Search Results

Shkrimtarja koreano-jugore fiton “Nobelin” për Letërs Oct 11, 2024 | 9:08 SHPËRNDAJE FacebookMessengerTwitterWhatsAppCopy Link Çmimi “Nobel” në letërsi iu dha dje autores koreanojugore Han Kang. Ky çmim iu dha autores “për prozën e saj intensive poetike që përballet me traumat historike dhe ekspozon brishtësinë e jetës njerëzore”. han kang Mats Malm, sekretari i përhershëm i Komitetit të Nobelit të Akademisë Suedeze, shpalli çmimin në Stokholm. Han, 53 vjeçe, fitoi Çmimin Ndërkombëtar Booker në 2016 për “Vegetarian”, një roman shqetësues në të cilin vendimi i një gruaje për të mos ngrënë mish ka pasoja shkatërruese. Romani i saj “Human Acts” ishte finaliste e Çmimit Ndërkombëtar Booker në 2018. Çmimi i letërsisë është përballur prej kohësh me kritika se ai është shumë i përqendruar te shkrimtarët evropianë dhe amerikano-veriorë të prozës me stil të rëndë dhe të lehtë. Gara ka qenë, gjithashtu, e dominuar nga meshkujt, me vetëm 17 gra në mesin e 119 laureatëve të saj deri më tani. Gruaja e fundit që fitoi ishte Annie Ernaux e Francës, në 2022. Gjashtë ditët e shpalljeve “Nobel” u hapën të hënën me amerikanët Victor Ambros dhe Gary Ruvkun që fituan çmimin e mjekësisë. Dy baballarë themelues të mësimit të makinerive – John Hopfield dhe Geoffrey Hinton – fituan çmimin e fizikës të martën. Të mërkurën, tre shkencëtarë që zbuluan teknika të fuqishme për të deshifruar dhe madje dizajnuar proteina të reja u nderuan me çmimin “Nobel” në kimi. Çmimi “Nobel për Paqe” do të shpallet sot dhe çmimi i ekonomisë më 14 tetor. Han Kang ka lindur në vitin 1970 në qytetin Gëangju të Koresë së Jugut. Në moshën nëntë vjeç ajo u zhvendos me familjen e saj në Seul. Babai i saj ishte një romancier me reputacion. Krahas shkrimit, ajo i është përkushtuar edhe artit dhe muzikës, gjë që pasqyrohet në të gjithë produksionin e saj letrar, shkruan në faqen e Çmimit Nobel. Han Kang filloi karrierën e saj në 1993 me botimin e një numri poezish në revistën “Letërsia dhe shoqëria”. Debutimi i saj në prozë erdhi në vitin 1995 me përmbledhjen e tregimeve të shkurtra (‘Dashuria e Yeosu’), e ndjekur menjëherë nga disa vepra të tjera në prozë, romane dhe tregime të shkurtra. I dukshëm ndër to është romani “Duart e tua të ftohta”, i cili mban gjurmë të interesit të Han Kang për artin. Libri riprodhon një dorëshkrim të lënë pas nga një skulptor i zhdukur, i cili është i fiksuar pas bërjes së trupave të femrave në allçi, shkruan në njoftim. “Ka një preokupim me anatominë e njeriut dhe lojën mes personazhit dhe përvojës, ku në punën e skulptorit lind një konflikt midis asaj që trupi zbulon dhe asaj që fsheh. “Jeta është një fletë që harkohet mbi një humnerë, dhe ne jetojmë sipër saj si akrobatë të maskuar”, siç pohon rrëfimshëm një fjali në fund të librit”- shkruan në njoftim. Aty shkruan se zbulimi i madh ndërkombëtar i Han Kang erdhi me romanin “Vegjetariania “, 2015. “I shkruar në tre pjesë, libri portretizon pasojat e dhunshme që pasojnë kur protagonisti i tij Yeong-hye refuzon t’u nënshtrohet normave të marrjes së ushqimit. Vepra e Han Kang karakterizohet nga një ekspozim i dyfishtë i dhimbjes, një korrespondencë midis mundimit mendor dhe fizik me lidhje të ngushta me të menduarit lindor”- shkruan Nobel. Veprat e saj përfshijnë “Vegjetariania”, “Libri i Bardhë”, “Veprat Njerëzore” dhe “Mësimet Greke”. “Kam qenë në gjendje të flas me Han Kang në telefon,” tha sekretari i përhershëm i Akademisë Suedeze Mats Malm gjatë shpalljes së fituesit. “Ajo po kalonte një ditë të zakonshme me sa duket – sapo kishte mbaruar darkën me djalin e saj. Ajo nuk ishte vërtet e përgatitur për këtë, por ne kemi filluar të diskutojmë përgatitjet për dhjetorin”, kur Kang do t’i jepet çmimi “Nobel”. Romanet, novelat, esetë dhe koleksionet e tregimeve të Kang kanë eksploruar në mënyra të ndryshme tema të patriarkatit, dhunës, pikëllimit dhe njerëzimit. Romani i saj i vitit 2007 “Vegjetariania”, i cili u përkthye në anglisht në 2015 nga Deborah Smith, fitoi çmimin Ndërkombëtar Booker në 2016./Gazeta Panorama

“Arbëria dhe fëmijët e saj”, aktivitet i arbëreshëve të Kalabrisë për mbrojtjen e gjuhës e kulturës Nga edlira.ruzi -11/10/2024 TIRANË, 11 tetor/ATSH/ Dje në Çifti (Civita) të Kalabrisë ka nisur aktiviteti “Arbëria dhe fëmijët e saj”. Ky aktivitet organizohet në kuadër të ditëve ndërkombëtare të studimeve mbi pakicat gjuhësore dhe politikave të rigjallërimit të gjuhës dhe kulturës arbëreshe. E pranishme ka qenë edhe drejtoresha ekzekutive e Qendrës së Studimeve dhe Publikimeve për Arbëreshët (QSPA), prof. Diana Kastrati, e cila në fjalën e saj theksoi se, çështja e gjuhës arbëreshe dhe ligjit 482/99, është çështje e arbëreshëve dhe duhet të vijë si sinergji e bashkëpunimit ndërmjet studiuesve, komunës dhe instancave politike të të dy palëve. Qendra e Studimeve dhe Publikimeve për Arbëreshët bën me dije se po punon prej katër vitesh për ruajtjen dhe promovimin e kulturës arbëreshe dhe do vijojë të punojë në këtë drejtim. /j.p/ 1 nga 4 Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Hapësira mbresëlënëse brenda Xhamisë së Namazgjasë, besimtarë e vizitorë një ditë pas hapjes së madhe Nga Klotilda Saracini TIRANË, 11 tetor/ATSH/ Xhamia e Namazgjasë në kryeqytet gjatë ditës së sotme, që shënon edhe Xhumanë e parë në këtë vend kulti, u mbush me besimtarë të shumtë myslimanë që kanë kryer ritet e tyre. Xhamia ka ngjallur kureshtjen edhe të qytetarëve të besimeve të tjera e turistëve të huaj me përmasat dhe dekorimet e brendshme. Shumë prej tyre vizituan sot Xhaminë, një ditë pas hapjes së saj me ceremoni të veçantë në prani të Presidentit turk Recep Tayyp Erdogan dhe Kryeministrit Edi Rama. Ndërtimi i Xhamisë së Namazgjasë ishte i shumëpritur nga besimtarët myslimanë, të cilët kanë tashmë hapësirën e duhur për faljet e Bajramit, pasi deri tani kryenin faljen e madhe në sheshe. Në hyrje të xhamisë qëndron një Kuran me përmasa më të mëdha se ajo normale, i shkruar me dorë dhe me fletë të verdha. Ngjyrat e brendshme janë ato të besimit islam. Në ambientet e jashtme po veçanërisht në ato të brendshme bie në sy arkitektura e veçantë, ku mbizotërojnë muralet me motive të besimit fetar dhe historik, punimet artizanale mjeshtërore dhe ngjyra e bardhë në tavane. Vëmendjen ta tërheqin edhe Kubeja (Kulmi), harqet artistiko-arkitekturore, larjet e arta dhe deri te lampadarët e mëdhenj. Kurani iu dhurua Myftiut të Tiranës, Gazment Teqja nga Presidenti Erdogan gjatë ceremonisë së përurimit. Xhamia e Namazgjasë ka një sipërfaqe rreth 10,000 m2, duke përfshirë katër minare me një gjatësi prej 50 metrash dhe një kupolë qendrore të stilit klasik turk, e cila arrin një gjatësi prej 30 metrash. Bashkë me ambientet e jashtme xhamia mund të akomodojë rreth 7500 besimtarë, kurse brenda saj 5 mijë besimtarë. Kjo xhami plotëson nevojat e besimtarëve për faljet e përditshme edhe për faljen e të premtes. Në xhami ndodhet salla e madhe në katin e parë, ndërsa në katin e dytë ambienti që falen besimtaret myslimane. Ndërsa poshtë ka ambiente të bukura shërbimi, si dhe një mjedis ku mund të hapen ekspozita të kulturave të ndryshme ose ekspozita të dobishme, në dobi të komunitetit. Pjesë e xhamisë është edhe bibliotekë e madhe, që do të vihet në funksion shumë shpejt. Gjithashtu ka dy salla, një auditor shumë të mirë, që mund të përdoret për nevojat e komunitetit, por jo vetëm, por ka edhe një sallë seminaresh që mund të shërbejë për leksione apo takime me grupe të ndryshme, me studentë. Xhamia ka hapësira që do të jenë në funksion të të gjithë komunitetit. Ajo nuk do të jetë thjeshtë një vendfalje, por një kompleks shumëfunksional, që do t’u shërbejë edhe qytetarëve të tjerë, sikurse edhe turistëve. Xhamia e Namazgjasë, foto: Agim Dobi 1 nga 15 /k.s/j.p/

Nga Gjergji Mima -11/10/2024 TIRANË, 11 tetor /ATSH/ Kryeministri i Hungarisë, Viktor Orbán deklaroi sot se, Shqipëria është vërtet një vend, jo vetëm miqësor, por edhe shumë i rëndësishëm për Hungarinë. Në një deklaratë të përbashkët me Kryeministrin Edi Rama, në Budapest, Orban u shpreh se, në takimin mes tyre është diskutuar edhe për bashkëpunimin dypalësh. “Shqipëria është vërtet një vend, jo vetëm miqësor, por edhe shumë i rëndësishëm për ne sepse luan një rol shumë të rëndësishëm në sektorë të ndryshëm”, u shpreh ai. Orban u shpreh se, Hungaria dëshiron që firmat dhe kompanitë hungareze të kenë sukses dhe një reputacion të mirë në Shqipëri. “Ne e shikojmë këtë jo vetëm sepse duam që firmat hungareze të jenë të suksesshme. Ne duam më shumë sesa kaq”, tha ai. Ai u shpreh se, kompanitë hungareze po ecin shumë mirë edhe në tregun e telekomunikacionit. “Kemi gjithashtu edhe një projekt shumë të madh me Shqipërinë. Shqipëria dhe Egjipti, pra Evropa dhe Egjipti do të lidhen me anën e një rrjeti të telekomunikacionit”, tha Orban. Gjithashtu, shtoi Orban, “ne kemi lidhur rreth 50 qytete me Wizz Air-in dhe OTP-ja ka fituar edhe çmimin si banka më e mirë digjitale në Shqipëri. Kemi gjithashtu edhe faktin që edhe ujësjellësi i Budapestit luan tashmë një rol shumë të mirë edhe me homologun e vet në Tiranë”. “Ramë dakord me kryeministrin që do të vijojmë bashkëpunimin tonë dypalësh dhe natyrisht që jemi më se të hapur që biznesmenët shqiptarë të bëhen pjesë e ekonomisë tonë. Dëshirojmë ta rrisim rolin tonë në modernizimin e ekonomisë së Shqipërisë”, tha Orban. Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Kroçera “Variety Voyager“ viziton Vlorën Nga Maela Marini - TIRANE, 10 tetor/ATSH/ Kroçera “Variety Voyager“, me 54 turistë nga vende të ndryshme të botës, mbërriti sot në brigjet e Vlorës. Jahti luksoz, 66 metra i gjatë dhe 11,5 metra i gjerë, ka mbërritur në Vlorë pas ndalesës në Portin e Durrësit, ndërkohë që ishte nisur nga Kotorri i Malit të Zi. Kryetari i bashkisë së Vlorës, Ermal Dredha ndau sot në rrjetet sociale fotografi nga kroçera e akostuar në port, ndërsa u shpreh se “Vlora mbetet gjithmonë një destinacion i preferuar”. “Variety Voyager” ka në bord 54 vizitorë, të cilët pas turit në sitet turistike të Durrësit janë ndalur të vizitojnë Vlorën. Ky jaht lundron nën flamurin e ishujve Marshall dhe ka një GT prej 1593 tonë. 1 nga 2 /m.m/r.e/ Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Valbona destinacion gjithëvjetor, turistët shijojnë ecjet në shtigje Nga Arlinda Gjonaj TIRANË, 10 tetor/ATSH/ Një mozaik natyror magjepsës të ofron në këto ditë vjeshte Lugina e Valbonës, një prej mrekullive të papërsëritshme të natyrës alpine shqiptare. Kryeministri Edi Rama ka zgjedhur vizituesit e shumtë në Parkun Kombëtar të Valbonës, të cilët shijojnë ecjet në shtigje duke e bërë turizmin e këtyre anëve gjithëvjetor, për të ftuar këdo të eksplorojë këtë destinacion turistik pjesë e Alpeve tona. “Turistët nga Valbona shijojnë ecjet në shtigje duke e bërë turizmin e këtyre anëve gjithëvjetor”, shkruan Rama në një postim në rrjetet sociale. Vjeshta me temperaturat e ngrohta që ka dhuruar këtë vit ka sjellë atmosferë magjike, ndërsa nuancat e ngjyrave të tokës kanë mbuluar gjithë luginën e Valbonës. Lugina e Valbonës është zona turistike më e vizituar në rrethin e Tropojës,madje nga më të vizituarat në Alpet