pasi nuk arrijnë t’ju përgjigjen komandave të mjekëve me anë të sjelljes ose të së folurës, një përqindje e konsiderueshme (deri 20%) të tyre janë të ndërgjegjshëm dhe mund ta shprehin ketë vetëm me anë të trurit. (Për arsye akoma të panjohura, këta pacientë nuk arrijnë të transformojnë mendimin në sjellje fizike.) Me punën time kam arritur ta kthej këtë aktivizim të vullnetshëm të trurit në komunikim me këta pacientë. Arritja e komunikimit është një hap shumë i rëndësishëm për pacientin, që në disa raste nuk ka mundur të komunikojë për dhjetëra vite, për stafin mjekësor që kujdeset për të dhe natyrisht, për familjen. Këto arritje përbëjnë dhe shpërblimin më të bukur dhe të plotë të përpjekjeve të mia shkencore. Dhe shumë shpërblyese nga pikëpamja njerëzore është gëzimi i familjeve kur mësojnë se të dashurit e tyre me të cilët mund të kenë humbur kontakt për disa vite mund t’i dëgjojnë dhe kuptojnë *** . Pyetje:Znj Lorina.Një arritje me të vërtetë e madhe kjo e gjithë studimeve dhe e punës suaj. Sëmundjet neurologjike degjenerative janë të shumta dhe deri më sot kurimi i këtyre pacientëve është shumë i limituar. Projektet tuaja për të ardhmen ky synojnë të arrijnë? A mund të na thoni diçka më shumë me çfarë studimi po merreni konkretisht? *** Pergjigje:Studimi i trurit me anë të teknologjisë të neuroimaging – ku konsiston dhe ekspertiza ime – është një fushë relativisht e re, ku akoma ka shumë të panjohura. Përveç punës me pacientët në gjendje vegjetative, bashkëpunoj me neurologë Kanadez për të studiuar sëmundje të tjera të trurit që janë dhe më të përhapura, si për shembull sëmundja e Parkinsons. Kam edhe një projekt për studimin e efektit të anestezisë në tru. Ndërkohë, vazhdoj prej disa vitesh të bashkëpunoj me kolegët tek University of Cambridge. Jam shumë e frymëzuar nga studimi i trurit, sidomos nga ato kërkime që kanë potencial të përmirësojnë shëndetin dhe cilësinë e jetës njerëzore. E shoh si misionin tim dhe ndërgjegjësimin e shoqërisë për rëndësinë e shëndetit të trurit. Kërkohet akoma shumë, shumë punë për të ndryshuar botëkuptim mbizotërues që e nënvlerëson shëndetin e trurit. Për shembull, prej studimeve më të fundit post-mortum (mbas vdekjes) që zhvillohen nga shkencëtare në Boston, po tregohet shkencërisht se sa të dëmshme janë goditjet e evitueshme të kokës që historikisht janë nënvlerësuara si p.sh. në sportet e kontaktit fizik intensiv si futbolli amerikan, po këtu mund të rreshtosh shumë që kanë efekte të njëjta. Këto tregojnë se dëmtimi i trurit sjell shumë pasoja që prekin shëndetin mendor, si depresioni, mendimet e vetëvrasjes, sëmundja alzeimers dhe një sërë çrregullimesh të tjera. *** Pyetje:E dashur Lorina. Ku e gjen pasionin, shtytjen Lorena , per te aplikuar inteligjencen artificiajle, ne ndihme te te semureve te shendetit mendore, Kjo eshte nje force magjike, mendjeje dhe zemre te madhe e nje, mjeke , shkencetare qe aplikon gjithe energjite e saj positive dhe ato profesionale te inteligjences artificial, qe sensibilizon dhe ndergjregjeson ambjentin qe e rrethon? Pergjigje :Me njohurinë që kam fituar gjatë gjithë karrierës time më vjen e natyrshme të ndihmoj për informimin dhe sensibilizimin e publikut për brishtësinë e shëndetit dhe jetës kur truri preket. Për mendimin tim, kjo është një nga detyrat më të rëndësishme të kohës sonë. Për mua nxitja ka qenë gjithmonë kërkimi i dijes dhe formimi i integritetit intelektual, vlera të cilat më janë skalitur fillimisht në familje. Ky formim i hershëm më ka shtyrë të kërkoj të njëjtat vlera dhe nga partneri im, i cili, si unë është në profesionin e shkencës. Më së fundmi, për mua një nxitje e re