Prof. Servet Pellumbi nje figurë e rëndësishme akademike politike shqiptare.

Rrevista Prestige

Lamtumirë Profesor i politikes shqiptare.

Ikja e Prof Servet Pellumbit ndjehet si mungesa e një ekuilibri që rrallë ndërtohet,

Dhe vështirë të zëvendëzëvendësohet

Ka ikur një burrë i mëncur, zëri i qetë i matur i mendimit dhe një prezencë që nuk kërkonte kurrë të dominonte.

Servet Pëllumbi mbetet në historine e Shqiperisë si një figurë e madhe, Akademike, politike dhe thellësisht njerëzore, me një dashuri, perkushtim serioz per shqipërinë në një kohë të trazuar.

Ai u ngrit me peshën e dijes dhe dinjitetit.

Ai ishte i thellë , me shumë autoritet dhe aspak fjalë të kota.

Jetoi e punoi me seriozitet në thelb, me një peshë të rrallë morale dhe intelektuale duke sjelle frymezim respekt e besim.

Servet Pëllumbi (1937–2026) mbetet një nga ato figura që maten me integritetin e larte, urtësinë dhe dinjitetin e brendshëm që lanë gjurmë në historinë dhe politiken shqiptare.

I lindur në Korçë, ai u formua në Universitetin e Shën Petersburgut, ku u titullua Doktor i Shkencave në Letërsi.

Ky formim akademik me arritje , ne mënyrën e të menduarit te qetë, analitik te thellë e të matur.

Rrugën e dijes e nisi si pedagog në Institutin Pedagogjik të Korçës (1960–1963) dhe më pas në Universitetin e Tiranës, deri në vitin 1977, ku u shqua si një figurë e urtë, e qetë, e përmbajtur, thellësisht bashkëpunuese dhe e respektuar.

Në këtë periudhë u konsolidua edhe identiteti i tij publik si “Profesori”, një emër që u kthye në emblemë respekti dhe autoriteti moral akademik e shoqëror.

Në jetën politike, hyn pas vitit 1977. Me ndryshimet demokratike, u bë një nga themeluesit e Partisë Socialiste, duke mbajtur detyrën e nënkryetarit të saj (1990–1996), ku u dallua për qasje bashkëpunuese, maturi të lartë politike dhe aftësi për të ndërtuar dialog në një kohë përplasjesh të forta historike.

Kulmi institucional i karrierës së tij ishte detyra e Kryetarit të Kuvendit të Shqipërisë (1997–2001), në një nga periudhat më të ndjeshme të shtetit shqiptar. Ai u shqua si një figurë e ekuilibruar, e matur, e urtë dhe me autoritet të natyrshëm moral, që i dha Kuvendit stabilitet dhe dinjitet.

Në jetën publike dhe intelektuale, Pëllumbi mbeti një zë i drejtë i besueshëm dhe thellësisht reflektues, një mendje e ndritur që nuk impononte.

Ai përfaqësonte një lloj politikani që sot rrallë gjendet: i thjeshtë në sjellje, i madh në mendim, i pastër në qëndrim, i drejtë ne vendim.

Ndër veprat e tij më të njohura janë:

“Pluralizmi politik”

“Për demokracinë”

“Sfidat e tranzicionit”

“Refleksione mbi shtetin dhe shoqërinë”

Në këto shkrime, ai artikulonte një filozofi politike ku shteti kuptohet si përgjegjësi, dialog dhe ekuilibër.

Gjatë jetës së tij u vlerësua gjerësisht si një nga figurat më me integritet të lartë, të urta, të përmbajtura, të ekuilibruara dhe thellësisht bashkëpunuese të tranzicionit shqiptar.

Ai la pas një imazh të rrallë: atë të një njeriu që nuk e ngriti veten mbi të tjerët, dhe mori me vehte respektin e të gjitheve përmes karakterit.

Në kujtesën publike, Servet Pëllumbi mbetet një emblemë e udherrëfimit, e urtësisë politike dhe e mendimit të matur, një figurë që solli kulturë, qetësi në debat dhe thellësi në reflektim, një prani që i dha politikës shqiptare një dimension më njerëzor dhe më të kultivuar.

Dhe në fund, mbetet madheshtia e tij e vertetë.

Pushofsh ne kopshtin e parajses Prof!

R.I.P Prof.Servet Pëllumbi.