shqiptare pas luginës së Thethit. Kjo zonë me bukuri të rralla është e preferuar jo vetëm nga turistët vendas por edhe nga turistët e huaj, të cilët parapëlqejnë të njihen edhe me zakonet apo traditat e fshatrave më veriorë të vendit. Ajo shtrihet në qendër të Alpeve Shqiptare, në rrethin Tropojës. La statusin e Parkut Nacional dhe përfshihet në një sipërfaqe prej 8.000 hektarësh. Natyra e këtij parku është e pasur me varietete të përshtatshme për turizëm, peshkim e alpinizëm. Në pjesën e brendshme të Parkut ka mjaft shpella interesante, nga të cilat dallohet Shpella e Dragobisë. Ka një klimë malore me dimër të ashpër e reshje të pasura shiu e bore dhe me temperatura të ulëta, si dhe periudha të gjata me ngrica dhe erëra. Vizitorë të shumtë të ardhur nga vende të ndryshme të botës, si dhe të tjerë të ardhur nga vise të ndryshme të vendit e Kosova, janë të pranishëm çdo ditë në pikën turistike gjithëvjetore të Valbonës, një zonë turistike që ka fituar një emër të mirë, përmes mikpritjes dhe qetësisë që ajo ofron. Udhëtimi nis përmes Drinit deri në Tropojë e më pas Valbona është vetëm 45 minuta larg. Lumi do të jetë shoqërues rruge deri në burimin e vet. Kaltërsia e Valbonës, është si e asnjë lumi tjetër. Teksa udhëton, kaltërsia e lumit të magjeps, ndërkohë në të dy krahët ngrihen malet e larta që edhe në fillim të verës vazhdojnë ti kenë majat e mbuluara me dëborë. /a.g/ Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

“Muzak’Fest” shkëlqeu me performanca të jashtëzakonshme nga artistë të mirënjohur Featured Image facebook sharing button twitter sharing button pinterest sharing button email sharing button sharethis sharing button Kryeministri Edi Rama ndau sot pamje nga nata e parë e festivalit “Muzak’Fest”, në qytetin historik të Apolonisë, që shkëlqeu me performancat e jashtëzakonshme nga artistë të mirënjohur. “Muzak’Fest shkëlqeu me performancat e jashtëzakonshme nga artistët e mirënjohur në një ndër skenat më magjepsëse siç është Parku Arkeologjik i Apolonisë, duke vazhduar eventet e turizmit kulturor”, u shpreh Rama në një postim të tij. Edicioni i parë i Muzak’Fest solli në qytetin antik hijerëndë të Apolonisë harmoni mbresëlënëse të artit dhe kulturës. Mes monumenteve që dëshmojnë histori, muzika dhe poezia u bënë një, duke shënuar fillimin e një tradite të re kulturore, kushtuar trashëgimisë

Nga: Evarist Beqiri Në fillim të shkurtit 1902, u mblodh në Paris, Kongresi i Parë i Xhonturqve ose thënë ndryshe Kongresi i Opozitës Liberale Osmane. Fotografia që po sjellim është botuar në një nga revistat e përjavshme italiane më të lexuara të kohës “L’illustrazione italiana”, më 15 shkurt 1902. Në qendër të fotografisë gjendet princi i kurorës Sabahaddin (Sabahedin) dhe në të djathtë të tij gjendet Ismail Qemal Bej Vlora. Po ashtu nga Evarist Beqiri: – “The New York Times” për arratisjen e Ismail Qemalit nga Stambolli – Forca e karakterit dhe lidershipi: Zotësia e Ismail Qemalit, si guvernator i Bejrutit Njëkohësisht po publikojmë për herë të parë artikullin për Kongresin otoman, të publikuar nga gazeta franceze “Le Bloc”, i shkruar nga Xhorxh Klemanso (Georges Benjamin Clemenceau, 1841-1929), më 22 shkurt 1902. Aty pasqyrohet edhe zgjedhja e Ismail Qemalit në Komitetin e Përhershëm. Kjo gazetë përgatitej dhe botohej asokohe nga Xhorxh Klemanso, burrështetas francez, mjek dhe gazetar, i cili më pas do të bëhej ministër dhe kryeministër i Francës. Ai ishte një nga politikanët më të rëndësishëm francez të Republikës së Tretë. Ismail Qemali kishte kultivuar një miqësi të hershme me shkrimtarin e madh francez Viktor Hygo dhe politikanin Xhorxh Klemanson, këtë fakt të rrëfyer nga goja e Ismail Qemalit, e dëshmon liriku i madh Ali Asllani, në kujtimet e tij. Ishte viti 1871, kur francezët protestonin për çështjen e Alsas-Lorenës, Ismail Qemali u ftua dhe u shoqërua nga Viktor Hygo dhe Xhorxh Klemanso në Paris, ku mori pjesë edhe në një seancë plenare të parlamentit francez. Ismail Qemali kishte spikatur në qarqet intelektuale turke edhe në ato evropiane si përkrahës i parimeve liberale. Ai përkrahte parimin e decentralizimit të Perandorisë Osmane, respektimin e të drejtave kombëtare dhe rivendosjen e kushtetutës osmane. Ismail Qemal Vlora ishte një figurë kyçe si e Lëvizjes Kombëtare Shqiptare ashtu edhe e Revolucionit të Turqve të Rinj. Ismail Qemali, së bashku me eksponentë të tjerë të Lëvizjes Kombëtare Shqiptare si Ibrahim Temo, Dervish Hima, Jashar Erebara etj., u përfshinë në lëvizjen e Turqve të Rinj (Xhonturqve), duke pasur parasysh synimin e kësaj lëvizjeje për rivendosjen e kushtetutës së vitit 1876. Ata e shikonin atë si një mundësi për të realizuar të drejtat kombëtare shqiptare. Por, për shkak se Ismail Qemali i mbeti besnik vizionit dhe ideve të tij, ai u nda me Turqit e Rinj që në kongresin e zhvilluar në Paris më 1902, pavarësisht se ai ishte edhe një prej organizatorëve të tij. Ismail Qemali pas arratisjes së tij të bujshme nga Kostandinopoja më 1 maj 1900, vazhdonte të banonte në Bruksel, ndërkohë dy djemtë e Damat Mahmudit – princi Sabahedin dhe princi Lutfullah nga familja perandorake osmane – u kthyen nga Egjipti dhe u ngulën me banim në Paris, ku dhe po bënin plane për të thirrur një kongres për të diskutuar situatën në Turqi. Ata shkuan në Bruksel, ku e takuan dhe e ftuan edhe Ismail Qemalin që të merrte pjesë në këtë kongres të liberalëve osmanë, që ishin në azil nëpër Europë. Ismail Qemali vendosi si kusht kryesor për pjesëmarrjen e tij në këtë kongres, që aty të përfaqësoheshin të gjitha etnitë e Perandorisë, në mënyrë që të formuloheshin dëshirat e të gjithë popujve. Kushtet e tij u pranuan dhe ai shkoi në Paris, ku u mbajt kongresi. Pas debatesh të gjata e të nxehta, shumica e Kongresit të Turqve të Rinj, e kryesuar nga princi Sabahedin dhe e përkrahur nga Ismail Qemali, dha pëlqimin t’u drejtohej një thirrje Fuqive për një regjim në përputhje me parimet e Kushtetutës së 1876. Ky organizim duhet të përfshinte të gjithë elementët etnikë në Turqi, duke u garantuar liri e drejtësi dhe mbrojtje të të drejtave kombëtare të tyre. Por, një ndarje e thellë u shënua lidhur me çështjen e ndërhyrjes së huaj. Grupi, i kryesuar nga filozofi Ahmed Riza, i cili këmbëngulte për një pushtet qendror të fortë, e kundërshtonte me forcë çfarëdolloj ndërhyrje të jashtme. Kështu që midis Turqve të Rinj filluan të merrnin formë dy rryma kryesore, njëra që favorizonte nacionalizmin turk dhe tjetra otomanizmin liberal. Turqit e rinj përkrahnin idenë e pushtetit të qendërzuar, ndërsa kombësitë joturke si shqiptarët dhe armenët ishin për decentralizimin e pushtetit. Ideja që përkrahte Ismail Qemali ishte dhënia e autonomisë për kombësitë joturke në perandori. Ismail Qemali mori pjesë në kongresin e xhonturqve si shqiptar dhe ai kurrë nuk u bë xhonturk. Parulla e Ismail Qemalit ishte: “As me turqit e vjetër as me turqit e rinj, por të punojmë për vatanin”. Ismail Qemali ka bashkëpunuar me xhonturqit vetëm kur kjo ishte në interes të çështjes shqiptare. Ai kishte rezervat e veta ndaj krerëve xhonturq, ashtu si edhe krerët xhonturq kishin rezervat e tyre ndaj Ismail Qemalit. Megjithatë, xhonturqit kishin nevojë për burra shteti dhe njerëz të kalibrit të Ismail Qemal Vlorës. Ata i propozuan atij kryesimin e organit të tyre më prestigjioz të shtypit, gazetës “Osmanllë”. Ai nuk e pranoi propozimin, për arsye se, siç thoshin xhonturqit, “Ismail Qemali përpara çdo gjëje mendon për Shqipërinë.”. Sejfi Vllamasi, në librin “Ballafaqime politike”, shkruan se: “Ismail Qemali, i shquar si diplomat e patriot shqiptar, dhe me një prestigj të konsiderueshëm në Shqipëri e në Turqi dhe jashtë kufijve të perandorisë, peshonte rëndë. Për këtë shkak, xhonturqit e urrenin dhe ia kishin frikën”. Ismail Qemali e shikonte bashkëpunimin me Turqit e Rinj si pjesë e luftës së përbashkët të shqiptarëve dhe turqve për vendosjen e rendit kushtetues në Perandorinë Osmane. Por, nga ana tjetër, ai kërkonte të ruante pavarësinë e Lëvizjes Kombëtare Shqiptare nga lëvizja xhonturke. Ai nuk dëshironte që shqiptarët të identifikoheshin si turq, osmanë apo myslimanë. Siç do të tregonin më pas faktet, politika dritëshkurtër dhe nacionaliste e xhonturqve, vuri në rrezik jo vetëm ekzistencën e popullit shqiptar, por edhe vetë ekzistencën e pavarur të kombit turk, i cili shpëtoi vetëm falë revolucionit të udhëhequr nga Mustafa Qemali. Ismail Qemali e shikonte vijimin e bashkëpunimit midis turqve dhe shqiptarëve në luftën e përbashkët për ta futur Turqinë në rrugën e reformimit dhe njohjes së të drejtave kombëtare dhe autonomisë për popujt brenda Perandorisë, duke u dhënë atyre autonomi sa më të gjerë në përputhje me nenin 23 të Traktatit të Berlinit. Largpamësia politike e Ismail Qemalit shfaqet edhe në letrën e datës 18 tetor 1900, nga Brukseli, ku pasqyrohen mendimet e shprehura nga Ismail Qemali lidhur me të ardhmen e Perandorisë Osmane. Pavarësisht verbërisë proverbiale të xhonturqve, Ismail Qemali e kishte kuptuar që herët rrezikun që u kanosej shqiptarëve nga shpërbërja e Perandorisë Osmane. Nuk do të kalonte asnjë dekadë dhe parashikimet e Ismail Qemalit do të bëheshin realitet. Ismail Qemali ishte një shqiptar, i cili i përkiste fesë myslimane. Si mysliman dhe anëtar i Perandorisë, ai ishte për ruajtjen e Perandorisë Osmane. Por njëkohësisht si shqiptar, ai mbështeste një qeverisje të decentralizuar, e cila do të bënte të mundur autonominë e Shqipërisë. Në grupin e xhonturqve të Ahmed Rizait, ai shikonte jo vetëm tendencën për një qeverisje të centralizuar, por edhe dëshirën për dominim të elementëve turq në Perandori. Ismail Qemali përkrahte grupin e princit Sabahedin, pasi aty shikonte mundësinë për të fituar më shumë të drejta dhe liri për shqiptarët si grup etnik. Në këtë periudhë, aktiviteti i Ismail Qemalit fokusohej njëkohësisht te rrëzimi i sulltan Abdyl Hamidit II dhe në lëvizjen kombëtare shqiptare, e cila ishte duke fituar terren gradualisht. Prandaj, ai hartoi edhe një projekt për fillimin e një revolucioni kundër sulltanit nga provinca e Tripolitanisë. Ismail Qemali përkrahte decentralizimin e thellë të Perandorisë Osmane, dhe sigurimin e të drejtave të barabarta për të gjithë nënshtetasit pa dallim kombësie dhe feje. Ismail Qemali ishte mbrujtur me konceptet liberale, prandaj e shikonte të ndërlidhur zhvillimin ekonomik të vendit me depërtimin e kapitalit të huaj. Në lëvizjen kombëtare shqiptare ai përkrahu fillimisht autonominë kulturore dhe më pas autonominë politike dhe administrative nën Perandorinë Osmane. Këtë stad Ismail Qemali e shikonte të nevojshëm për mbrojtjen dhe konsolidimin e shtetit të ri dhe si pararendës të formimit të shtetit të pavarur shqiptar. Qemali mendonte se krijimi i një shteti shqiptar të fuqishëm do të pengonte shtrirjen e mëtejshme të sllavizmit në Ballkan dhe afrimin e Rusisë në Mesdhe. Kjo doktrinë qëndronte në themel të programit politik të Ismail Qemalit dhe po ky koncept qëndron edhe sot në themelet e aleancave strategjike të shtetit shqiptar. Ismail Qemali i drejtoi sytë e shqiptarëve nga Perëndimi. Ai nuk bënte pjesë në grupin e atyre që i kishin sytë nga Lindja dhe ndiheshin më tepër myslimanë dhe turq, sesa ndiheshin shqiptarë. Ai bënte pjesë në grupin e atyre shqiptarëve që e vendosnin kombin mbi fenë dhe mundësuan krijimin e kombit shqiptar mbi tri fe të ndryshme. Ismail Qemal Vlora u përpoq që ta përmirësonte Perandorinë Osmane, së cilës i shërbeu me zell dhe i kushtoi një pjesë të mirë të jetës së tij. Në fund, Ismail Qemal Vlora veproi njësoj si baballarët e kombit dhe hartuesit e Deklaratës së Pavarësisë amerikane në vitin 1776, të cilët pavarësisht se i kishin shërbyer Perandorisë Britanike, në fund e luftuan shtypjen e padrejtë dhe e udhëhoqën kombin e tyre drejt lirisë dhe pavarësisë. Thomas Jefferson deklaronte se: “Nuk ka njeri në Perandorinë Britanike që ta dojë më shumë se unë bashkëjetesën me Britaninë e Madhe. Por, në emër të Zotit që më ka bërë, më mirë vdes sesa ta lejoj këtë bashkim me ato kushte që propozon Parlamenti Britanik; dhe në këtë rast mendoj se përfaqësoj ndjenjat e Amerikës.”. Një ide e ngjashme do të vërtitej edhe në mendjen e Ismail Qemalit, për raportet turko-shqiptare, 136-vite më pas kur ai shpalli Pavarësinë e Shqipërisë në Vlorë. /Gazeta “Panorama”/

Filmi “Malet me blerim mbuluar” shfaqet në kuadër të Vitit Mbarëkombëtar të 80-vjetorit të Çlirimit Filmi “Malet me blerim mbuluar” shfaqet në kuadër të Vitit Mbarëkombëtar të 80-vjetorit të Çlirimit “Malet me blerim mbuluar” me regji nga Dhimitër Anagnosit është një prodhim kinematografik shqiptar i vitit 1971. Ky ishte dhe filmi i radhës që u shfaq në programin e kiemasë verore pranë Drejtorisë së Përgjithshme të Arkivave (DPA). Filmi “Malet me blerim mbuluar” u shfaq për herë të parë i digjitalizuar në 4K. Kjo shfaqje vjen falë bashkëpunimit të vazhdueshëm mes DPA-së dhe Arkivit Qendror Shtetëror të Filmit (AQSHF) në kuadër të Vitit Mbarëkombëtar të 80-vjetorit të Çlirimit. “Me synimin që, duke ruajtur kthjelltësinë ndaj ngarkesës ideologjike të kinematografisë shqiptare gjatë regjimit komunist, t’i njohim të rinjtë me të shkuarën e vendit”, thuhet nga arkivi i filmit. Me regji dhe skenar nga Dhimitër Anagnosti muzika në filmin prodhim i Kinostudios është nga Limos Dizdari. Në rolet e filmit janë Timo Flloko, Viktor Zhusti, Vangjush Furxhi, Kadri Roshi, Yllka Mujo , etj. Viti ‘43. Kapua, Jahua, si dhe Peliçeli, një mjek italian, dhe Zeneli i vogël, mbajnë në një vig Lilo Laben drejt spitalit partizan. Jahua tregon gjatë rrugës dobësi të veçantë për Lilon. Grupi qëndron në shtëpinë e Safait në natën e dasmës së të birit, Birçes. Dhëndri bashkohet me partizanët. Në pranverën tjetër, Jahua dhe shokët e tij kthehen për të marrë Lilon në spital, por e gjejnë atë me këmbën e prerë. Dhimitër Anagnosti në karrierën e tij ka realizuar filma artistikë dhe dokumentarë, si dhe ka fituar mjaft çmime në konkurse të ndryshme kombëtare e ndërkombëtare.

Rita Ora mund të prezantojë MTV Europe Music Awards që pritet të mbahet në Mbretërinë e Bashkuar muajin e ardhshëm. Artistja e hitit “Hot Right Now” është në bisedime me drejtuesit e eventit për të udhëhequr ceremoninë e cila do të zhvillohet në Manchester më 10 nëntor. Ylli i muzikës ndërpreu bashkëpunimin me menaxheren e saj dhe drejtuesen e kompanisë First Access Entertainment Sarah Stennet dhe tashmë po pret për projekte të reja. Kjo nuk do të jetë hera e parë që Rita merr përsipër të drejtojë eventin pasi e realizoi detyrën e prezantueses në mënyrën më të mirë të mundshme në vitin 2017 në stadiumin Wembley. Lajmi vjen pasi këngëtarja me origjinë shqiptare është zëvendësuar nga prezantuesja e Love Island Maya Jama në emisionin “The Masked Singer”. Megjithatë, kjo lëvizje nuk u prit mirë nga shikuesit të cilët dëshironin që Rita Ora të vijonte të ishte pjesë e panelit. Rita Ora Website http://ritaora.com/ Rita Sahatçiu Ora (e lindur Rita Sahatçiu, 26 nëntor 1990) është një këngëtare dhe aktore britanike me prejardhje shqiptare. Suksesi i saj u rrit në shkurt të vitit 2012, kur ajo u paraqit me teken Hot Right Now, bashkëpunim me DJ Fresh-in, e cila arriti numrin një në Mbretërinë e Bashkuar. Albumi i parë i saj Ora, që doli në shitje në gusht të vitit 2012, arriti numrin një në Mbretërinë e Bashkuar. Albumi përmbante teket Britanike R.I.P dhe How We Do (Party). Ora ishte artistja me numrin më të madh të tekeve në listën britanike në vitin 2012, me tre teke rradhazi që arritën në pozitën më të lartë. Në janar 2014, Adidas njoftoi një bashkëpunim projektues me Ritën për markën e tyre, Adidas Originals.Gjithashtu në vitin 2014, kënga I Will Never Let You Down u rendit e katërta në Mbretërinë e Bashkuar dhe ajo u shfaq në teken "Black Widow " të Iggy Azalea, e cila arriti numrin pesë në Mbretërine e Bashkuar dhe SHBA. Në 2015, Ora u bë trajnere në serinë e katërt të The Voice UK dhe, më vonë atë vit, një gjyqtare në serinë e dymbëdhjetë të The X Factor. Albumi i dytë i saj në studio, Phoenix, doli në shitje në nëntor 2018. Tekja Your Song arriti numrin dhjetë në Britaninë e Madhe dhe teket Anywhere dhe Let You Love Me arritën numrin pesë në Mbretërinë e Bashkuar; kjo e fundit e bëri Orën artisten e parë femër britanike që të ketë gjithsej trembëdhjetë këngë të cilat kanë arritur të paktën pozicionin e dhjetë në listat e Mbretërisë së Bashkuar. Jeta e hershme Ora ka lindur në Prishtinë, në Provincën Jugosllave e Kosovës (Kosova e sotme),[4] nga prindër shqiptarë. Nëna e saj, Vera (e lindur Vera Bajraktari), është psikiatre dhe babai i saj, Besnik Sahatçiu, është ekonomist e pronar kafeneje.[5][6][7] Ora ka një vëlla më të vogël, Don, dhe një motër më të madhe, Elena, e cila është gjithashtu pjesë e ekipit të saj të menaxhimit.[8] Ajo ka lindur si Rita Sahatçiu, mbiemri rrjedh nga fjala turke saatçi që do të thotë "orëndreqës", por prindërit e saj më vonë e shtuan Ora (do të thotë "koha" në gjuhën shqipe) në mënyrë që të mund të shqiptohet lehtë. Familja e saj u largua nga Kosova për arsye politike, për shkak të persekutimit të shqiptarëve etnikë të filluar me shpërbërjen e Jugosllavisë.[10] Ata u zhvendosën në Londër, Angli në vitin 1991, kur ajo ishte njëvjecare.[5] Ajo u rrit pranë rrugës "Portobello" në Londrën Veriore dhe mori pjesë në St. Cuthbert me shkollën fillore "St Matthias" në Earls Court, pas së cilës u diplomua nga një shkollë e arteve të interpretimit, Sylvia Young School Theatre. Ajo filloi të këndojë në moshë të re. Karriera muzikore 2007-2010: Fillimet e karrierës Ora në Prishtinë, Kosovë gjatë filmimit të videoklipit "Shine Ya Light" në shtator të vitit 2012. Ora filloi të performonte në sesionet e hapura të muzikës në Londër dhe, herë pas here, në lokalin e atit të saj.[13] Në vitin 2007, Ora kishte paraqitjen e saj të parë të muzikës, kur ajo u shfaq në rrugën "Craig David" titulluar "Awkward" dhe pastaj përsëri në 2008 në Where's Your Love, duke shfaqur Tinchy Stryder. Në të dyja pjesët ajo nuk u kreditua zyrtarisht. Ajo u paraqit në dy këngë të albumit të James Morrison, Songs for You, Truths for Me, si vokaliste mbështetëse. Në vitin 2008, ajo provoi për Eurovision: Your Country Needs You për BBC pë t'u bërë garuesja britanike për Festivalin Evropian i Këngës 2009 dhe u kualifikua, por më vonë u tërhoq nga konkurrenca pas disa episodeve pasi ajo "nuk u ndie gati" dhe mendoi "ajo sfidë nuk ishte për të"[15]. Menaxheria e saj, Sarah Stennett (e cila gjithashtu punoi me Ellie Goulding, Jessie J dhe Conor Maynard), më vonë i tha HitQuarters se Ora kishte hyrë në konkurs, sepse në atë kohë ajo ndieu se ishte shansi i saj i vetëm për të gjetur sukses.[16] Stennett e siguroi atë se performanca në Eurovizion do të pengonte më shumë se sa të ndihmonte shanset e saj për ta bërë atë si një artiste solo. Më pas, Stennett-i mori në kontakt grupin amerikan (Roc Nation) dhe i foli atyre për Orën. Ajo nënshkroi një marrëveshje regjistrimi dhe një marrëveshje botuese me Roc Nation në dhjetor të vitit 2008 dhe ishte një nga sinjalet e tyre të para. Ajo u shfaq në videon e Jay-Z për Young Forever (2009) dhe videon e Drake, Over (2010). Pasi u nënshkrua, Ora regjistroi një album dhe donte ta publikonte atë, por grupi i saj e kundërshtoi atë dhe ajo filloi të punonte në materiale të tjera për albumin e saj debutues. 2011-2013: Përparime dhe Ora Rita Ora, 2012. Gjatë vitit 2011, Ora publikoi disa kovera (interpretim kënge të autorëve të tjerë) dhe video për të punuar në albumin e saj debutues në YouTube.[21] Videot tërhoqën vëmendjen e DJ Fresh-it, i cili në atë kohë po kërkonte një vokaliste femër për këngën e tij Hot Right Now. [22] Ora u paraqit më 12 shkurt 2012, duke debutuar në numrin një në listën e tekeve në Mbretërinë e Bashkuar.[23] Gjatë muajit shkurt 2012, Ora hapte koncertet e Mbretërisë së Bashkuar në turin "Drake's Club Paradise Tour". Kënga e saj e parë, veçmas nga albumi i saj debutues, "R.I.P." (duke shfaqur Tinie Tempah), u lëshua më 6 maj 2012. [24] Prodhuar nga Chase & Status, kënga debutoi në krye të listës së tekeve në Mbretërine e BashkuarMë 12 gusht 2012, How We Do (Party) u lirua dhe u rendit e para në Mbretëri të Bashkuar dhe Irlandë. Ishte numri i dytë në Mbretërinë e Bashkuar si një artist solo dhe i treti në vitin 2012. Ndërsa mbështeste Coldplay në Mylo Xyloto Tour, ajo më vonë njoftoi se albumi i saj debutues do të titullohej Ora. Albumi u lëshua më 27 gusht 2012 në Evropë dhe Oqeani, dhe debutoi në krye të listës së albumeve në Mbretërinë e Bashkuar.[1] Ora u propozua për Artistin më të Mirë të Ri, Artisti i Artë dhe Akti më i Mirë në Mbretërinë e Bashkuar / Irlandë në MTV Europe Music Awards 2012. Në shtator 2012, u njoftua se Ora do të ishte akti i hapjes në koncertet e Mbretërisë së Bashkuar nga Euphoria Tour e Usherit që do të fillonte në janar 2012. Përfundimisht, turneu u shty për shkak të angazhimeve profesionale dhe personale të Usherit. Nga 23 deri në 30 tetor 2012, Ora filloi turneun e saj të parë, Ora Tour, një turne minikoncertesh në SHBA. Shine Ya Light, e lëshuar më 4 nëntor 2012, u rendit e katërta nga teket e Orës që kanë arritur të paktën pozicionin e dhjetë në listat e Mbretërisë së Bashkuar. Më 28 nëntor 2012, Ora u ftua si mysafire speciale në koncertin e mbajtur në Tiranë, Shqipëri për 100-Vjetorin e Pavarësisë.[31] Ora filloi turneun e saj të parë në Mbretërinë e Bashkuar, Radioactive Tour, në janar të vitit 2013, për të mbështetur albumin e saj debutues. Ajo u emërua për tri çmime në Brit Awards 2013, duke përfshirë Brit Award for British Breakthrough Act. Ndarja nga Roc Nation dhe projektet të reja Rita Ora duke kënduar në mars 2013. Në janar 2013, Ora njoftoi se albumi i saj i dytë do të ishte më i qartë dhe do të kishte më shumë drejtim se sa i pari Më 26 shkurt 2013, ajo njoftoi në Digital Spy se albumi i saj i dytë tregon një kënd të ndryshëm për një "vajzë të partive". Më 24 maj 2013, Ora ishte kryeakti në "New Music We Trust" në BBC Big Weekend i Radio 1.[36] Më 28 qershor 2013, Ora u paraqit në Fazën e Piramidës në Glastonbury Më 18 maj 2014, kënga I Will Never Let You Down debutoi në numrin një në listën e Mbretërisë së Bashkuar. Në korrik të vitit 2014, Ora u paraqit me titullin "Black Widow", një bashkëpunim me Iggy Azalea, e cila arriti numrin katër në Britani të Madhe dhe u bë kënga e parë e Orës e cila hyri në listën Billboard Hot 100, duke arritur numrin tre Më 14 dhjetor 2014, Ora u shfaq në emisionin televiziv Christmas in Washington, filmuar në Muzeun e Ndërtimit Kombëtar. Më 22 shkurt 2015, në 87th Academy Awards, ajo realizoi këngën Grateful të nominuar për Akademinë, e cila shfaqet në filmin Beyond the Lights Më 28 qershor 2015, Ora lëshoi ​​këngën Poison, e cila debutoi në numrin tre në listën e Mbretërisë së Bashkuar. Në dhjetor 2015, Ora ngriti një padi kundër Rock Nation, duke kërkuar lirimin nga kompania dhe duke cituar se kontrata që ajo nënshkroi në 2008 ishte "e pazbatueshme", për shkak të "rregullit shtatëvjeçar" të Kalifornisë. Ankimimi pohonte se ajo "lejohet të lëshojë një album pavarësisht krijimit të dokumenteve të shumta shtesë për lirimin" dhe se marrëdhënia e saj me Roc Nation-in ishte "e dëmtuar në mënyrë të pakthyeshme".[42][43] Ankimimi i saj gjithashtu vuri në dukje një shkelje të kontratës, duke raportuar se Roc Nation-i shkeli marrëveshjen e regjistrimit duke marrë një komision prej njëzet përqind të të ardhurave të saj.[44] Në janar të vitit 2016, Roc Nation-i ngriti një kundërpadi kundër Orës për shkeljen e kontratës së regjistrimit në Nju Jork.[45] Ata arritën një zgjidhje në maj 2016. Në qershor të vitit 2016, u raportua se ajo nënshkroi një marrëveshje të re rregjistrimi me Atlantic Records-in Më 3 shtator 2016, ajo u shfaq në një koncert në Bazilikën e Shën Palit jashtë mureve, në Romë, në vigjilje për kanonizimin e Nënë Terezës, së bashku me artistë të tjerë shqiptarë, të shoqëruar nga Orkestra Filarmonike e Kosovës. Phoenix Më 26 maj 2017, Ora lëshoi ​​këngën e saj të parë teke në pothuajse dy vjet, e titulluar Your Song, e cila arriti numrin shtatë në Mbretërinë e Bashkuar. Kënga shërbeu si krye-teke nga albumi i dytë në studio të Orës, pasi përpjekjet e mëparshme në regjistrimin e saj të dytë humbën në padinë e saj kundër etiketës Roc Nation.Ora u shfaq në Big Weekend të BBC Radio-s më 28 maj 2017. Në tetor të 2017, Ora lëshoi teken e dytë Anywhere e cila arriti numrin dy duke u bërë e njëmbëdhjeta nga këngët e saj të cilat kanë arritur të paktën pozicionin e dhjetë në listat e Mbretërisë së Bashkuar.]. Në janar 2018, Liam Payne dhe Ora lëshuan këngën For You, nga fonogramja e filmit Fifty Shades Freed, në të cilën Ora merr pjesë si aktore.[54] Në maj, Ora lëshoi këngën, "Girls", duke shfaqur vetëm këngëtare femra, Cardi B, Charli XCX dhe Bebe Rexha. Më 18 shtator 2018, Ora njoftoi se albumi i saj i dytë në studio do të titullohej Phoenix dhe u lëshua më 23 nëntor. Më 21 shtator, ajo lëshoi teken e katërt të albumit, Let You Love Me.[55] Kënga arriti numrin katër në Britani të Madhe, duke u bërë e trembëdhjeta nga këngët e saj të cilat kanë arritur të paktën pozicionin e dhjetë në listat e Mbretërisë së Bashkuar, duke thyer kështu një rekord prej 30 vjetësh për shumicën e 10 këngëve të para nga një artist solo femër britanik (të mbajtur më parë së bashku nga Shirley Bassey dhe Petula Clark).[3] Më 29 tetor, ajo njoftoi datat e turneut për albumin në Evropë, Azi dhe Oqeani nga 1 marsi deri më 29 maj 2019.[56] Ndërmarrje të tjera Aktrimi Shfaqja në një episod të serialit dramatik britanik, The Brief, ishte roli i saj i parë televiziv, në moshën 13-vjeçare. Pak kohë më pas, ajo u shfaq në filmin britanik, Spivs (2004), duke luajtur si një emigrante shqiptare dhe duke folur shqip në të gjithë filmin.[57] Në 2013-ën, Ora u shfaq si një yll mysafir në 90210, si dhe u shfaq si një thirrës gare në filmin Fast & Furious 6. [57] Në prill të vitit 2014, Ora u shfaq bashkë me yllin pop të Koresë, Hyuna, në një episod të Funny or Die të quajtur "Girl, You Walk Better" Në 2015, ajo luajti motrën e Christian Grey-it, Mia, në adaptimin e filmit – romanin e ndarjes, Pesëdhjetë hije të Grey-it.[59][60] Ora fillimisht iu afrua prodhimit duke shpresuar të kontribuonte në fonogramin e filmit dhe në vend të kësaj u kërkua të provonte për rolin e Mia Gray-it nga drejtori i filmit, Sam Taylor-Johnson.[61][62] Ajo përsëriti rolin e saj si Mia në dy vazhdimet e filmit. Përkrahjet Në vitin 2010, Ora u paraqit në një fushatë komerciale për kufjet Skullcandy.[63] Ajo, po ashtu, u shfaq në dy fushata te Calvin Klein, në 2010 dhe 2011.[64][65] Në vitin 2013, ajo ishte fytyra e markës italiane sneaker, Superga, dhe fytyra e re e "Material Girl", një linjë veshjesh e projektuar nga Madonna.[66] Në shtator 2013, marka kozmetike, Rimmel, njoftoi bashkëpunimin e tyre me Orën për koleksionet e grimcave.[67][68] Ajo ishte fytyra e dy koleksioneve të Donna Karan 2014, mbledhjes së Resortit dhe koleksionit të vjeshtës / dimrit.] Ajo është gjithashtu fytyra e aromës së etiketës, DKNY My NY, e frymëzuar nga New York City.[72] Në mars të vitit 2014, Ora ishte një nga anëtarët e përzgjedhur të fushatës "Zonja Kryesuese" e Marks & Spencer-it.Më vonë në vitin 2014, ajo u shfaq si fytyra e fushatës së Vjeshtës / Dimrit Roberto Cavalli. Në vitin 2015, ajo u shfaq në fushatat reklamuese të Coca-Cola-s dhe Samsung Galaxy S6. Pergatiti Dr. Liliana Pere

