Search Results

Gruaja, e cila qëndron në qendër të këtij materiali, është një figurë kyçe që kontribuoi në krijimin dhe zhvillimin e Televizionit Shqiptar, duke shquar veten si një simbol i mundësive të pafundme dhe i forca e padukshme që ndihmon në ndërtimin e një kombi më të fortë dhe më të bashkuar.  Me zërin e saj që thyen heshtjen dhe ndërthur pasionin me profesionalizmin, ajo ka ndihmuar për të sjellë lajmet dhe kulturën në çdo shtëpi, kudo dhe kurdo. ANgjelina Xhara Në këtë historik të televizionit, emra si Angjelina Xhara dhe Zerina Barbullushi shfaqen si yje që shndrisnin në errësirën e transmetimeve të para. Si pioniere në këtë fushë, ato shkruan një kapitull të paharrueshëm, duke e bërë zërin e gruas të dëgjohet për herë të parë në ekran e vogel televiziv, duke e shtuar bukurinë dhe dinjitetin e çdo transmetimi. Angjelina, me vokalin e saj të qartë e të fortë, u bë një portë lidhëse mes Shqipërisë së viteve70 të dhe habisë së shqiptarëve që shikoj n në shtëpitë e tyre ,kinemane… Një ëndërr magjike…e pabesueshme, si kjo e internetit të sotem që lidh shqiptarin në Tiranë dhe atë në Boston… Duke ardhur direkt në fillimin e mijëvjeçarit të trete…kjo kineaste do të guxonte të bënte filmin e pare autor, jashte shtetit, në Melburn dhe Sidnei, që në vitin 1991, ku u ndodh si …pikpyetje…në Australi, sic e thotë vetë ajo në një nga poezitë e saj. U çudit ajo në kontaktin e vërtetë me Botën e madhe kapitaliste, që e kishte anatemuar me lajmet standarte propogandistike ne regjimin komunist… Ajo munt te rrinte pergjithmone aty…Por frika e ktheu pas, se nuk Munt të tradhtonte familjen e madhe nga kish dalë dhe familjen e vogel qe kishte krijuar vetë, me përkushtim të madh,si çdo nënë shqiptare .. Ajo ka zgjedhur gjithmonë rrugën më të vështirë për të çarë në jetë. Karakteri i saj i fortë është treguar në katër punë paralele në emigracionin në Athinë. Ajo diti, e lidhur ngushtë me të afërmit e saj,të mbijetojë në kushte të vështira dhe të ndjehet mirë në emigracion e kudo në botë ku e çoi profesioni i saj si kineaste. Pikërisht këtë udhëtim të bukur si krijuese emigrante, duam të nënvizojmë në këtë shkrim për të… Kur e pyes si ke xhiruar nga Zyrihu, në Piana Albanesi, në Amerike , apo si ke mbledhur emigrante shqiptare për të kuvenduar me filmin e saj në ekran nga Gjeneva në Shaperton apo nga Athina në Strugë e Shkup, ajo përgjigjet… Familja Është misioni im, profesioni im, që ma dha Atdheu im dhe unë dua tja shpërblej, se këtë punë di t'a bëj me përkushtim e dashuri të madhe. Dhe ja po rreshtojme më poshtë listën e filmave, që ka realizuar gjatë dekadave të fundit, duke pasur parzmoren e vetme, punën e bashkpunimin me koleget e saj, që nuk i treguan shpinën, por e ftuan që asnjëherë të mos heqë dorë nga krijimtaria që zbukuron dhe ndrit mendjen e njerzve . 1. Na mungonin ju.. Australi , regji, skenar, kamera,spiker 2. Zogjtë shtegtarë...       Zvicër Skenar, regji.operator Bujar Kore. 3. I epistrofei stin Redina.       Greqi  kamera, skenari Angjelina Regjia Kolec Traboini  4. Lirike shpirti për poeten shqiptaro amerikane, Iliriana Sulkuqi. Skenari kamera Angjelina Regji K .Traboini  Premiera në Amerike. Premiera ne Tirane dhe Elbasan. 6.Pak diell edhe per ne...skenari regjia kamera…Angjelina Shfaqur në Rtsh 7 Poeti Nase  Jani Greqi, Shqiperi  Skenari , regjia , kamera Angjelina Producent Skender Jace. Premiera në Tirane dhe vlerësuar me cmim. 8. Te prekesh një enderr.  Film dhuratë nga Angjelina per Piana degli Albanesi.Sicili. Film autor.  Premiera në Gjeneve dhe Siçili  9.Malli i emigrantit Regjia Angjelina eTraboini  kamera Angjelina Premierà në Prishtinë, ku i nominua me cmim. Këto filma jane pa' sponsorizim, të realizuara krahas punës si emigrante por duke vazhduar me përkushtim profesionin e vjeter e te adhuruar te kineastes. Ne këtë punë Kinaesja e njohur Angjelina Xhara PAPALILO , eshte e vetmja qe lufton me pasion dhe e pandalur në punën e saj edhe kur guxon e mbështetur veç në xhepin e thjeshtë modest te saj. Por ajo ka realizuar dokumentare me vlera kombëtare, si skenariste edhe me sponsorizim nga Ministria e Kultures dhe Bashkia e Tiranes, si më poshte 10 Vatra e Shqiptarëve te Amerikes Regjisor Ilia Terpini Premiera në Millenium  Tiranë dhe Amerike 11.Margarita... Regjisor Kujtim Gjonaj Premiera ne Teatrin Kombëtar 12. Skenderbeu i pagjume. Skenari dhe Bashkregjisore me Bujar Koren Premiera, Muzeu Kombëtar, Budapest në Ambasade dhe  në Athinee Piana egli albanesi ne Sicili  13.Rilindadi i fundit, Josif Bageri.Angjelina eshte Skenariste se bashku me Miradie Maliqi. Regjisor Kujtim Gjonaj. Premiera Tiranë e Prishtinë. 14 Tashko, Koco*love story shqiptar, si skenariste me Regjisor  Mjeshtrin, Ylli Pepo. Premiera Tirane, Korce dhe Paris. 15 Esma pertej kënges, për këngëtaren e madhe nga Maqedonia, Retzenoven. Sponsorizim nga Gjermania. Si skenariste me regjisor Mihal Ciko. 16.Atje larg, në fund te botes. Për emigrantet në Argjentine. Angjelina si skenariste Regjisor Mihal Ciko. Angjelina Xhara PAPALILO është shembull frymëzues për figurën e vërtetë te gruas krijuese të pandalshme jo vetëm si kineaste, por edhe si poete e shkrimtare. Intervista te shumta ka me emrin e saj në faqet e gazetave kryesore të Shqiperise Ajo intervistohet në pothuaj  të gjitha kanalet kryesore televizive  Shqipëri e Kosove, Melburn dhe Itali deri Tv Alba Amerikë, ku është shfaqur filmi për Skënderbeun me bashkregjisor  Bujar Koren, veteranin e Televizionit Shqiptar. Televizion i Shkupit, i beri  asaj dhuratë ne 70 vjetorin e lindjes., dokumentarin për krijimtarinë si poete. AShQF krijoi një dokumentar për Angjelinen në 60 vjetorin e lindjes me fragmente nga filmat më të vlerësuar të saj gjatë punës në Kinostudjo, ku ka krijuar mbi 50 filma, dhe ka marrë çmime në festivale filmi, ose duke përfaqësuar denjësisht Shqiperine me filmat e shfaqur bote. Porta e Athines shfaqi premiere  dokumentarin për Skënderbeun duke i dhënë vlerësim të veçantë Mirënjohjeje., sic u dekoroi me çmim nga Shtëpia Botuese Toena dhe Onufri, per romanin e saj te pare, Enigma, me temë nga emigracioni. Ambasada e Shqipërisë në Athinë e Ka shpallur Angjelina  Xhara Papalilo si Histori suksesi. Angjelina eshte nderuar nga Albania Ekselence nga F Nikolla Cmimin e madh te karierës, mes shqiptarëve të Parisit,që shijuan me shpirt dokumentarin e saj te suksesshem, Tashko Koço, një love story shqiptar, duke bashkëpunuar me regjisorin Mjeshtër, Ylli Pepo. Ajo është vërtetë Ambasadore e Paqes Universale, duke e mbajtur lart këtë emër, tash 18 vjet më parë… Vjet mbushi 75 vjet dhe nuk i erdhi asnjë kujtesë zyrtare përveç përgëzimet e shumta familjare e Shoqërore. Por ajo është e bekuar nga Qielli. Një grua kurajoze e gatshme për te shtuar pozitivitetin në familje e shoqeri. Tashmë e kthyer nga emigracioni ka  me shume se 4 vjet qe promovon vlera krijuese te miqve te saj me xhirime dhe promovime te përgjegjshme dhe shumë të mbështetur për rrethi i saj shoqeror. Ajo këmbëngul se moshat e vjetra duhet të kthehen për të jetuar dy ditë të bardha në trojet e te pareve. Shqiperia turistike tani ka marrë një vlerë plus kombëtare e nderkombetare për shqiptarët. Në dhe të huaj mbetesh i huaj, në shumë kuptime… Dhe  na vijnë në ndihmë fjalët e Çajupit, poetit të madh..       Ku është balta me e embel se mjalta…     Ne Shqiperi.. Besimi të Zoti, të Drejtësia dhe e verteta jane çelsat kryesore në duart e  e mendjen e saj ,qe gurgullon si muzike.. Ajo ka këtë mesazh… Le të bashkohemi me besë e kokëulur, pa fjalë shumë,si tek ai vallëzimi me kostumet kombëtare të të gjitha krahinave,  në pikturën e famshme të Abdurrahim Buzes , Vallja kosovare e shqiptare. Ajo përgatitet të bëjë Premiere me ftesë të Ambasadores se Shqipërisë në Athine Z.Luela Hajdaraga të filmit të Çiftit Tashko Koço, por edhe të çiftit Kubatis nga Salamina ku profesoresha nga Shqiperia mbeshtet bashkshortin e saj Dino Kubatis, në veprimtarinë artistike edhe per Shqipërinë. I urojmë shëndet e fatbardhsi në çdo hap qe bën, për te përhapur kulture, art e qytetari evropiane. Do të shkruaj e bej filma … thotë me sy të qeshur Angjelina. Kjo është adrenalina e jetës sime, sa ma kà bere kësmet Zoti… Ti lëmë,  të fortë e të zotë, pas nesh, brezat e rinj, që sigurisht, janë me të mirë se ne… Pergatiti: Liljana Pere

Viola Kaloutsi është vërtet një grua e jashtëzakonshme, e cila me forcën dhe vizionin e saj ka arritur të lërë gjurmë kudo ku ka vepruar. Ajo mishëron vlerat më të mira të një lidere të suksesshme dhe një humanisteje të përkushtuar, duke ndihmuar jo vetëm shqiptarët në diasporë, por edhe komunitete të tjera në nevojë. Mirësia dhe drita që rrezaton, së bashku me përkushtimin e saj të palodhur, e bëjnë atë një figurë inspiruese dhe një model për shumë gra dhe të rinj. Është bukur të shohësh se si ajo vazhdon të japë kontributin e saj në kaq shumë fusha, duke ruajtur gjithmonë një shpirt të hapur dhe një qëndrim të përulur. Respekti dhe admirimi që ka fituar janë të merituara! Viola Kaloutsi – Profil i zgjeruar Viola Kaloutsi është një figurë e spikatur e diasporës shqiptare në Kanada, e njohur për kontributin e saj në fushën e emigracionit, biznesit dhe aktivizmit social. Ajo është një grua e mençur, paqësore dhe punëtore, e cila ka ndihmuar shumë shqiptarë në procesin e integrimit dhe zhvillimit jashtë vendit. Me një përvojë të pasur profesionale dhe një shpirt filantropik, Viola ka luajtur një rol kyç në lidhjen e diasporës shqiptare me atdheun. *** Arsimi dhe Formimi Profesional Viola Kaloutsi emigroi në Kanada në vitin 1988, ku vazhdoi studimet e saj në Toronto School of Business, në degën e Turizmit.  Pas përfundimit të këtij cikli, ajo e pasuroi më tej formimin e saj akademik duke studiuar në degën e Së Drejtës për Emigracionin, një fushë në të cilën do të ndërtonte një karrierë të suksesshme. --- Eksperienca Profesionale dhe Biznesi Me një vizion të qartë dhe një frymë sipërmarrëse, Viola Kaloutsi nisi aktivitetin e saj në Kanada duke themeluar: ✅ Në vitin 1996, hapi "Travel Agency Northern International", e para agjenci shqiptare e udhëtimeve në Kanada, duke shërbyer si një urë lidhëse mes emigrantëve shqiptarë dhe atdheut. ✅ Në vitin 2002, themeloi "TIS Immigration Canada", një organizatë që sot ka 16 degë nëpër botë dhe ndihmon emigrantët e rinj në Kanada. Përmes këtij institucioni, Viola ka ndihmuar mijëra njerëz të realizojnë ëndrrën e tyre për një jetë të re në Amerikën e Veriut. --- Kontributi në Diasporë dhe Shoqërinë Shqiptare Viola Kaloutsi nuk është vetëm një sipërmarrëse e suksesshme, por edhe një aktiviste e palodhur në ndihmë të komunitetit shqiptar në Kanada dhe më gjerë. Ajo ka qenë një nga zërat më të fuqishëm për ruajtjen e identitetit kombëtar dhe forcimin e lidhjeve mes diasporës dhe Shqipërisë.  Roli në organizatat shqiptare: Aktiviste e hershme e Shoqatës së Bashkësisë Shqiptaro-Kanadeze të Torontos Anëtare e Shoqatës së Ekselencës Shqiptare në Toronto Anëtare e RH Scholarship, një fond që mbështet talentet e rinj shqiptarë Pjesë e Dhomës së Biznesit të Diasporës Shqiptare Aktiviste në Agjencinë Kombëtare të Diasporës në Tiranë Pjesëmarrëse në Global i Bizneseve të Diasporës Shqiptare, një rrjet global i sipërmarrësve shqiptarë në botë Roli i saj si koordinatore në Dhomën e Biznesit të Diasporës Shqiptare Me kontributin e saj të madh në themelimin dhe zhvillimin e Dhomës së Biznesit të Diasporës Shqiptare, ajo është emëruar si Koordinatore për Kanadanë, një rol që synon të forcojë lidhjet mes sipërmarrësve shqiptarë në Kanada dhe atdheut.  Kontributi i saj humanitar dhe ndërkombëtar Viola ka shtrirë aktivitetin e saj përtej komunitetit shqiptar, duke ndihmuar njerëz në nevojë edhe në vende të tjera. Ajo ka qenë e përfshirë në projekte humanitare në Kenia, ku ka bashkëpunuar me organizatën "Ne jemi Çamëria" për të ndihmuar komunitete të varfra. --- Vlerësimet dhe Çmimet Për angazhimin dhe kontributin e saj të jashtëzakonshëm, Viola Kaloutsi është vlerësuar me disa çmime prestigjioze: 🏆 "Inspiration Woman Award 2020", nga fondi RH Scholarship në Kanada, si një grua frymëzuese në diasporë 🏆 Vlerësime të tjera për kontributin e saj në çështjet shqiptare dhe forcimin e komunitetit shqiptar në Kanada --- Një grua me vizion dhe zemër të madhe Viola Kaloutsi është një shembull i shkëlqyer i fuqisë dhe suksesit të gruas shqiptare në diasporë. Me një qasje paqësore dhe një përkushtim të madh ndaj punës, ajo ka ndërtuar një rrjet të fuqishëm mbështetjeje për emigrantët shqiptarë, duke ndihmuar ata të gjejnë mundësi më të mira jetese dhe integrimi në Kanada. Ajo është një grua e mençur, punëtore dhe vizionare, e cila ka dëshmuar se suksesi arrihet me përkushtim dhe dashuri për komunitetin. Përmes përpjekjeve të saj, ajo vazhdon të frymëzojë gjenerata të reja të diasporës shqiptare dhe të krijojë ura bashkëpunimi mes Shqipërisë dhe botës. Pergatiti: Liliana Pere.

Women of Year Star Prestige 2025 Gratë e Vitit – Yje Prestigji 🌟 Revista Prestige nderon gratë e shquara të këtij viti me motivacionin: "Për formimin e shkëlqyer, punë këmbëngulëse dhe profesionalizëm të lartë. Të paepura përballë sfidave, udhërrëfyese të dijes dhe kulturës, promotorë të zhvillimit." Një urim i veçantë për 8 Marsin – Ditën e Grave Të dashura gra, nëna, motra, vajza, udhëheqëse, artiste, shkencëtare, mjeke, mësuese dhe profesioniste të çdo fushe! Në këtë 8 Mars, Revista Prestige me respekt dhe mirënjohje ndaj grave të jashtëzakonshme , që çdo ditë sfidoni kufijtë, thyeni barriera dhe frymëzoni breza të tërë me punën dhe përkushtimin tuaj. Ju jeni zemra e familjes dhe drita e shoqërisë, duke sjellë ndryshim e zhvillim në çdo hap që hidhni. Në mjekësi, jeni engjëjt e bardhë që me diturinë dhe humanizmin tuaj shpëtoni jetë dhe përmirësoni shëndetin e mijëra njerëzve. Në arsim dhe shkencë, me vizionin tuaj formoni mendjet e reja dhe kontribuoni në përparimin e dijes. Në drejtësi dhe politikë, jeni zëri i fuqisë dhe barazisë, duke sjellë një shoqëri më të drejtë e më të ndërgjegjshme. Në ekonomi dhe biznes, ndërtoni ide të mëdha, krijoni mundësi dhe i jepni vendit zhvillim e stabilitet. Në art, kulturë dhe muzikë, sillni ndjenjë, emocion dhe bukuri, duke lënë gjurmë të pavdekshme në histori. Në diasporë, jeni ura që lidh Shqipërinë me botën, duke e përfaqësuar me dinjitet dhe krenari kudo që ndodheni. Dhe mbi të gjitha, në çdo rol që mbani – si nëna, motra, mike apo bashkëpunëtore – jeni forca që na udhëzon me dashuri, mençuri dhe përkushtim të pashoq. çdo ditë është për t’ju falënderuar dhe për të nderuar kontributin tuaj të jashtëzakonshëm në çdo fushë të jetës. Le të jetë ky 8 Mars një kujtesë e fuqisë suaj të jashtëzakonshme, e guximit tuaj për të ndryshuar botën dhe e ndikimit tuaj të madh në shoqëri! Festa e gruas – dita e forcës, mençurisë dhe shpirtit të pamposhtur! --- 1. Anila Hyka – Inxhiniere informatike e talentuar, kryetare e Këshillit të Diasporës. 👉 Për lidershipin e saj të spikatur në diasporë, vizionin për zhvillimin e komunitetit dhe kontributin në fushën e teknologjisë. 2. Anila Hoda – Profesore në universitet, studiuese e gjenetikës, punon në Akademinë e Shkencave. 👉 Për hulumtimet e saj të thelluara në gjenetikë dhe kontributin e vyer në avancimin e shkencave biologjike. 3. Shefkije Islamaj – Profesore, albanologe dhe studiuese shkencore. 👉 Për kontributin e jashtëzakonshëm në studimet albanologjike dhe ruajtjen e identitetit gjuhësor shqiptar. 4. Feride Rushiti – Mjeke, aktiviste për të drejtat e fëmijëve dhe grave, e propozuar për Çmimin Nobel. 👉 Për guximin dhe përkushtimin në mbrojtjen e të drejtave të njeriut dhe kujdesin ndaj grave dhe fëmijëve në nevojë. 5. Aurela Anastasi – Profesore në Fakultetin e Drejtësisë, studiuese shkencore. 👉 Për kontributin e saj akademik dhe përkushtimin ndaj zhvillimit të jurisprudencës shqiptare. 6. Enkeleda Olldashi – Profesore në Fakultetin Juridik, studiuese. 👉 Për rolin e saj në formimin e brezave të rinj të juristëve dhe kontributin në të drejtën bashkëkohore. 7. Edlira Cepani – Juriste dhe aktiviste e shquar për barazinë në vendimmarrje. 👉 Për punën e palodhur në fuqizimin e grave dhe promovimin e barazisë gjinore. 8. Prof. Alma Cani – Drejtore e Spitalit "Nënë Tereza", profesore në Universitetin e Mjekësisë. 👉 Për lidershipin dhe angazhimin e saj në përmirësimin e shëndetësisë shqiptare. 9. Tea Haxhillari – Eksperte biznesi, aktiviste e shquar për kulturën në komunitet. 👉 Për kontributin në promovimin e kulturës shqiptare dhe mbështetjen ndaj të rinjve me bursa studimi. 10. Luela Hajdaraga – Ambasadore e Shqipërisë në Greqi. 👉 Për diplomacinë e saj të urtë, vizionin modern dhe përfaqësimin dinjitoz të Shqipërisë jashtë vendit. 11. Prof. Kozeta Sevrani – Fakulteti Ekonomik, Shefe e Departamentit të Statistikës dhe Ekonomisë Informatike. 👉 Për punën akademike dhe përfshirjen në politikat ekonomike, e propozuar për presidente të Republikës. 12. Prof. Mimoza Kore – Profesore e Gjuhës Shqipe, studiuese në albanologji. 👉 Për përkushtimin në ruajtjen dhe zhvillimin e gjuhës dhe letërsisë shqipe. 13. Prof. Majlinda Çafka – Kardiologe dhe pedagoge në Universitetin e Mjekësisë. 👉 Për kontributin e saj të çmuar në fushën e mjekësisë dhe kërkimin shkencor në kardiologji. 14. Prof. Monika Fida – Spitali "Nënë Tereza", profesore në Universitetin e Mjekësisë. 👉 Për angazhimin e saj në avancimin e shëndetësisë dhe studimet e saj të thelluara shkencore. 15. Ermira Kola – Shefe e Pediatrisë, profesore në Universitetin e Mjekësisë. 👉 Për përkushtimin e saj në kujdesin ndaj fëmijëve dhe zhvillimin e pediatrisë në Shqipëri. 16. Viola Kaloutsi – Presidente e TIS Immigration, koordinatore për Diasporën. 👉 Për lidershipin e saj të spikatur dhe mbështetjen ndaj shqiptarëve në diasporë. 17. Marjana Leka – Soprano e mirënjohur, pedagoge në Fakultetin e Arteve. 👉 Për talentin dhe përkushtimin e saj në muzikën operistike shqiptare. 18. Enxhi Nini – Violinist i famshëm, debuton me sukses në skenat botërore. 👉 Për mjeshtërinë dhe pasionin e tij në violinë, duke përfaqësuar Shqipërinë në arenën ndërkombëtare. 19. Alketa Muzhaqi – Piktore e talentuar, mësuese në SHBA. 👉 Për artin e saj unik dhe përkushtimin në edukimin artistik. 20. Dr. Ruki Kondaj – Farmaciste, aktiviste në diasporën shqiptare. 👉 Për kontributin në shëndetësi dhe mbështetjen e komunitetit shqiptar jashtë vendit. 21. Teuta Haxhillari – Inxhiniere, businesswoman dhe aktiviste në komunitetin shqiptaro-kanadez. 👉 Për suksesin e saj në biznes dhe kontributin në diasporë. 22. Evis Gega Dodi – Violinist i talentuar, profesor dhe drejtor fondacioni. 👉 Për promovimin e muzikës klasike dhe përkushtimin ndaj brezave të rinj të artistëve. 23. Enada Hoxha – Primabalerinë, yll i skenës shqiptare. 👉 Për mjeshtërinë dhe pasionin e saj në balet, duke e ngritur artin në një nivel të lartë. 24. Ismete Selmanaj Leba – Inxhiniere, shkrimtare e famshme. 👉 Për librat e saj, të cilët janë pjesë e programeve universitare në Itali. 25. Angjelina Xhara – Regjisore dhe skenariste e talentuar. 👉 Për vizionin dhe kreativitetin e saj në kinematografi. 26. Anila Hoxha Gjermeni – Soprano e talentuar, e suksesshme në Itali. 👉 Për vokalin e saj të jashtëzakonshëm dhe suksesin në skenën operistike ndërkombëtare. 27. Marsela Papa – Pedagoge në Institutin Kulinar Neranxi, aktiviste e shquar. 👉 Për promovimin e artit kulinar dhe përkushtimin në edukimin e të rinjve. 28. Marjana Eski – Artiste dhe piktore e talentuar. 👉 Për krijimtarinë e saj unike dhe kontributin në artin shqiptar. 29. Valentina Hysi – Shkrimtare dhe skenariste e talentuar. 👉 Për letërsinë e saj të pasur dhe kontributin në kinematografinë shqiptare. 🌟 Urime të gjitha grave të nderuara për kontributin e tyre të jashtëzakonshëm! Pergatiti: Dr. Liliana Pere

Ismete Selmanaj Leba është një shkrimtare e cila ka lënë gjurmë të thella në letërsinë bashkëkohore, duke ndarë me lexuesit e saj histori të pasura me emocione dhe reflektime të thella mbi jetën, shoqërinë dhe historinë. Me një edukim inxhinierik dhe një pasion të thellë për shkrimin, ajo ka arritur të bashkojë me mjeshtëri dy botë të dukshme të ndryshme, duke e përdorur shkrimin si një mjet për të shpalosur përvoja të jetuara dhe mendime të vërteta mbi ndryshimet shoqërore dhe personale. Nëpërmjet romanësh të fuqishme si “Kokat e dy lejlekëve të purpurt” dhe “Gjembi dhe trëndafilat”, Ismete na sjell një univers të pasur me figura letrare dhe ngjarje që ngërthejnë brenda tyre tema të rëndësishme si identiteti, humbja dhe ripërtëritja. Ajo tregon me ndjeshmëri dhe kujdes të veçantë historitë e njerëzve të thjeshtë, duke i mbajtur ato të gjalla dhe të prekshme për çdo lexues. Me penën e saj të mprehtë, ajo është bërë një zë i rëndësishëm i diasporës shqiptare dhe një ndihmëse për të kuptuar realitetin e ndryshimeve të mëdha që kanë prekur shoqërinë shqiptare. Ismete Selmanaj Leba është një shkrimtare që nuk heziton të ndriçojë rrugët e pasigurta të historisë dhe të njohurive njerëzore, duke e shtruar çdo temë me ndjeshmëri dhe guxim. Të lexosh veprat e saj është të kalosh në një udhëtim ku ndihesh i lidhur me botën që ajo përshkruan – një botë e mbushur me shpresë, por edhe me hije të thella të së kaluarës. Ismete Selmanaj Leba është një shkrimtare dhe gazetare shqiptare e njohur për kontributin e saj në letërsinë bashkëkohore në gjuhën shqipe dhe italiane. Ajo ka lindur në Durrës dhe ka kaluar fazat e para arsimore në këtë qytet, duke përfunduar shkollën e mesme në Durrës (në gjimnazin “Naim Frashëri”). Më pas, u diplomua në vitin 1991 në Fakultetin e Inxhinierisë së Ndërtimit të Universitetit të Tiranës. Që nga viti 1992, Ismete jeton në Itali, ku ka kombinuar pasionin e saj për inxhinierinë me atë të letërsisë. Ajo punon si shkrimtare, gazetare dhe përkthyese, duke trajtuar tema të ndryshme sociale, kulturore dhe historike, siç janë çështjet e migracionit, të drejtat e njeriut dhe trashëgimia kulturore shqiptare. Nëpërmjet veprave të saj, ajo sjell në pah përvojat personale dhe kolektive, duke u fokusuar shpesh në sfidat e kohës së diktaturës komuniste në Shqipëri dhe pasojat e saj në jetën e njerëzve. Në repertorin e saj letrar, Ismete Selmanaj Leba ka botuar vepra në të dyja gjuhët: Në gjuhën shqipe: “Gjembi dhe trëndafilat” – Dudaj, 2013. “Kokat e dy lejlekëve të purpurt” – Dudaj, 2014 Në gjuhën italiane: “Verginità Rapite” (Virgjëri të rrëmbyera) - Bonfirraro Editore, prill 2015;  “I bambini non hanno mai colpe”(Fëmijët nuk kanë faj asnjëherë) Bonfirraro Editore, prill 2016;  “Due volte stranieri”(Dy herë të huaj) - Besa Editrice, shkurt 2019; “Presunzione di Colpevolezza”(Prezumim i fajësisë) - Calibano Editore, mars 2021; “Amoreterapia”(Terapia e dashurisë) - Besa Editrice, shtator 2021; “Il Traduttore” (Përkthyesi) – Bertoni Editore, shkurt 2025;   Me shtëpinë botuese “Edizioni SEB27” (Torino 2016) në Konkursin Letrar Kombëtar “Gjuha e Nënës”  ka publikuar tregimin “L’amore Dentro i Bunker” (Dashuri brenda bunkerëve).  Tregimi “Tutto, tranne il piacere”(Gjithçka, përveç kënaqësisë) - Edizioni SEB27,  bën pjesë në Antologjinë e vitit 2019. Në qershor 2022, tregimi “Mani” (Duar) publikohet në librin “Donne d’Albania in Italia- - Riflessioni, Testimonianze, Emozioni”(Gra të Shqipërisë në Itali- Reflektime, Dëshmi, Emocione)   Në aspektin profesional, Ismete është vlerësuar me një sere çmimesh ndërkombëtare. Librat “I bambini non hanno mai colpe”( Fëmijët nuk kanë faj asnjëherë ) e “Verginità Rapite”(Virgjëri të rrëmbyera), janë pjesë e kurrikulës Universitare në Fakultetin e Letërsisë dhe Filozofisë të Palermos. Parathëniet e të dy romaneve janë shkruar nga Profesori arbëresh Matteo Mandalà i Universitetit të Palermos.   Në vitin 2016, 2017 e 2018, romanet “I bambini non hanno mai colpe”( Fëmijët nuk kanë faj asnjëherë )  e “Verginità Rapite”( Virgjëri të rrëmbyera)  u përzgjodhën si test leximi në dhjetëra shkolla të Italisë sipas projektit Libriamoci - Giornate di Lettura Nelle Scuole( Ditët e Leximit në Shkolla)  e promovuar nga Ministria e Kulturës italiane.   Shtator 2016, akorduar nga deputetja dhe njëkohësisht kryetare e Bashkisë së Caprileone-s, Bernardette Grasso, Pllaka së Nderit me motivacionin:    “Zonjës Ismete Selmanaj Leba  me vlerësim të lartë për veprat e realizuara  dhe sukseset e arritura” Në vitin 2017 romani “Verginità Rapite” (Virgjëri të rrëmbyera) u përzgjodh si finalist në Premio Letterario Giornalistico Piersanti Mattarella (Çmimi Letrar Gazetar Piersanti Mattarella) në nderim të vëllait të Presidentit të Republikës italiane Sergio Mattarella, i vrarë nga mafia.  Qershor 2018, nderohet nga Organizata Ndërkombëtare “Albania Women in the World” me Çmimin  “Élite e Gruas Shqiptare në Botë”. Dhjetor 2018, Çmimi i Publikut nga Fondacioni Harpa me Motivacionin:  “ Përfaqësuese e denjë e zërit të autorëve shqiptarë në Itali. Vlerat e saj krijuese janë bërë pjesë e programeve shkollore në vendin fqinj”   Korrik 2019: Booktrailer-i në gjuhën angleze i librit  “I bambini non hanno mai colpe” (Fëmijët nuk kanë faj asnjëherë) u klasifikua në vendin e dytë në konkursin “Teacher of the XXI Century”, i organizuar nga Mari State University në Russi. Trileri “I Bambini non hanno mai colpe”(Fëmijët nuk kanë faj asnjëherë) ka fituar Çmimin Absolut Holmes Awards 2019 Shtator 2019, Etnabook - Festivali Ndërkombëtar i Librit dhe Kulturës,  Çmimi Sicilia për romanin “Verginità Rapite”(Virgjëri të rrëmbyera) “Due volte stranieri” (Dy herë të huaj)  është përzgjedhur si tekst leximi në dhjetëra shkolla tetëvjeçare dhe të mesme të Sicilisë. Tetor 2019, historia e jetës së saj publikohet në një nga revistat më të njohura në Itali në rubrikën “Donne coraggiose” (Gra me kurajë) e të përjavshmes “F” - Cairo Editore.   Dhjetor 2019, Konkursi Melagrana – Città di Caserta, romani “Verginità Rapite” (Virgjëri të vjedhura) fitoi vendin e dytë. Mars 2020, Çmimi i parë  për librin “I bambini non hanno mai colpe”(Fëmijët nuk kanë faj asnjëherë) në Konkursi Letrar Ndërkombëtar “Të bashkuar për legalitetin”.   Korrik 2020, në Konkursin Letrar “Tre ngjyra për një film”,  librat  “I bambini non hanno mai colpe”(Fëmijët nuk kanë faj asnjëherë)  e “Verginità Rapite”, (Virgjëri të vjedhura) u përzgjodhën si dy nga 200 librat më të bukur në Itali.   Shtator 2020, Konkursi Ndërkombëtar  Books For Peace, Çmimi  i parë për romanin “Due volte stranieri”(Dy herë të huaj) Gusht 2021, nderohet me Çmimin “Mondo Donna” (Bota e Gruas) për letërsinë në edicionin e tetë, organizuar nga Bashkia  e Capo d'Orlando-s në bashkëpunim me Akademinë e Muzikës, kushtuar grave që ato dallohen veçanërisht në ambientin e punës, në kulturë, në sport dhe në angazhimin social. Janar 2022, Citim i veçantë në konkursin “Ëndrra për një botë më të mirë” në Edicionin e 2-të të Konkursit Letrar Emanuele Ghidini për librin “Fëmijët nuk kanë faj asnjëherë”. Maj 2022, Federata Universale e Paqes e nderon me Çmimin e lartë “Ambasadore e Paqes”. Maj  2022, romani "Dy herë të huaj" nderohet me  Çmimin  e dytë në Konkursin Letrar Gazetar Piersanti Mattarella.  Qershor 2022, Çmimi i Parë në rubrikën “Zërat nga Bota”, Konkursi Ndërkontinental të Artit Letrar për librin “Presunzione di colpevolezza” (Prezumim i fajësisë). Qershor 2022, vendi i tretë për librin “Presunzione di colpevolezza” (Prezumim i fajësisë) në Edicionin IV të Çmimit Artistik Letrar Antonio Rosmini. Shtator 2022, Citim i veçantë në Çmimin e Kazinosë së Sanremo-s për romanin "Dy herë të huajt"   Mars 2023,  Konkursi Winning Book, libri “Presunzione di colpevolezza” (Prezumim i fajësisë) finalist me Citim të veçantë në Seksionin Detective. Lugano, Zvicër, Prill 2023, Çmimi i Parë Absolut në Seksionin Ese/Roman për  librin “Dy herë të huaj”, në Konkursin letrar Veritas Splendor.  Maj 2023, akorduar nga deputetja dhe njëkohësisht kryebashkiakja Bernardette Grasso e Caprileone-s, qytetit ku ajo banon me familjen, Mirënjohje Publike me një Pllakë së Nderit me motivacionin:  “Zonjës Ismete Selmanaj Leba për impenjimin e lartë dhe kontributin e vyer letrar Prej shatorit  2019 bashkëpunon me gazetën Indelebili dhe nga janari i 2020 me redaksinë letrare Sdiario.com , duke përçuar me fjalë histori dhe analiza që prekin thellë shoqërinë dhe kulturën. Nga janari i vitit 2021, është anëtare e Jurisë së Konkursit Letrar Ndërkombëtar “Të bashkuar për legalitetin” dhe e Çmimit Kombëtar të Poezisë “Nino Ferraù”. Nga maji i 2018-të është anëtare e Organizatës Ndërkombëtare të Grave FIDAPA në seksionin e Capo d'Orlando-s. Anëtare ekzekutive e këtij seksioni që nga nëntori 2019 dhe Sekretare Ekzekutive 2021/2023. Gjithashtu ka përkthyer disa vepra letrare të botuara në Itali nga autorë shqiptarë dhe është përkthyese në Gjykatën e Messina-s.  Sa i përket jetës familjare, informacionet specifike mbi familjen e saj nuk janë detajuar gjerësisht në burimet kryesore, por ajo njihet si një figurë aktive dhe e respektuar në komunitetin e diasporës shqiptare në Itali. Është nënë e tre djemve që po shkëlqejnë në rrugëtimin e tyre shkollor dhe universitar. Selmanaj është një figurë e rëndësishme letrare dhe kulturore, e cila, me sfondin e saj inxhinierik, ka shfrytëzuar përvojat jetësore dhe historinë personale për të krijuar vepra që ngjallin mendime, emocion dhe reflektime mbi realitetet sociale dhe historike të kohës moderne. Përgatiti:Liliana Pere

Anila Hyka Smørgrav është shembulli i një profesionisteje të palodhur, një lidereje të qëndrueshme dhe një gruaje me integritet të lartë, një zë i spikatur në teknologji dhe një figurë me ndikim në diasporën shqiptare. Ajo beson në fuqinë e teknologjisë dhe inovacionit për të krijuar një botë më të drejtë dhe më të barabartë. Për të, suksesi nuk matet vetëm me arritjet profesionale, por me ndikimin që ka në jetën e të tjerëve. E lindur më 5 shtator 1966, ajo ka ndërtuar një rrugëtim të jashtëzakonshëm me një karrierë të pasur mbi 25 vjet, që përshin inovacionin, sigurinë kibernetike dhe zhvillimin e strategjive për ndërmarjet më të mëdha ndërkombëtare. Nga auditorët e Universitetit të Tiranës, ajo ka avancuar drejt qendrave më prestigjioze të teknologjisë në Norvegji, Silicon Valley, Paris dhe Gjenevë. Eksperienca e saj e pasur në transformimin dixhital dhe strategjitë e inovacionit e ka bërë një drejtuese te sukseshme të projekteve komplekse për korporata ndërkombëtare, duke ndihmuar bizneset të përshaten me epokën dixhitale. Me një pasion të lindur për teknologjinë, Anila u diplomua në Informatikë pranë Fakultetit të Shkencave të Natyrës në Tiranë dhe që në fillesat e saj profesionale nisi të jepte kontributin si pedagoge në Fakultetin Ekonomik. Talenti dhe vendosmëria e saj i hapën dyert për një bursë prestigjioze në Universitetin e Oslos, ku u specializua në Master Shkenca Kompjuterike, duke marrë pjesë në zhvillime të avancuara teknologjike. Më tej, ajo plotësoi njohuritë e saj duke ndjekur një Executive MBA në ESCP Europe, që i dha mundësinë e kapitalizimit të  ekspertizën në teknologji me një qasje të thellë strategjike në biznes. Me një qasje strategjike dhe një vizion të qartë, Anila nuk është thjesht një eksperte e teknologjisë, por një ndërlidhëse mes inovacionit, kulturës dhe zhvillimit shoqëror. E ardhmja dixhitale është tashmë realitet, dhe ajo punon për ta bërë atë gjithëpërfshirëse, të sigurt dhe të aksesueshme për të gjithët, me qëllim që të jetë model frymëzimi për gratë dhe të rinjtë që aspirojnë një karrierë në STEM. Përmes angazhimit në Women in Tech, UN Femme dhe mentorimin e të rinjve, ajo vijon të mbështesë brezin e ri dhe të thyejë barrierat gjinore në industrinë teknologjike. Si Ambasadore e "Women in Technology Albania", ajo ka udhëhequr iniciativa që synojnë rritjen e përfaqësimit të grave në teknologji dhe ka qenë një folëse e shquar në konferenca ndërkombëtare si "Diaspora Flet", "Nano Technology" dhe "Digital Nomads". Anila nuk është vetëm një profesioniste e shkëlqyer, por edhe një avokate e palodhur e komunitetit shqiptar në Diasporë. Që nga viti 1992, kur u përfshi në Komitetin e Helsinkit në Oslo, ajo ka mbetur një zë i fuqishëm për të drejtat dhe integrimin e Diasporës. Si anëtare e Këshillit Koordinues të Diasporës pranë qeverisë shqiptare dhe drejtuese e Bordit të organizatës Germin, ajo ka dhënë një kontribut të jashtëzakonshëm në fuqizimin e rolit të Diasporës në zhvillimin e Shqipërisë një nga realizimet e saj është roli kyç në mundësimin e votës së diasporës për zgjedhjet e majit 2025, duke siguruar një proces transparent dhe gjithëpërfshirës. Përkushtimi dhe impakti i Anilës janë vlerësuar me disa çmime të rëndësishme: "Ambasadori i Kombit"  nga qeveria shqiptare, për angazhimin e saj në promovimin e Diasporës dhe përfaqësimin e Shqipërisë në arenën ndërkombëtare. Çmimi "Zonjat që bëjnë Shqipërinë" , një vlerësim për kontributin e saj të vazhdueshëm në përmirësimin e shoqërisë shqiptare. Ambasadore në Francë për organizatën "Women in Technology Albania" , duke dëshmuar përkushtimin e saj për fuqizimin e grave në fushën e teknologjisë. Me vendosmërinë, vizionin dhe integritetin e saj, ajo vazhdon të frymëzojë breza të rinj dhe të ndërtojë ura bashkëpunimi mes Diasporës dhe Shqipërisë, duke lënë gjurmë të pashlyeshme në botën e teknologjisë dhe përtej  Intervista me Anila Hyka Smørgrav  Le ta njohim më teper Anilen nëpërmjet intervistes: Origjina dhe Fëmijëria  Mund të na tregoni për vendlindjen dhe kujtimet tuaja të hershme?  Kam lindur dhe jam rritur në Shqipëri, në një familje që vlerësonte edukimin dhe kulturën. Që fëmijë, kisha prirje për shkencat ekzakte dhe teknologjinë, duke u angazhuar në olimpiada shkollore. Librat dhe diskutimet mbi shkencën ishin pjesë e pandarë e fëmijërisë sime, me një frymëzim të veçantë nga jeta e Marie Curie. Si ndikuan vlerat familjare dhe kultura shqiptare në zhvillimin tuaj ? Familja më edukoi me parime si puna e palodhur, ndershmëria dhe respekti. Besimi se suksesi arrihet me mund dhe se kontributi ndaj shoqërisë është i domosdoshëm, ka qenë thelbësor në rrugëtimin tim profesional dhe social. Arsimi dhe Zhvillimi Profesional Cilat ishin sfidat dhe arritjet tuaja gjatë shkollimit në Shqipëri? Në një periudhë me kufizime teknologjike dhe akses të kufizuar në literaturën ndërkombëtare, sfidat u kthyen në nxitës për zhvillimin tim akademik dhe profesional. Këto vështirësi më mësuan të kultivoj pavarësinë intelektuale dhe të eksploroj metoda alternative të të nxënit. Studimet në Informatikë në Fakultetin e Shkencave të Natyrës, të ndjekura nga angazhimi im si pedagoge e jashtme në Fakultetin Ekonomik të Universitetit të Tiranës, ishin hapa të rëndësishëm që konsoliduan bazën time akademike dhe më hapën horizonte të reja. Një moment kyç në karrierën time ishte fitimi i bursës në Universitetin e Oslos në vitin 1992, një mundësi e jashtëzakonshme që më ekspozoi ndaj teknologjive më të avancuara dhe metodave moderne të mësimdhënies si dhe nje shoqëri që e kishte mirëperqafuar zhvillimin teknologjik në pothuaj cdo aspekt ekonomiko shoqëror te vendit. Flasim per vitet 90.    Çfarë ju motivoi të ndiqnit një karrierë në teknologji dhe telekomunikacion? Ne tenkologji ka qëne ekspozimi me nje fushe te re ne Shqiperi sic ishte Informatika e përdorimi i kompjuterit, që ishte komplet fushe e panjohur. Ndersa angazhimi në korporatën norvegjeze Telenor më bëri të kuptoja rolin jetik të telekomunikacionit në lidhjen e njerëzve dhe modernizimin e shërbimeve. Dëshira për dixhitalizimin e bizneseve dhe shërbimeve publike më shtyu të thelloja njohuritë në menaxhim dhe strategji, duke ndjekur një Executive MBA. Largimi nga Shqipëria dhe Integrimi Ndërkombëtar Çfarë ju shtyu të largoheshit nga Shqipëria?  Dëshira për të avancuar akademikisht dhe profesionalisht në një mjedis më të zhvilluar ishte shtytësja kryesore si dhe kushtet në fillim të viteve ’90, ku Shqipëria po përjetonte një tranzicion të vështirë. Bursa për studime në Institutin e Informatikës prane Universitetit të Oslo më dha mundësinë të thelloja njohuritë në Shkenca Kompjuterike dhe të ekspozohesha ndaj teknologjive më moderne. Ky ishte një hap vendimtar në karrierën time pasi do pasonte me krijimin e familjes dhe experiencat profesionale ne Telenor (telekomi norvegjes) Si ishte përvoja e integrimit në një mjedis të ri?  Fillimet ishin sfiduese për shkak të ndryshimeve kulturore, por sistemi meritokratik norvegjez më ndihmoi të adaptohem. Angazhimi im në organizata si Komiteti i Helsinkit dhe ANA (Aid Norway Albania) forcoi lidhjen me Shqipërinë dhe më dha perspektivë mbi rolin e diasporës. Franca ofroi një eksperiencë të re me sfida të ndryshme profesionale dhe kulturore. Puna në kompani të mëdha ndërkombëtare ndihmoi në krijimin e rrjeteve dhe angazhimin në projekte globale. 3. Karriera Profesionale dhe Transformimi Dixhital Eksperienca në San Francisco në vitet 2000 më dha mundësinë të punoj në një mjedis dinamik, ku teknologjia dhe biznesi bashkëveprojnë për të krijuar transformime të mëdha. Silicon Valley më ndihmoi të kuptoj rëndësinë e ekosistemeve të inovacionit dhe modeleve të reja të biznesit. Më pas, në Paris dhe Gjenevë, menaxhova projekte të transformimit dixhital për kompani ndërkombëtare, duke zhvilluar strategji inovative dhe ndihmuar organizatat të përshtaten me epokën dixhitale. Në Orange Business, një nga liderët globalë në telekomunikacion dhe IT, kam mbuluar fushat nga infrastruktura teknologjike deri te optimizimi i proceseve të biznesit dhe siguria kibernetike.Për të thelluar këtë ekspertizë, përfundova një Executive MBA  në ESCP Europe , duke konsoliduar aftësitë në menaxhim, strategji dhe lidership. Transformimi dixhital nuk është vetëm teknologji, por një ndryshim kulturor dhe organizativ. Integrimi i AI-së, automatizimi i proceseve, shërbimet cloud dhe analiza e të dhënave janë thelbësore për të krijuar organizata fleksibile dhe të përgatitura për të ardhmen. Si e shihni zhvillimin e transformimit dixhital në Shqipëri dhe rajon? Shqipëria ka bërë përparime të mëdha në dixhitalizimin e shërbimeve publike dhe modernizimin e administratës, duke rritur transparencën dhe eficiencën. Megjithatë, sfidat vijojnë në sigurinë kibernetike dhe në krijimin e bashkëpunimeve efektive midis sektorëve.  Në rajon, Kosova ka arritur një zhvillim më të avancuar në këtë drejtim, duke investuar më herët dhe më intensivisht në transformimin dixhital. Bazuar në përvojën time të punës dhe angazhimit në Kosovë për çështjet e diasporës, kam vërejtur se dixhitalizimi atje është integruar më shpejt në shërbimet publike dhe infrastrukturën teknologjike. Për Shqipërinë, ky progres mund të shërbejë si një shembull për të përshpejtuar dhe përmirësuar procesin.  Për të maksimizuar përfitimet e dixhitalizimit, është thelbësore të forcohet bashkëpunimi mes qeverisë, sektorit privat dhe akademisë, duke nxitur inovacionin dhe zhvillimin e start-up-eve. Investimi në edukimin teknologjik dhe aftësitë digjitale të të rinjve do të ndihmojë në fuqizimin e kapitalit njerëzor dhe përgatitjen për tregun global të punës.   Për një dixhitalizim të qëndrueshëm, Shqipëria duhet të ndërtojë një strategji afatgjatë, duke kombinuar teknologjitë më të fundit me një infrastrukturë të sigurt dhe inovative. Vetem kështu vendi mund të bëhet një model rajonal i suksesit në transformimin dixhital. Jeta familjare dhe balancimi profesional  Si e menaxhoni balancën midis angazhimeve profesionale dhe jetës familjare?  Organizimi i mirë dhe vendosja e prioriteteve janë kyçe. Pavarësisht sfidave të një karriere në teknologji, angazhimi në sport dhe aktivitete sociale më ndihmon të ruaj ekuilibrin. Në familje kemi ndërtuar një ambient të pasur me vlera kulturore dhe respekt reciprok, ndërsa përfshirja në komunitete dhe projekte me ndikim social më ka dhënë një kënaqësi të veçantë, duke më mundësuar të mbaj një lidhje të fortë me vlerat dhe rrënjët e mia. Cilat janë disa nga vlerat kryesore që përpiqeni të përcillni në familje? Në familjen tonë, vlerat kryesore janë puna e ndershme, përkushtimi ndaj edukimit dhe ruajtja e identitetit origjinës, pasi te dy vijmë nga vende përvoja te ndryshme kulturore. Një nga arritjet që më bën krenare është fakti që bashkëshorti im, me origjinë franko-norvegjeze, jo vetëm që ka vlerësuar kulturën dhe gjuhën shqipe, por e ka mësuar aq mirë sa mund të komunikojë dhe ta shkruajë rrjedhshëm. Kjo pasqyron harmoninë dhe respektin reciprok që kemi ndërtuar.  Përpiqem të jem gjithmonë e pranishme për familjen dhe të ruaj lidhjen me komunitetin shqiptar jashtë vendit. Ky ekuilibër më jep energjinë dhe motivimin për të vazhduar rrugëtimin tim profesional me përkushtim të plotë. 7. Eksperienca në Francë dhe Roli i Diasporës Si ka qenë përvoja juaj e përgjithshme e integrimit në shoqërinë franceze? Franca është vendi i artit, filozofisë dhe një sensi të rafinuar të estetikës në çdo aspekt të jetës—nga arkitektura e rrugëve të Parisit deri te mënyra se si ndërtohen marrëdhëniet profesionale. Integrimi nuk ishte i menjëhershëm, pasi rrjetet e njohjeve dhe diplomimi nga shkollat elitare luajnë një rol të madh në suksesin profesional. Nëse Norvegjia më mësoi rregullin dhe meritokracinë skandinave, dhe SHBA më dha shpejtësinë e një bote të hapur dhe fleksibile, Franca më priti me një kulturë më të nuancuar, ku eleganca e traditës bashkëjeton me një strukturë profesionale më të mbyllur dhe burokratike. Megjithatë, ishte pikërisht kjo sfidë që më shtyu të depërtoja në këtë sistem dhe të ndërtoja një hapësirë timen brenda tij. Cilat kanë qenë disa nga sfidat kryesore që keni hasur gjatë këtij procesi? Në një vend ku lidhjet sociale dhe tradita luajnë një rol kyç, ishte e nevojshme të krijoja rrjete profesionale dhe të fitoja besimin e kolegëve. Përvoja ime në Orange Business , një nga kompanitë më të mëdha të telekomunikacionit në Evropë, më dha mundësinë të përfshihesha në projekte ndërkombëtare dhe të punoja për tre vite në Zvicër, duke ndërtuar ura mes eksperiencës sime në Norvegji, SHBA dhe Francë. Si ka ndikuar kjo përvojë në angazhimin tuaj me komunitetin shqiptar? Pikërisht në Francë, angazhimi im me diasporën shqiptare mori një dimension të ri. Duke drejtuar shoqatën Albania  dhe më pas angazhimi nË Maison de l’Albanie , e cila sot është një qendër e përhershme kulturore për shqiptarët në Paris, kam punuar për të forcuar lidhjet mes diasporës dhe Shqipërisë, për të promovuar kulturën dhe për të mbështetur të rinjtë shqiptarë në integrimin e tyre në këtë mjedis të sofistikuar, por sfidues.   8. Roli i Shoqatës "Albania" dhe Komunitetit Shqiptar Si Presidente e Shoqatës Albania , kam punuar për të promovuar kulturën shqiptare dhe për të lehtësuar integrimin e diasporës në Francë. Nëpërmjet aktiviteteve kulturore, artistike dhe edukative, kemi krijuar hapësira ku shqiptarët mund të ruajnë identitetin e tyre dhe të ndërtojnë ura me shoqërinë franceze. Nga ky angazhim lindi ideja për të forcuar rrjetin e studentëve dhe të rinjve profesionistë, një iniciativë që sot është shndërruar në një strukturë të mirëorganizuar, duke tërhequr çdo ditë talente të reja dhe duke krijuar një komunitet të lidhur dhe mbështetës për brezin e ardhshëm të profesionistëve shqiptarë në Francë. 10. . Angazhimi me Diasporën dhe Votimi i Diasporës Si e shihni angazhimin e diasporës shqiptare?   Duke punuar me organizata si "Albania", Germin, "Maison de l'Albanie", Illyrian Brain dhe Këshillin Koordinues të Diasporës, kam kuptuar fuqinë e rrjetëzimit dhe bashkëpunimit ndërkombëtar për fuqizimin e komunitetit shqiptar jashtë vendit. Përvoja me Implementimin e Votës së Diasporës Për vite, diaspora shqiptare ishte e privuar nga e drejta e votës, pavarësisht kontributit të saj të madh ekonomik dhe shoqëror. Kjo mungesë përfaqësimi më motivoi të angazhohem për ndryshimin e këtij realiteti.  Si anëtare e Këshillit Koordinues të Diasporës , që nga viti 2020 kam punuar për mundësimin e votës së diasporës, në bashkëpunim me KQZ-në, aktorë politikë dhe ekspertë të teknologjisë . Sfida kryesore ishte krijimi i një sistemi të sigurt, të aksesueshëm dhe transparent, duke eliminuar pengesat burokratike dhe teknike. Kam marrë pjesë në diskutime institucionale, analiza teknike dhe fushata ndërgjegjësimi për të informuar shqiptarët jashtë vendit mbi të drejtën e tyre për të votuar. Zgjedhjet e majit 2025 shënojnë votimin e parë të diasporës, një moment historik për përfaqësimin e saj.   Ky proces duhet të forcohet dhe të bëhet një standard për të gjitha zgjedhjet e ardhshme. Prioritet mbetet garantimi i transparencës, sigurisë kibernetike dhe një procesi të besueshëm , duke siguruar që diaspora të luajë një rol më aktiv në zhvillimin politik dhe ekonomik të Shqipërisë. 11. Roli i Gruas në Teknologji dhe Shoqëri Pavarësisht përparimeve, përfaqësimi i grave në teknologji mbetet i ulët, i kufizuar nga stereotipet gjinore, mungesa e modeleve frymëzuese dhe mbështetja e kufizuar institucionale. Për të ndryshuar këtë realitet, nevojiten politika dhe iniciativa edukative që inkurajojnë më shumë vajzat të ndjekin karriera në STEM. Përmes angazhimit tim në Orange Fondation, Women in Tech, Germin, UnFemme France  dhe konferenca ndërkombëtare, kam promovuar barazinë gjinore dhe inkurajuar gratë e reja të shohin teknologjinë si një mundësi karriere. Mentorimi dhe krijimi i rrjeteve mbështetëse janë kyçe për t’i ndihmuar ato të hyjnë dhe të avancojnë në këtë industri. Teknologjia nuk duhet të mbetet një fushë e dominuar nga burrat, por një hapësirë gjithëpërfshirëse. Këshilla ime për gratë: jini të guximshme, ndiqni pasionin tuaj dhe sfidoni çdo pengesë. E ardhmja është dixhitale dhe gratë duhet të jenë pjesë aktive e këtij transformimi. 12. Promovimi i Edukimit Teknologjik për të Rinjtë Si ka ndikuar iniciativa “Super Coders”? Super Coders  është një iniciativë inovative që u mundëson fëmijëve të eksplorojnë botën e programimit në një mënyrë argëtuese dhe intuitive, duke krijuar lojëra, animacione dhe robotë. Kjo përvojë ka rezultuar jashtëzakonisht pozitive, pasi jo vetëm që zhvillon aftësitë teknologjike të fëmijëve, por edhe e bën teknologjinë më të aksesueshme dhe gjithëpërfshirëse. Më frymëzon fakti që kompani të mëdha investojnë në përfshirjen e grupeve të pafavorizuara në botën dixhitale. Një shembull tjetër është programi Gratë në STEM , ku angazhohem vullnetarisht për të inkurajuar vajzat të ndjekin karrierën në teknologji. Mentorimi është një aspekt kyç i kontributit tim, duke mbështetur të rinjtë në sfidat akademike dhe profesionale. Aktualisht, ndihmoj një student nga Kenia të përgatitet për tregun e punës përmes një programi të strukturuar mbi zhvillimin e karrierës. Këto iniciativa përfaqësojnë një investim të vlefshëm për të ardhmen, duke fuqizuar brezin e ri me më shumë mundësi në epokën dixhitale. Vizioni dhe E Ardhmja Një botë ku teknologjia dhe edukimi krijojnë mundësi të barabarta. Transformimi dixhital nuk duhet të jetë privilegj, por një forcë emancipimi për të gjitha shoqëritë. Angazhimi me diasporën, avancimi i grave në STEM dhe dixhitalizimi janë sfidat ku do të vazhdoj të jap kontributin tim.  Albumi fotografik. Familja e Aniles . Familja e Aniles. Përgatiti: Dr.Li liana Pere

Anila Hoxha Gjermeni Një artiste që ngre lart vlerat e muzikës  shqiptare dhe të huaj në skenat europiane.  – Një shqiptare që ngre lart muzikën në skenën botërore Në një botë ku talenti shpesh sfidohet nga kufijtë dhe mundësitë, Anila Hoxha Gjermeni është dëshmia e qartë se pasioni dhe përkushtimi mund ta tejkalojnë çdo barrierë. Ajo nuk është thjesht një muzikante; ajo është një frymëzim, një shqiptare që me talentin e saj ka lënë gjurmë në skenën ndërkombëtare. Nga hapat e parë në Shqipëri, deri te skenat prestigjioze jashtë vendit, rrugëtimi i saj është një histori suksesi e ndërtuar mbi punë të palodhur, përkushtim dhe një dashuri të pakushtëzuar për muzikën. Me një interpretim të ndjerë dhe teknikë të përsosur, ajo ka arritur të fitojë vlerësimin e kritikëve dhe duartrokitjet e publikut në skena që dikur mund të dukeshin si një ëndërr e largët. Muzika e saj nuk është thjesht tinguj; është një urë që lidh kulturën shqiptare me atë botërore. Çdo performancë e saj mbart një copëz Shqipërie, një ndjesi autentike që e bën të dallueshme mes artistëve të mëdhenj të kohës sonë. Ajo ka dëshmuar se arti nuk njeh kufij dhe se talenti shqiptar mund të shkëlqejë kudo në botë. Në çdo notë që luan, në çdo skenë ku ngjitet, Anila  është një shembull i shkëlqyer i fuqisë së artit dhe shpirtit shqiptar që pushton botën. Ajo është frymëzim për brezat e rinj, një model për çdo artist që ëndërron të depërtojë përtej kufijve dhe të lërë një gjurmë të pavdekshme në historinë e muzikës. Anila Hoxha Gjermeni është një soprano e shquar shqiptare, e cila ka ndërtuar një karrierë të suksesshme ndërkombëtare në fushën e muzikës operistike. E lindur në Tropojë, ajo filloi udhëtimin e saj artistik në moshë të re, duke ndjekur studimet në shkollën artistike "Prenk Jakova" në Shkodër, nën drejtimin e profesorit Ferid Bala. Pas përfundimit të studimeve në Shkodër, Anila vazhdoi arsimin e lartë në Akademinë e Arteve në Tiranë, ku u diplomua në vitin 1989. Pas diplomimit, Anila u emërua si mësuese e kantos në Liceun Artistik "Jakov Xoxa" në Fier, ku punoi për pesë vjet. Gjatë kësaj periudhe, ajo zhvilloi dhe forcoi aftësitë e saj vokale dhe pedagogjike, duke ndikuar pozitivisht në brezat e rinj të artistëve shqiptarë. Në vitin 1994, Anila vendosi të zhvendoset në Itali, duke u vendosur në Milano. Fillimet në një vend të huaj ishin sfiduese, por pasioni dhe përkushtimi i saj për muzikën e ndihmuan të integrohej shpejt në skenën muzikore italiane. Në vitin 2001, ajo debutoi me rolin e Violettës në operën "La Traviata" në një qytet pranë Milanos, duke shënuar fillimin e një karriere të suksesshme ndërkombëtare. Një nga arritjet më të rëndësishme në karrierën e saj ishte pranimi në Akademinë e Teatrit "La Scala" në Milano, ku ndoqi një kurs njëvjeçar. Pas përfundimit të kursit, në vitin 2009, Anila u përzgjodh për të performuar në një koncert me orkestrën e madhe të auditorit "Giuseppe Verdi", duke interpretuar simfoninë e Beethoven-it. Për tre vjet, ajo ishte pjesë e këtij institucioni prestigjioz, duke përjetuar një eksperiencë të jashtëzakonshme artistike. Pavarësisht suksesit ndërkombëtar, Anila nuk e ka harruar kurrë vendlindjen e saj. Ajo ka realizuar disa koncerte recitale në Shqipëri, duke performuar me orkestrën simfonike të RTSH-së dhe Akademisë së Arteve. Në këto koncerte, ajo ka përfshirë jo vetëm repertorin operistik, por edhe këngë të bukura folklorike shqiptare, të përpunuara dhe origjinale, me qëllim ruajtjen dhe promovimin e trashëgimisë kulturore shqiptare. Përveç angazhimeve të saj artistike, Anila ka shprehur dëshirën për të kontribuar në zhvillimin e artit në vendlindjen e saj, Anila  ka nje projekt per promovimin e artit shqiptar e boteror kudo neper bote,,dhe do te realizoj koncerte class-folk ku te nxjer ne pah muziken tone origjinale,operat e kompozitoret shqiptar e gjithashtu këngët e perpunuara,jaret e kengen qytetare e ta kendoj sic e kane  shkruar vete kompozitoret.Koncert- clas-folk Pergatiti:Liliana Pere.