vjen nga të kuptuarit nga afër të vështirësive dhe pengesave të padukshme dhe të padrejta që gratë hasin në të gjitha fushat e jetës. *** Pyetje:E dashur Lorina,Integriteti yt professional ka bashkuar interesat bashkëpunuese me partnerin tuaj, dhe fjala e pare e jetes tuaj është ‘’Shkenca’’si te ndihmojme te semuret dhe si të jemi nje model drejt kerkimeve shkencore për gjithe brezin e ri , per ta nxitur e inspiruar por edhe duke edukuar brezin e ri – studentët e mi – për të ndërtuar në çdo hap një botë më të te pergjegjshme dhe te drejtë ? Pergjigje-Për mua nxitja ka qenë gjithmonë kërkimi i dijes dhe formimi i integritetit intelektual, vlera të cilat më janë skalitur fillimisht në familje. Ky formim i hershëm më ka shtyrë të kërkoj të njëjtat vlera dhe nga partneri im, i cili, si unë është në profesionin e shkencës. Më së fundmi, për mua një nxitje e re vjen nga të kuptuarit nga afër të vështirësive dhe pengesave të padukshme dhe të padrejta që gratë hasin në të gjitha fushat e jetës. *** Pyetje:E dashur Lorina.Një mesazh i bukur dhe i fortë ky për brezin e ri dhe ju jeni shembull i gjallë që me punë dhe pasion mund të arrihen rezultate të shkëlqyera. Puna juaj është e vlerësuar në ambientet shkencore e mjekësore. Mund të na citoni disa nga publikimet tuaja? *** Pergjigje:Puna ime është vlerësuar shumë në komunitetin shkencor, mjekësor si dhe në publikun e gjerë. Kam publikuar një seri artikuj në revista nga me dinjitozet dhe ekskluzivet shkencore, si Proceedings of the National Academy of Science, Journal of American Medical Association for Neurology, etj. Listën e publikimeve të mia mund ta shihni në fund të kësaj interviste. *** Falenderim Lorina. Ju përgëzoj me shumë entuziazëm për punen e madhe qe beni duke ju dhene ze grave ane e kend botes, për të evidentuar vlerat me te mira dhe promovuar arritjet e grave shqiptare ne bote. Znj. Liliana Pere dhe për krijimin e organizatës Gruaja Shqiptare në Botë. Faleminderit. *** Liliana Ju faleminderit ju e dashur dhe e nderuar Lorena.Mjekja , Shkencëtarja , e palodhura , humanja, do kerkoja fjalët me te bukura dhe më me vlere per ju , punen dhe integritetin tuaj professional.Por ju i keni thënë me punen tuaj , me formimin e shkelqyer, dhe te qënit mjeke dhe nje studiuese shkencore duke arritur shumë, keni depërtuar ne trurin e njeriut keni aplikuar Inteligjencën artificial, ne shërbim te mirëfunksionimit te trurit dhe inteligjencës njerezore. Jeni nje model inspirimi i madh per fushen e mjekesise , për botën e gruas shqiptare, c’farë rezultate arrin kur ajo ka piksynime te ecë perpara në dobi te progresit te shoqërisë Shkencetare Lorina Naci.Krenaria e gruas shqiptare dhe e kombit Shqiptar. Faleminderit.Ju uroj suksese pa fund në studimet tuaja shkencore. Dr. Liliana Pere REVIEWED PUBLICATIONS Naci L., Graham M., Owen A.M., Weijer C. Covert narrative capacity: A cross-section of the preserved mental life in patients thought to lack consciousness. Submitted. Naci, L., Sinai, L, Owen, A. M. Detecting and interpreting conscious experiences in behaviorally non-responsive patients. NeuroImage. doi:10.1016/j.neuroimage.2015.11.059*Selected to feature on The Atlas of Science. Peterson, A., Cruse, D., Naci, L., Weijer, L., Owen, M. A. Risk, diagnostic error, and the clinical science of consciousness. NeuroImage: Clinical. 2015; 7: 588–597. Graham, M., Weijer, C., Cruse, D., Fernandez-Espejo, D., Gofton, T., Gonzalez-Lara, L., Lazosky, A., Naci, L., Norton, L., Peterson, A., Speechley, N. K., Young, B., Owen, M. A. An ethics of welfare for behaviourally non-responsive patients with covert awareness. AJOB Neuroscience 2015. Share via: