Mblidhet në Tiranë trupi diplomatik shqiptar, Tanja Fajon: Shqipëria të jetë gati për 2030, e ka shansin të jetë në BE
- Aug 26, 2024
- 1 min read
Mblidhet në Tiranë trupi diplomatik shqiptar, Tanja Fajon: Shqipëria të jetë gati për 2030, e ka shansin të jetë në BE
26/08/2024
Mblidhet në Tiranë trupi diplomatik shqiptar, Tanja Fajon: Shqipëria të jetë gati për 2030, e ka shansin të jetë në BE
Trupi diplomatik shqiptar që shërben në të gjithë botën është mbledhur sot në Tiranë për të marrë pjesë në Konferencën e Ambasadorëve “Tirana Diplo 2024”.
Një nga tematikat kryesore të këtij eventi ishte rrugëtimi dhe dinamikat e procesit të integrimit të Shqipërisë në Bashkimin Europian.
Ndër personalitetet e ftuara në këtë konferencë, zëvendëskryeministrja e Sllovenisë dhe ministrja e Punëve të Jashtme, Tanja Fajon u shpreh optimiste se Shqipëria i ka shanset që të jetë pjesë e BE në 2030.
“Jam shumë krenare që kemi arritur liberalizimin e vizave për rajonin në një kohë që kjo as mund të imagjinohej, jam një përkrahëse e madhe e zgjerimit të BE, mund të jem edhe pesimiste për momentin por kjo nuk shërben për të ecur përpara. Mendoj se tani është shansi më i mirë për të zgjeruar BE me vendet e Ballkanit Perëndimor. Në 2030 kemi një shans nevojë gjeostrategjike, të jemi gati për 2030, por vazhdimësia në këtë rrugë do të bëjë që për pak vite disa vende të rajonit të jenë pjesë e BE”, tha Fajon.