Anila Hoda është aktualisht Sekretare Shkencore në Akademinë e Shkencave të Shqipërisë dhe një nga figurat më të spikatura në fushën e gjenetikës dhe bioteknologjisë shtazore në Shqipëri. Karriera e saj akademike është e lidhur ngushtësisht me kërkimin shkencor dhe mësimdhënien në Departamentin e Shkencave Zooteknike në Universitetin Bujqësor të Tiranës (UBT), ku ka kontribuar për më shumë se tre dekada. E diplomuar në Biologji pranë Fakultetit të Shkencave të Natyrës në Universitetin e Tiranës, ajo filloi menjëherë punë si pedagoge e lëndës së Gjenetikës në UBT. Me pasionin e saj të veçantë për shkencat e jetës, ajo udhëhoqi procesin e zhvillimit dhe modernizimit të programeve mësimore, duke futur lëndë si Bioteknologjia Shtazore dhe Inxhinieria Gjenetike. Në fushën e kërkimit shkencor, Anila ka drejtuar dhe zbatuar projekte kombëtare dhe ndërkombëtare, ku ka aplikuar teknikat më moderne të biologjisë molekulare për studimin e diversitetit gjenetik të racave autoktone të deleve, dhive, si dhe të peshqve, me fokus të veçantë te korani i liqenit të Ohrit, një nga speciet endemike më të rëndësishme të rajonit. Keto kerkime jane realizuar kryesisht në Laboratorin e Bioteknologjisë Shtazore, i cili u ngrit dhe u drejtua prej saj, duke u shndërruar në një pikë referimi për studimet gjenetike në fushen perkatese. Prof. Anila Hoda është autore dhe bashkautore e një numri të madh publikimesh shkencore me impakt ndërkombëtar dhe ka një H-Index prej 11 në Scopus, me mbi 1300 citime shkencore në Google Scolar. Këto arritje e kanë vendosur atë në radhët e shkencëtarëve më të cituar shqiptarë në fushën e shkencave bujqësore dhe bioteknologjisë. Përkushtimi i saj në studimin dhe ruajtjen e trashëgimisë gjenetike të racave autoktone shqiptare, si dhe angazhimi për ta lidhur këtë pasuri kombëtare me shkencën globale, ka kontribuar modestisht në prezantimin dhe njohjen e këtyre vlerave unike edhe përtej kufijve të Shqipërisë. Ajo ka marrë pjesë aktive në konferenca ndërkombëtare, si dhe në programe bashkëpunimi akademik me institucione prestigjioze si Universiteti i Hohenheimit, CIHEAM, Humboldt University, Martin Luther University Halle-Wittenberg. Krahas projekteve kërkimore kombëtare dhe ndërkombëtare, Anila Hoda ka drejtuar edhe projekte të rëndësishme të programeve Tempus dhe Erasmus+ CBHE, me fokus zhvillimin dhe modernizimin e kurrikulave në fushën e shkencave zooteknike, ku ajo ka kontribuar në mënyrë të pandërprerë për 34 vite. Gjatë karrierës së saj, Prof. Dr. Anila Hoda ka ushtruar një sërë rolesh të rëndësishme administrative, të tilla si  Përgjegjëse e Departamentit të Shkencave Zooteknike, Zëvendësrektore për Kërkimin Shkencor, si dhe Kryetare e Degës së Kurrikulës dhe Zhvillimit të Karrierës në Universitetin Bujqësor të Tiranës. Ajo ka shërbyer gjithashtu si Nënkryetare e Këshillit të Akreditimit pranë Agjencisë së Sigurimit të Cilësisë në Arsimin e Lartë (ASCAL) dhe ka qenë pjesë e grupit të ekspertëve në procesin e akreditimit institucional të disa institucioneve të arsimit të lartë në Shqipëri, në bashkëpunim me Agjencinë Britanike të Sigurimit të Cilësisë (QAA). Që prej vitit 2023, Prof. Dr. Anila Hoda është nderuar me titullin e lartë “Akademik”, ndërsa aktualisht mban edhe pozicionin e Sekretares Shkencore të Akademisë së Shkencave të Shqipërisë. Për më shumë informacion, i drejtohemi ne nje intervistè te detajuar. Pyetja: Ju lutem për njohje me kexuesit, Kush është arsimi Prof. Dr. Anila Hoda? Pergjigje. Kam zhvilluar karrierën time akademike pranë Universitetit Bujqësor të Tiranës, ku kam kontribuar si pedagoge dhe kërkuese shkencore. E diplomuar si biologe, kam patur fatin të angazhohem në mënyrë aktive në kombinimin e kërkimit bazë me kërkimin e aplikuar, duke u përpjekur gjithmonë që rezultatet shkencore të kenë ndikim praktik dhe të përdoren në zhvillimin e sektorit bujqësor dhe të mjedisit në vendin tonë. Në vitin 2023 u nderova me titullin më të lartë “Akademik”, ndërsa aktualisht mbaj pozicionin e Sekretares Shkencore të Akademisë së Shkencave të Shqipërisë. Kontributet e mia shkencore fokusohen kryesisht në studimin e diversitetit gjenetik të racave autoktone të kafshëve të fermës dhe peshqve, me qëllim ruajtjen dhe promovimin e këtij thesari biologjik kombëtar. Paralelisht me kërkimin shkencor, në bashkëpunim me një staf të shkëlyer kolegësh dhe bashkëpunëtorësh në Departamenin e Shkencave Zooteknike kam dhënë kontributin tim modest në zhvillimin e kurrikulave dhe programeve të reja të studimit, duke i përshtatur ato me prirjet bashkëkohore në shkencë dhe nevojat e tregut. Gjithashtu, kam pasur fatin të krijoj dhe të forcoj bashkëpunime shkencore me universitete prestigjioze europiane, si Universiteti i Hohenheimit në Gjermani dhe Universiteti i Sassarit në Itali. Këto bashkëpunime kanë qenë thelbësore për realizimin e studimeve ndërdisiplinore, të cilat nuk do të kishin qenë të mundura pa këtë hapje dhe shkëmbim ndërkombëtar. Jam e bindur se ndërtimi i këtyre urave të bashkëpunimit është një element kyç për zhvillimin e shkencës shqiptare dhe për integrimin e saj në hapësirën shkencore ndërkombëtare. Pyetja Çfare rol dhe ndikim ka patur familja e Aniles në formimin e saj profesional, Çfarë vlerash trashëgon ajo nga familja ?  Pergjigje. Unë vij nga një familje që gjithmonë ka pasur në themel vlerësimin e arsimit, punës së ndershme dhe dashurisë për dijen. Që në fëmijëri, prindërit dhe të afërmit më kanë mësuar se arsimi dhe dija janë shtylla mbi të cilat ndërtohet jo vetëm e ardhmja personale, por edhe kontributi ndaj shoqërisë. Ky respekt për dijen dhe përpjekja për të mësuar diçka të re, sado të vogël por çdo ditë, është një vlerë e rrënjosur thellë në familjen time, e cila më ka ndihmuar drejtpërdrejt në formimin tim. Pasioni im për kërkimin shkencor dhe dëshira për të dhënë një kontribut konkret në zhvillimin e shkencës shqiptare, në fakt, është një vazhdim i natyrshëm i kësaj trashëgimie familjare. Për fat edhe bashkeshorti im, Petriti, merret me kërkim shkencor dhe mësimor dhe për më tepër duke qenë botanist, më ka ndihmuar shumë në ekspeditat e mia në terren, sidomos gjate kohës së studimeve të dokturatures. Nuk mund të lë pa përmendur se të afërmit e mi janë njerëz të njohur, të nderuar dhe të respektuar në fusha të ndryshme, me kontribute të njohura e të vlerësuara, çka ka qenë një tjetër burim frymëzimi për rrugëtimin tim profesional. Prindërit e mi vinin nga një brez dhe nga një kohë ku mundësitë për arsimim të lartë ishin të kufizuara, por pavarësisht kësaj, ata më mësuan vlerën e dijes dhe fuqinë e arsimit. Edhe pse vetë nuk patën mundësinë të ndiqnin studime të larta, ata më rritën me dashuri dhe respekt të thellë për librin, për mësimin dhe për punën e ndershme. Më mësuan që suksesi ndërtohet me punë dhe përkushtim, dhe mbi të gjitha, me ndershmëri dhe integritet. Ky model jete dhe kjo filozofi e thjeshtë, por e fortë, ka qenë udhërrëfyesi im në çdo hap të rrugëtimit tim professional dhe si të tillë përpiqem tia rrënjos edhe djalit tonë Ortis.   Pyetje; Çfarë arsimimi bazè ka. Anila ? Po studime pasuniversitare ? Kualifikime, vleresime, Tituj, ?  Pergjigje. Arsimimin bazë e kam përfunduar në Shkollën e Mesme "Petro Nini Luarasi" në vitin 1985. Më pas, kam ndjekur studimet e larta në Fakultetin e Shkencave të Natyrës, ku në vitin 1990 u diplomova në degën Biologji në programin 5-vjeçar. Në vitin 1999 fitova gradën shkencore "Doktor" me një temë që trajtonte analizën e popullatave lokale të ruminantëve në qarkun e Shkodrës, duke përdorur variante të ADN-së. Kjo ishte ndër studimet e para në vend që përdornin teknika molekulare në shkencat zooteknike. Kjo ishte një përvojë, nje shkollë shumë e mirë për mua, jo vetëm nga ana shkencore, por edhe sociale, pasi nepermjet ekspeditave, sidomos ne zonen e Shqiperise veriore (Malësi e Madhe, Dukagjin etj ) u njoha edhe me gjendjen reale si jetonte komuniteti lokal, si dhe me traditat e zakonet e tyre. Kjo ishte nje pasuri e pashlyeshme për mua dhe shpesh përpiqem ta reflektoj edhe në mësimdhënien me studentët, në dashurinë jo vetëm për kërkimin shkencor, por edhe njerëzit, vendlindjen, tokën tonë. Në vitin 2004 u vlerësova me titullin Profesor i Asociuar, ndërsa në vitin 2010 mora titullin Profesor. Kurorëzimi më i lartë i karrierës sime akademike erdhi në vitin 2023, kur u nderova me titullin Akademik nga Akademia e Shkencave të Shqipërisë. Përveç këtyre, kam kryer një sërë kualifikimesh pasuniversitare, por ato që patën ndikimin më të madh në formimin tim shkencor ishin ato në Universitetin Hohenheim në Gjermani. Pikërisht aty pata mundësinë të punoj në laboratorët më modernë të kohës, duke mësuar dhe aplikuar teknika të avancuara molekulare, në kuadër të studimeve të Doktoratës. Në atë periudhë, këto lloj studimesh ishin të pamundura në Shqipëri, ndaj kjo eksperiencë u kthye në një shkollë të vërtetë për mua. Njohuritë dhe përvojat që fitova në Hohenheim u bënë themelet mbi të cilat ndërtova Laboratorin e Bioteknologjisë Shtazore pranë Departamentit të Shkencave Zooteknike dhe orientova gjithë punën time kërkimore në vitet në vijim. Pyetje Çfarë eksperience ka Anila në mësimdhënie? Po eksperienca të tjera studimesh shkencore dhe eksperienca drejtimi?  Përgjigje. Unë kam një eksperiencë të gjatë dhe të pasur në mësimdhënie, që prej vitit 1990, kur fillova punë si pedagoge e Gjenetikës në Universitetin Bujqësor të Tiranës. Gjatë këtyre viteve kam trajtuar një sërë lëndësh, duke filluar nga Gjenetika (e përgjithshme), Gjenetika e popullatave, Inxhinieria gjenetike, Bioteknologjia e kafshëve (të fermës). Përveç mësimdhënies, kam pasur gjithashtu një rol aktiv në udhëheqjen e studentëve në temat e masterave shkencorë dhe doktoraturave, duke i përfshirë ata në projekte kërkimore me fokus diversitetin gjenetik, analizat molekulare dhe bioinformatikën. Sa i përket eksperiencave të tjera, mendoj se kam qenë me fat dhe jam ndier e nderuar, pasi kam mbajtur disa pozicione drejtuese dhe administrative si Përgjegjëse e Departamentit, Zëvendësrektore për Kërkimin Shkencor, Drejtoreshë e Shkollës Pasuniversitare, si dhe Kryetare e Njësisë së Kurrikulës dhe Zhvillimit të Karrierës. Kam qenë nënkryetare e Këshillit të Akreditimit pranë ASCAL, si dhe kam dhënë kontribut si eksperte e jashtme në vlerësimin dhe akreditimin institucional të universiteteve shqiptare, në bashkëpunim me ASCAL dhe Agjencinë Britanike të Sigurimit të Cilësisë (QAA). Kjo përvojë e gjerë më ka ndihmuar të kuptoj më mirë nevojat reale të studentëve, sfidat e sistemit arsimor dhe rrugët për ta modernizuar dhe përshtatur atë me zhvillimet bashkëkohore në shkencë dhe teknologji. Pyetje: Çfarë raporti keni me studentët? A njihet Anila për një qasje mbështetëse dhe frymëzuese ndaj studentëve, duke ndihmuar në zhvillimin e tyre akademik dhe profesional? Përgjigje. Me studentët jam munduar të kem gjithmonë një raport shumë të hapur, mbështetës dhe bashkëpunues. Për mua, studentët nuk janë thjesht dëgjues në auditore, por partnerë në procesin e dijes; unë kam besuar gjithmonë se një pedagog i mirë nuk është vetëm ai që jep dije, por edhe ai që frymëzon dhe udhëzon. Sidomos në studimet e nivelit Master dhe Doktorature, ata i kam konsideruar gjithmonë si kolegë, gjë që ka rritur vlerësimin e ndërsjelltë dhe përgjegjësinë në punë. Gjithmonë jam përpjekur t’i inkurajoj studentët të mendojnë kritikisht, të jenë kureshtarë dhe të kenë besim te vetja. Kam dashur të jem një mbështetëse në rrugëtimin e tyre në edukim, por dhe profesional, si dhe jam përpjekur të krijoj një raport besimi që e kam ruajtur me shumë prej studentëve edhe pas përfundimit të studimeve të tyre.  Ka qenë një kënaqësi dhe një krenari e veçantë kur kam parë shumë prej tyre që sot janë specialistë të suksesshëm, brenda dhe jashtë vendit. Shumë prej tyre kanë vijuar rrugën akademike, duke u bërë kërkues shkencorë, pedagogë pra kolegë, apo ekspertë në fusha të ndryshme. Ky është, pa dyshim, një nga vlerësimet më të çmuara për punën time dhe të gjithë kolegëve me të cilët kemi punuar për të përmbushur misionin tonë. Të shoh suksesin e tyre si një vazhdimësi e përpjekjeve tona të përbashkëta, është një trashëgimi profesionale që e konsideroj ndër arritjet më të vlefshme të karrierës sime Pyetje. Çfarë e dallon Anilën në fushën e saj perveç Ekspertizès se saj në diversitetin gjenetik, bioinformatikën dhe bioteknologjinë? Përgjigje. Ajo që besoj se më ka dalluar në fushën time nuk është vetëm ekspertiza teknike apo numri i punimeve shkencore, por edhe qasja ime ndaj shkencës dhe mënyra se si e kam konceptuar rolin tim. Unë gjithmonë e kam parë kërkimin shkencor si një mision me ndikim real, jo thjesht si një qëllim akademik. Kam synuar dhe jam përpjekur që rezultatet shkencore të mos mbeten në letër, por të shërbejnë në praktikë, qoftë në ruajtjen e racave autoktone, në menaxhimin e qëndrueshëm të burimeve gjenetike, apo në sugjerimin e politikave për sektorin blegtoral dhe akuakulturën. Gjithashtu, një aspekt është puna në ndërtimin e urave të bashkëpunimit ndërkombëtar. Besoj fort se shkenca nuk bëhet e izoluar, prandaj kam investuar energji për të krijuar lidhje me universitete dhe qendra kërkimore europiane. Pikërisht këto bashkëpunime kanë sjellë përdorimin e metodologjive moderne dhe kanë hapur rrugë që më parë dukeshin të paarritshme për një vend të vogël si Shqipëria. Pasionet e mia? Nuk do të thoja se kam ndonjë pasion të jashtëzakonshëm, por muzika ka qenë gjithmonë një shoqëruese e këndshme në momentet e mia të lira. Ekskursionet në natyrë, sidomos shëtitjet në ambiente të qeta dhe të gjelbra, më japin qetësi dhe më frymëzojnë. Gjithashtu, gatimi, sidomos kur përgatis diçka për familjen ose miqtë, është një mënyrë e bukur për të shprehur kujdesin dhe dashurinë time për ta. Në thjeshtësinë e këtyre gjërave, gjej shpesh balancën mes jetës profesionale dhe asaj personale. Ju faleminderit për mundesinë që më dhatë te bashkëbisedoj për rrugëtimin tim profesional. Ju faleminderit ju për intervisten. Prof Anila. Pergatiti; Dr. Liliana Pere.

Prof. Asc. Dr. Alma Cani – Një yll udhërrëfyes në mjekësinë shqiptare Prof. Asc. Dr. Alma Cani është një emër që ndriçon në shëndetësinë shqiptare, duke u shquar si një udhëheqëse e denjë, profesoreshë e nderuar dhe humaniste e pasionuar.  Ajo është një grua e cila shkrin miresinë, pozitivitetin dhe humanizmin në çdo aspekt të jetës së saj profesionale dhe personale. Përkushtimi i saj ndaj pacientëve është i jashtëzakonshëm, duke u bërë një mbështetje e fortë dhe e afërt për ata që kanë nevojë për kujdesin e saj. Ajo ofron një trajtim të veçantë, ku dhembshuria është një shtyllë e fortë, ndërsa aftësitë e saj profesionale e bëjnë një modele për të tjerët. Në mjedisin akademik, Alma është e njohur për aftësinë e saj të jashtëzakonshme për të udhëhequr dhe edukuar breza të rinj profesionistësh, duke e bërë mësimdhënien e saj një model për të gjithë kolegët. Përmes një kombinimi të veçantë të dijeve, dashurisë për profesionin dhe kujdesit për të tjerët, Prof. Alma Cani ka ndërtuar një trashëgimi të pasur dhe të çmuar në mjekësinë shqiptare. Detaje. Prej vitit 1991, Spitali Universitar “Shefqet Ndroqi” është bërë arena ku Prof. Asc. Dr. Alma Cani ka ndërtuar një karrierë brilante, duke ndriçuar me përkushtimin dhe aftësitë e saj në mjekësi. Si një mjeke e përgjithshme në hapat e parë të karrierës së saj, dhe më pas si një anesteziste-reanimatore dhe pneumologe, ajo ka qenë një shembull frymëzimi për breza të tërë mjekësh dhe studentësh. Në vitin 2012, ajo mori drejtimin e shërbimit të Anestezi-Reanimacionit dhe Terapisë Intensive, ndërsa që prej vitit 2019, mban rolin e Zëvendës- Drejtoreshës Teknike të Qendrës Spitalore Rajonale “Shefqet Ndroqi”. Për më tepër, që nga viti 2020, ajo ka përçuar dijen e saj si pedagoge e brendshme pranë Universitetit të Mjekësisë në Tiranë. Në vitin 2024, Alma emërohet Drejtoreshë e Qendrës Spitalore Universitare “Nënë Teresa”, duke vazhduar të udhëheqë dhe të kontribuoni për zhvillimin dhe avancimin e mjekësisë shqiptare. Fillimet e ndritshme Rruga drejt suksesit nisi në shkollën e mesme të përgjithshme “Petro Nini Luarasi” (1981-1986), ku Alma shkëlqeu dhe u vlerësua me medalje të artë. Studimet e larta në Universitetin e Mjekësisë në Tiranë (1986-1991) u kurorëzuan me rezultate të shkëlqyera, duke hedhur themelet për një karrierë të jashtëzakonshme. Ajo specializoi në pneumologji (1991-1993) dhe më vonë në anestezi-reanimacion. Marrja e titullit "Profesor i Asociuar" Në vitin 2016, Prof. Asc. Dr. Alma Cani u nderua me titullin e lartë akademik “Profesor i Asociuar” nga Këshilli i Profesorëve të Universitetit të Mjekësisë, Tiranë. Ky vlerësim është dëshmi e përkushtimit të saj në arsimimin e brezave të rinj, kërkimin shkencor dhe kontributin në zhvillimin e mjekësisë shqiptare. Kërkimet dhe Botimet Shkencore Puna kërkimore e Prof. Alma Cani përfshin një gamë të gjerë studimesh dhe publikimesh në fusha si: Anestezia dhe Terapia Intensive, me theks të veçantë mbi sindromën e distressit respirator akut (ARDS). Pneumologjia, duke kontribuar në trajtimin dhe menaxhimin e sëmundjeve respiratore në nivel kombëtar dhe ndërkombëtar. Ajo është autore dhe bashkëautore e shumë publikimeve shkencore, të cilat kanë gjetur jehonë në revista prestigjioze kombëtare dhe ndërkombëtare. Gjithashtu, ajo ka bashkëautoruar librin për studentët mbi lëndën e Anestezisë, Reanimacionit dhe Terapisë Intensive. Ka botuar librin për Pandeminë. Konferencat në Shtete të Ndryshme Prof. Alma ka marrë pjesë aktivisht në seminare, trajnime, dhe kongrese ndërkombëtare, duke prezantuar rezultatet e punimeve të saj dhe duke përfaqësuar Shqipërinë në nivelet më të larta të mjekësisë. Anëtare në Forume Ndërkombëtare Prof. Alma Cani është një figurë e njohur në organizata dhe forume ndërkombëtare. Si anëtare e Shoqatës Europiane të Terapisë Intensive (ESICM), ajo ka kontribuar në projekte kërkimore të rëndësishme. Për më tepër, ajo ka qenë pjesë e Komisionit Epror Mjekësor për Sëmundjet e Traktit Respirator gjatë viteve 2013-2016, duke luajtur një rol të rëndësishëm në hartimin e politikave mjekësore dhe zbatimin e tyre. Kontributi shkencor dhe ndërkombëtar Prof. Alma është një ndër emrat më të njohur në fushën e Terapisë Intensive, duke bashkëpunuar me ekipe shkencore ndërkombëtare dhe duke shërbyer si koordinatore për Shqipërinë në projekte madhore si studimi “Lung Safe” i Shoqatës Europiane të Terapisë Intensive (ESICM). Një hero në kohë pandemie Në betejën kundër COVID-19, Prof. Alma u bë një simbol i shpresës dhe guximit. Për këtë, Bashkia e Tiranës e përfshiu në posteren “Heronjtë e Tiranës” në prill 2020, ndërsa Bashkia e Bulqizës i dha titullin e nderit “Qytetare Nderi”. Ambasadore e Paqes Në nëntor 2023, Federata Universale e Paqes e nderoi me titullin “Ambasadore e Paqes”, duke njohur përkushtimin e saj për ndërtimin e një bote të harmonizuar dhe për promovimin e vlerave universale. Përfundim Prof. Asc. Dr. Alma Cani mbetet një simbol i fortë i mjekësisë shqiptare, një pishtar ndriçues që frymëzon dhe udhëheq përmes dijes, përkushtimit dhe humanizmit. Ajo ka ndërtuar një trashëgimi të pasur për të ardhmen e shëndetësisë dhe shkencës në Shqipëri dhe më gjerë. Pergatiti:Dr.Liliana Pere

Prof. Asoc. Dr. Enkeleda Olldashi është një emër i njohur dhe i respektuar në qarqet akademike dhe shoqërore të Shqipërisë. Me një karrierë të pasur dhe të pasionuar, ajo ka lënë një shenjë të thellë në fushën e jurisprudencës dhe mësimdhënies, duke ndihmuar në formimin e brezave të rinj me një kuptim të thellë të së drejtës dhe moralit. Puna e saj është një testament i përkushtimit ndaj dijes dhe etikës profesionale, dhe emri i saj është i lidhur ngushtë me Fakultetin e Drejtësisë në Universitetin e Tiranës, ku ajo gëzon një respekt të jashtëzakonshëm. Për Enkeledën, profesioni i saj është një mision që kalon përtej lëndëve dhe studimeve. Ajo është një pedagoge dhe grua që nuk e sheh vetëm mësimdhënien si një detyrë akademike, por si një mundësi për të ndikur pozitivisht tek studentët dhe shoqëria në tërësi. Ajo ka kontribuar me disa libra dhe studime të rëndësishme, ku tema të tilla si “E drejta romake,” “Teoritë e grupeve të interesit,” dhe “Lidhja mes së drejtës dhe moralit” pasqyrojnë një pasion të thellë për drejtësinë dhe përpjekjen e vazhdueshme për ta përmirësuar atë. Një Akademike dhe Një Grua me Përkushtim të Lartë Në çdo hap të karrierës së saj, Enkeleda ka pasur një qasje të balancuar, duke mbajtur gjithmonë në konsideratë nevojën për të bashkëpunuar dhe ndihmuar të tjerët. Ajo ka një marrëdhënie të ngushtë dhe të ndërsjellë me studentët, që shpesh e përshkruajnë si një pedagoge të kujdesshme, që di të transmetojë dijet me pasion dhe angazhim. Lënda që ajo drejton, “E Drejta Romake,” është bërë simbol i dedikimit dhe aftësisë së saj për të bërë që studentët të kuptojnë më mirë parimet e drejtësisë që kanë ndikim të drejtpërdrejtë në shoqëri. Për Enkeledën, çdo hap i saj në shkencë ka qenë i mbushur me qëllime dhe synime të larta. Ajo thekson shpesh se shkenca dhe kërkimi shkencor janë të papërshkueshëm pa pedagogjinë dhe komunikimin e drejtë me studentët. Siç shprehet ajo, “Pedagogjia është një mision social që përballet me sfida të shumta, por gjithashtu është një mundësi për të shpërndarë dijen dhe për të formuar breza të rinj që mund të bëjnë ndryshimin në shoqëri.” Ajo e sheh të rëndësishme të kultivohet një “egoizëm shkencor,” një pasion për njohjen e lëndës dhe përpjekjen për ta përhapur atë tek të tjerët. Një Jetë e Lidhur me Shkencën dhe Familjen Jeta e Enkeledës është një shembull i përkushtimit dhe balancës midis angazhimeve profesionale dhe atyre familjare. Ajo është e martuar me Sokol Olldashin, një personalitet i njohur politik, dhe së bashku ata kanë ndërtuar një familje të shëndetshme dhe të suksesshme. Ata kanë dy djem, Glauk dhe Kleit, të cilët kanë zgjedhur të ndjekin studimet në fushën e Ekonomisë, duke treguar se, pavarësisht ndikimit të fortë të prindërve të tyre në drejtësi dhe politikë, ata janë të lirë të ndjekin pasionet e tyre personale. Për Enkeledën, familja është gjithashtu një burim i madh force dhe motivimi. Ajo ndan me pasion kujtimet e kohës kur ishte një nënë dhe pedagoge e angazhuar, dhe shpesh thekson se, pavarësisht angazhimeve të shumta profesionale, ajo gjithmonë ka mbajtur një lidhje të ngushtë me djemtë e saj dhe ka qenë e përkushtuar për t’u siguruar që ata të kenë një edukim të shkëlqyer dhe mundësi të barabarta për të arritur ëndrrat e tyre. Një Karrierë e Pasur dhe Ndikimi Ndërkombëtar Përveç mësimdhënies dhe punës në Shqipëri, Enkeleda ka kontribuar në një numër të gjerë projektesh ndërkombëtare, si ekspert ligjor dhe konsulent për organizata si UN Women, Oxfam dhe Banka Botërore. Ajo ka pasur një ndikim të konsiderueshëm në fushën e mbrojtjes së të drejtave të njeriut, dhe në veçanti, ka qenë një avokate e fuqishme për të drejtat pronësore të grave. Për më tepër, angazhimi i saj në sindikatën e punonjësve të universiteteve dhe roli i saj si Sekretare e Përgjithshme ka treguar se ajo është një lider që ndihmon në përmirësimin e kushteve të punës për pedagogët dhe stafit akademik. Një Trashëgimi Akademike dhe Sociale Puna e Enkeledës është një model i shkëlqyer i profesionalizmit, integritetit dhe pasionit për dijen dhe drejtësinë. Ajo ka kontribuar në mënyrë të jashtëzakonshme në edukimin e të rinjve dhe në mbrojtjen e të drejtave të njeriut, duke lënë një trashëgimi që do të vazhdojë të ndikojë në brezat e ardhshëm. Me një angazhim të palodhur dhe një pasion të pashuar për shkencën dhe drejtësinë, Enkeleda Olldashi është një shembull i përkushtimit dhe një burim frymëzimi për të gjithë ata që e njohin.