Trupi i njeriut. 1: numri i eshtrave: 206 2: numri i muskujve: 639 3: numri i veshkave: 2 4: numri i dhëmbëve të qumështit: 20 5: numri i brinjëve: 24 (12 par) 6: numri i dhomës së zemrës: 4 7: arteria më e madhe: aorta 8: presioni normal i gjakut: 120/80 mmhg 9: Gjaku Ph: 7.4 10: numri i rruazave në shpinë: 33 11: numri i rruazave në qafë: 7 12: numri i eshtrave në veshin e mesëm: 6 13: numri i eshtrave në fytyrë: 14 14: numri i eshtrave në kafkë: 22 15: numri i eshtrave në gjoks: 25 16: numri i eshtrave në krahët e saj: 6 17: numri i muskujve në krahun e njeriut: 72 18: numri i bombave në zemër: 2 19: organi më i madh: lëkure 20: gjëndër më e madhe: mëlçi 21: qelizë më e madhe: vezë femër 22: qeliza më e vogël: spermatozoon 23: kockë më e vogël: kllapa e veshit të mesëm 24: organ i parë i transplantuar: Rene 25: gjatësia e mesme e zorrëve të holla: 7 M 26: gjatësia mesatare e zorrëve të mëdha: 1.5 m 27: pesha mesatare e foshnjës së porsalindur: 3 kg 28: norma e rrahjes në një minutë: 72 herë 29: temperatura normale e trupit: 37 C ° (98.4 F °) 30: vëllimi mesatar i gjakut: 4 deri në 5 litra 31: jetëgjatësia e qelizave të kuqe të gjakut: 120 ditë 32: jetëgjatësia e qelizave të bardha të gjakut: 10 deri në 15 ditë 33: periudha e shtatëzënësisë: 280 ditë (40 javë) 34: numri i kockave në këmbë njerëzore: 33 35: numri i eshtrave në secilën dore: 8 36: numri i eshtrave në dorë: 27 37: gjëndër më e madhe endokrine: tiroide 38: organ më i madh limfatik: shpretkë 40: kockë më e madhe dhe më e fortë: femuri 41: muskul më i vogël: Stapedius (veshi i mesëm) 41: numri kromozom: 46 (23 par) 42: numri i eshtrave fëmija i porsalindur: 306 43: viskoziteti i gjakut: 4.5 deri 5.5 44: grupi i gjakut të dhuruesve universal: o 45: grupi gjaku i marrësit universal: AB 46: qelizë kryesore e bardhë e gjakut: monocitet 47: qelizë e bardhë e gjakut më e vogël: limfocitet 48: Rritja e numrit të qelizave të kuqe të gjakut quhet: polycythemia 49: banka e gjakut në trup është: shpretka 50: lumi i jetës quhet: gjaku 51: Niveli normal i kolesterolit në gjak: 100 mg / DL 52: pjesë e lëngshme e gjakut është: plazma Një makinë e projektuar në mënyrë të përkryer që ju lejon të shijoni këtë aventurë të quajtur jetë. Kujdesuni për veten. Mos e dëmtoni me vese dhe teprime.

A do të mundet udhëtimi supersonik për pasagjerët të bëhet sërish një realitet i përditshëm? Një aeroplan për udhëtimin e pasagjerëve i kompanisë amerikane Boom Supersonic mund të arrijë një ditë të zëvendësojë aeroplanin supersonik Concorde, që u tërhoq nga tregu. https://www.zeriamerikes.com/a/7775410.html Aeroplani Concorde bëri fluturimin e tij të fundit në nëntor 2003. Ky avion për udhëtimin e pasagjerëve ishte një revolucion për aviacionin, duke e përshkuar distancën mes dy anëve të Atlantikut me shpejtësi dy herë më të madhe se shpejtësia e zërit dhe duke e përgjysmuar kohën e udhëtimit krahasuar me avionët e tjerë të linjave ajrore. Por për shkak të kërkesës së ulët, çmimeve të larta të biletave dhe një aksidenti në vitin 2000, avioni u nxor nga përdorimi nga dy kompanitë ajrore Air France dhe British Airways. Tashmë pas gati dy dekadash nga fluturimi i fundit i avionit Concorde, firma amerikane Boom Supersonic thotë se ka ardhur koha për të rikthyer udhëtimin ajror supersonik. Me avionin e tyre “Overture”, kompania synon të arrijë shpejtësi prej 1.7 Mach, me deri në 80 pasagjerë në bord dhe distanca mbi 6800 kilometra. “Avioni Concorde ishte vërtet arritje për vitet 1960, madje shumë i avancuar për atë kohë. Por problemi i madh ishte çmimi i shtrenjtë i udhëtimit. 20 mijë dollarë për një biletë nuk është një çmim i arsyeshëm. Por 60 vite më vonë, ne tashmë kemi materiale më të mira, aerodinamikë më të mirë, motorë më efikasë; të gjitha pjesët elektronike janë bërë më të lehta dhe më të mira. Kështu që mund të ndërtojmë një avion supersonik të gjeneratës së re që është me kosto më të arsyeshme dhe që mund të bëjë më shumë fluturime”, thotë Blake Scholl, drejtor ekzekutiv në kompaninë “Boom Supersonic”. Në Panairin Ndërkombëtar të Aviacionit 2024, kompania paraqiti kabinën e re për pilotët, si dhe njoftoi përparim në lidhje me motorin supersonik për avionin e ri “Overture”. Ndër opsionet e reja është realiteti i shtuar, që u ofron pilotëve fushëpamje të plotë, pa patur nevojë për uljen e majës së avionit, siç veprohej me avionin Concorde. Ka gjithashtu ekranë të mëdhenj me prekje dhe paisje më të thjeshta kontrolli. “Kemi arritur progres për motorin supersonik, të quajtur ‘Symphony’. Po bëjmë provat për motorin dhe synojmë të fillojmë prodhimin e gjerë pas 18 muajsh. Kemi marrë që tani porosi për blerje të avionit ‘Overture’, nga kompani si United Airlines, American Airlines, Japan Airlines. Kur bisedojmë me pasagjerët, nga të gjithë dëgjojmë se dëshirojnë fluturime më të shpejta. Pra avionët supersonikë do të jenë thelbësorë për të gjitha linjat ajrore”, thotë zoti Scholl. Analisti i aviacionit, Paul Beaver udhëtoi me avionin Concorde në vitin 2000 dhe është optimist për të ardhmen e një avioni të ri supersonik për udhëtimin e pasagjerëve. Ai thotë se do të jetë ndër të parët që do të provojë këtë lloj fluturimi, por se gjithçka do të varet nga ekonomia dhe se sa tërheqës për tregun do të jetë ky lloj udhëtimi. “E kuptoj se pati shumë njerëz që donin të fluturonin me avionin Concorde, nga Londra për në Nju Jork, pasi aty gjendet paraja. Janë njerëz që e vlerësojnë kohën e tyre dhe janë të gatshëm të paguajnë shuma të mëdha. Janë po ata që blejnë avionë privatë Gulfstream dhe që mund të duan të udhëtojnë me avionin supersonik, pasi koha për ta është para. Pra është një treg disi i veçantë dhe do të jetë interesante të shohim nëse kompania Boom dhe avioni Overture do t’ia dalin në këtë treg”, thotë zoti Beaver. Projekti për avionin supersonik ‘Overture’ u paraqit gjatë panairit Ndërkombëtar të aviacionit në Farnborough, të Anglisë dhe ishte i disponueshëm për vizitorët gjatë periudhës 22-26 korrik. Kompania synon që ky avion të futet në përdorim deri në vitin 2029.