Prof. Dr. Aurela Anastasi është një juriste dhe pedagoge e njohur shqiptare, e specializuar në të drejtën publike dhe kushtetuese. Ajo shërben si profesore në Fakultetin e Drejtësisë të Universitetit të Tiranës dhe është anëtare e Akademisë së Shkencave të Shqipërisë. Në vitin akademik 2017-2018, Prof. Anastasi u përzgjodh nga programi prestigjioz Fulbright, për të kryer kërkime në Boston College Law School, në Shtetet e Bashkuara të Amerikës. Gjatë kësaj periudhe, ajo u fokusua në studimin e të drejtave kushtetuese dhe mbrojtjen e tyre në procesin gjyqësor amerikan, duke kontribuar në avancimin e njohurive në këtë fushë dhe në forcimin e lidhjeve akademike midis Shqipërisë dhe Shteteve të Bashkuara. Përvoja e saj në kuadrin e studimeve Fulbright, ka pasuruar më tej karrierën e saj akademike dhe ka ndikuar pozitivisht në zhvillimin e studimeve juridike në Shqipëri. Aurela Anastasi është një profesore dhe intelektuale e shquar shqiptare në fushën e së drejtës, e njohur për profesionalizmin, logjikën e qetë dhe përkushtimin ndaj drejtësisë. Ajo ka kontribuar ndjeshëm në edukimin juridik dhe zhvillimin e legjislacionit shqiptar. E shquar për cilësinë e lartë të studimeve dhe angazhimin e saj në mbrojtjen e të drejtave të njeriut, Anastasi përfaqëson një model të intelektualit të përkushtuar ndaj drejtësisë dhe barazisë. Detaje kryesore: Datëlindja dhe vendlindja: Prill 1965, Vlorë, Shqipëri. Arsimimi: Diplomuar në Fakultetin e Drejtësisë, Universiteti i Tiranës, me rezultate të shkëlqyera (mesatare 9.98). Tema e diplomës: “Karakteristikat e shtetit dhe të së drejtës shqiptare, 1912-1914.” Tituj akademikë: Profesor që nga viti 2005; anëtare e Akademisë së Shkencave të Shqipërisë që nga viti 2009. Karriera: 1. Pedagoge dhe studiuese në fushën e së Drejtës Kushtetuese dhe Historisë së të Drejtës, që nga viti 1987. Ka ndjekur studime universitare dhe pasuniversitare në Shqipëri dhe jashtë vendit. Hartuese e programeve mësimore të lëndëve si “E drejta Kushtetuese e Krahasuar” dhe “Barazia gjinore dhe ligji.” Ka botuar shumë artikuj shkencorë dhe ka mbajtur referate ndërkombëtare. 2. Avokate për të drejtat e njeriut: Nga viti 1996, me fokus në mbrojtjen e të drejtave të grave, në çështjet e mosdiskriminimit dhe të dhunës në familje. 3. Anëtare e Komisionit të Venecias, Komisionit për Demokraci nëpërmjet ligjit, duke përfaqësuar Shqipërinë në vitet 2016-2020. 4. Kontribut në edukim: Iniciatore e organizatave pro bono për studentët e Drejtësisë, me qëllim ofrimin e ndihmës juridike falas për shtresat në nevojë. Prof. Dr. Aurela Anastasi është një studiuese e shquar në fushën e së drejtës kushtetuese dhe të drejtave të njeriut. Ajo ka kontribuar ndjeshëm në zhvillimin e legjislacionit shqiptar dhe në edukimin e brezave të rinj të juristëve. Më poshtë janë disa nga studimet dhe botimet e saj kryesore: 1. “Barazia dhe Drejtësia Gjinore” Anastasi trajton çështjet e barazisë gjinore në kontekstin ligjor shqiptar, duke ofruar rekomandime për përmirësimin e legjislacionit në këtë fushë. 2. “E drejta Kushtetuese” Tekst mësimor për studentët e Drejtësisë, të cilin e ka hartuar në bashkautorësi me Prof. Luan Omarin. 3. “E drejta kushtetuese e krahasuar” Ky tekst mësimor me leksione dhe raste nga praktika, ofron një analizë krahasuese të sistemeve kushtetuese, duke shërbyer si burim i vlefshëm për studentët dhe studiuesit e së drejtës. 4. “Historia e të drejtës Kushtetuese në Shqipëri (1912-1939)” Monografi me objekt studimi zhvillimet e të drejtës dhe aktet kryesore Kushtetuese në vitet e Pavarësisë së Shqipërisë. Prof. Dr. Aurela Anastasi ka botuar edhe mjaft artikuj në revista kombëtare dhe ndërkombëtare mbi jurisprudencën kushtetuese, të drejtat e njeriut, barazinë gjinore dhe reformat ligjore. Vitet e fundit, publikime të rëndësishme kanë pasur objekt studimi reformën në drejtësi dhe procesin e integrimit evropian. Ajo ka ligjëruar dhe drejtuar mjaft forume për Barazinë Gjinore, si dhe për rolin e grave në shoqëri. Ka organizuar e ka referuar në konferenca kombëtare e ndërkombëtare si dhe ka drejtuar debate akademike mbi jurisprudencën dhe rolin e institucioneve të drejtësisë. Prof. Dr. Aurela Anastasi, është anëtare e Shoqatës Ndërkombëtare të Konstitucionalistëve , si dhe anëtare në disa rrjete ndërkombëtare shkencore. Prof. Anastasi ka qenë anëtare dhe drejtuese në grupet e punës për reformat kushtetuese e ligjore në vendin tonë. Spikasin reforma në Drejtësi në vitet 2015-2016, si dhe reformat ligjore për barazinë gjinore e mosdiskriminimin (2004-2010). Ajo është ligjëruese dhe trajnere në Shkollën e Magjistraturës dhe në programe të ndryshme mbi të drejtat e njeriut. Organizatore e aktiviteteve shkencore për të rinjtë juristë, duke promovuar studimet juridike dhe ndihmën juridike falas për komunitetet në nevojë. Këto aktivitete e bëjnë Prof. Dr. Aurela Anastasin një nga figurat më të spikatura në fushën e së drejtës në Shqipëri dhe më gjerë. Vlerësimet për të kanë ardhur nga kolegë, studentë, institucione akademike dhe organizata ndërkombëtare, duke e cilësuar si një intelektuale të nivelit të lartë dhe një kontribuuese të jashtëzakonshme në zhvillimin e legjislacionit dhe mbrojtjen e të drejtave të njeriut. Për punën e kryer, ajo është vlerësuar me certifikata mirënjohjeje nga disa Universitete të vendit. Gjithashtu, certifikata mirënjohjeje ka marrë edhe nga disa organizata kombëtare e ndërkombëtare. Cilësi Personale të Vlerësuara 1. Logjika e Qartë dhe Qetësia Kolegët dhe studentët e përshkruajnë si një intelektuale të qetë dhe të logjikshme, e aftë për të analizuar çështje komplekse me objektivitet. 2. Vendosmëri për Drejtësinë E njohur për angazhimin e saj të palëkundur në mbrojtjen e vlerave demokratike dhe shtetit të së drejtës. 3. Përulësia dhe Thjeshtësia Pavarësisht arritjeve të saj të mëdha, është përshkruar si një person modest dhe gjithmonë i gatshëm të ndihmojë të tjerët. Përmbledhje Prof. Dr. Aurela Anastasi ka fituar respektin dhe vlerësimin e gjerë për kontributet e saj të pashembullta në fushën akademike, ligjore dhe shoqërore, duke u bërë një shembull frymëzues për juristët dhe akademikët e rinj në Shqipëri dhe jashtë saj. Cilësi dhe vlerësime. Aurela Anastasi përshkruhet si një intelektuale e nivelit më të lartë, e cila kombinon qetësinë, logjikën dhe vendosmërinë për drejtësi. Ajo është një figurë frymëzuese, jo vetëm për kontributet e saj në sistemin ligjor shqiptar, por edhe për mbështetjen që u ofron brezave të rinj të juristëve.

E dashura Mësuese Lefteri Goshe, Me gjithë zemër dhe mirënjohje, po ju drejtohem me këtë letër, si një përqafim nga kujtimet më të dashura. Ishte një gëzim të rritesha nën kujdesin tuaj të mençur, të dashur dhe gjithmonë të ngrohtë. Ju ishit më shumë se një mësuese për ne; ishit një figurë që e bënte shkollën një vend të dashur dhe të sigurt. Buzëqeshja dhe zemra juaj ishin diellore. Na dhuronit dritë dhe ngrohtësi çdo ditë. Fjalët dhe këshillat tuaja zinin vend tek ne, duke na edukuar me mençuri dhe dashuri. Kujtoj kur hapnit derën qetësisht dhe na përshëndesnit me fjalën e urtë, duke sjellë gjithnjë mirësi dhe harmoni në klasë. Nuk mbaj mend të keni qortuar asnjë nxënës ashpër; gjithmonë e bënit me ëmbëlsi, duke na mësuar me butësi dhe mirëkuptim. Kujtoj shkollën tonë të bukur, madhështore në sytë e mi, aq të blertë, të rrethuar nga plepat e gjatë, me sheshin e madh përpara dhe çezmën pranë, që rridhte ujë kristal të pastër nga Gramozit. Ende më kumbon në mendje gëzimi dhe gumezhima e zërave tanë fëmijërorë, ku ju ishit gjithmonë e pranishme, duke na udhëhequr me dashuri. Ende e kujtoj me mall atë moment kur bashkë me shoqet, Meriten dhe Lizen, vraponim për të mbledhur lulet e para pranverore dhe ua dhuronim me shumë dashuri. Aromën e petaleve të vjollcës e kujtoj dhe sot, si një mesazh mirënjohjeje që ka qëndruar gjithmonë në zemrën time dhe që do të mbetet aty përherë. Ju falënderoj nga zemra për gjithçka që keni bërë për ne, për secilën fjalë dhe mësim të dhënë me shumë përkushtim. Ju ishit një edukatore e jashtëzakonshme, një njeri që e bëri çdo ditë shkollore një mundësi për të mësuar dhe për t’u rritur. Ju uroj shëndet e jetë të gjatë, duke ju dërguar një përqafim të madh. Me respekt dhe dashuri të pamatë, Liliana Pere

Gëzuar 7 Marsin, Ditën e Mësuesit! Sot dua te nderoj së pari mësueset e para të kombit, ato dhe ata pishtarë drite që na mësuan ABC-në dhe hodhën themelet e dijes Motrat Qirjazi dy mësueset e para te Kombit Si vizionare të mëdha të arsimit dhe emancipimit. Mirënjohje dhe përulje gjithë armatës së mësuesve tanë të dashur udhërrefyesve që u renditën për ne pas prindërve tanë, dhe na udhëhoqën me përkushtim e pasion në rrugën e dijes. Respekt dhe falënderim përjetë për mësuesit tanë! Liliana Pere.